Kigali

U Rwanda rwahakanye ibyo gufasha Gen Kayihura ngo azasimbure Museveni

Amakuru   Yanditswe na: Iyamuremye Janvier 2 October 2017 Yasuwe: 3330

Guverinoma y’u Rwanda yahakanye yivuye inyuma ibyavugwaga ko barigufasha Umukuru w’igipolisi cya Uganda , Gen Kale Kayihura kugirango azasimbura Perezida Yoweli Museveni ku butegetsi.

Ambasaderi w’u Rwanda muri Uganda, Major Gen. (Rtd) Frank Mugambage yabwiye ikinyamakuru Chimpreports cyandikirwa muri Uganda ko nta gahunda nimwe u Rwanda rugina na Gen Kae. Ati “Ntacyo dukorana na Gen Kale... .”

Muri iki kiganiro yaboneyeho gusobanura ko ibyo bihuha bikomeje kuvugwa n’abarwanya Gen Kayihura.

Ambasaderi w’u Rwanda asanzwe atuye muri Kololo, mu nkengero za Kampala ari naho iki kinyamakuru Chimpreports cyamusanze.Yabajijwe ibibazo byibanda kubimaze iminsi bivugwa mu itangazamakuru y’uko U Rwanda rwaba rufasha Gen Kayihura kuzaba Perezida wa Uganda.

Yagize ati: “Ikibazo cyo kuba u Rwanda rushyigikiye rwihishwa Kayihura ntacyo kiri cyo usibye kuba ari ibihimbano”.

Abajijwe ibi nyuma y’uko byavugwaga y’uko Guverinoma y’u Rwanda iri gukorana bya hafi kugirango Kayihula azahita afata ubutegetsi Museveni avuyeho.

Ngo imikoranire y’u Rwanda na Kayihula yatangiye ubwo yakoranaga n’Igipolisi cy’u Rwanda muri gahunda zo gutoza abapolisi no kurwanya ibyaha byambukiranya imipaka.

Mugambage yabajijwe nib anta nyungu u Rwanda rufite mu gushyiraho uzasimbura Museveni avuga ko ari ibinyoma ndetse ko U Rwanda rufite byishi byo kwitaho.Ati:“Ni ibibazo bya Uganda”.

Yakomeje agira ati: “U Rwanda rufite byinshi byo gukora. Ibi byose tubibona gusa mu itangazamakuru. Nta kintu nk’icyo gihari.”

Ambasaderi Mugambage yanakomoje ku Munyarwanda, Rene Rutagungira wahoze mu Ingabo z’u Rwanda,RDF kugeza n’ubu utazwi aho afungiye nubwo umuryango we ukomeje gutangaza ko afunzwe n’ubutasi bw’Igisirikare cya Uganda.

Yavuze ko iki kibao cyagejejwe ku nzego zose bireba, ngo yanakindiye Minisiteri y’ububanyi n’amahanga ayimenyesha iby’iki kibazo ndetse bakaba barabajije izindi nzego nk’igipolisi n’inzego z’ubutasi ariko nta n’umwe wemera ko afite Rutagungira.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uwahaye ‘PHD’ Grace Mugabe yatawe muri yombi

Ku wa 10 Mutarama, 2018 nibwo Urwego rushinzwe kurwanya ruswa muri Zimbabwe...
17 February 2018 Yasuwe: 1104 0

Abasirikare 6 ba Congo biciwe mu mirwano yazihuje n’ingabo z’u...

Abasirikare batandatu ba Republika iharanira demokrasi ya Kongo biciwe mu...
16 February 2018 Yasuwe: 5479 0

Ibintu 7 bitazibagirana kuri Jacob Zuma ubaye uwa 3 wegujwe nta maraso...

Jacob Zuma w’ imyaka 75 y’ amavuko ubaye Perezida wa 3 wo muri Afurika...
16 February 2018 Yasuwe: 3024 0

Ministri w’Ububanyi n’Amahanga w’Ubuholandi ushinjwa kubeshya yeguye

Kuri uyu wa 14 Gashyantare, 2018 Ministiri w’Ububanyi n’amahanga w’Ubuholandi...
16 February 2018 Yasuwe: 506 0

Morgan Tsvangirai wigeze kuba Minisitiri w’ Intebe wa Zimbabwe...

Umukuru w’ abatavuga n’ ubutegetsi bwa Zimbabwe Morgan Tsvangirai yitabye...
15 February 2018 Yasuwe: 948 0

Jacob Zuma atangaje ko yeguye ku buyobozi bwa Afurika y’Epfo

Ahagana saa tanu z’ijoro ryo kuri uyu wa 14 Gashyantare, 2018 Perezida Jacob...
14 February 2018 Yasuwe: 1596 0