skol
Kigali
startimes

Uburundi bwirukanye uhagarariye OMS n’abandi bakozi batatu bavugwaho gukoroga ubutegetsi

Amakuru   Yanditswe na: Dusingizimana Remy 14 May 2020 Yasuwe: 1014

Inyandiko igaragara nk’iyanditswe n’iyi minisiteri imenyesha ko Dr Walter Kazadi Mulombo uhagarariye OMS mu Burundi, Pr. Tarzy Daniel, Dr Ruhana Mirindi Bisimwa na Dr Jean Pierre Murunda Nkata bategetswe kuva ku butaka bw’u Burundi mbere ya tariki 15/05/2020.


Inyandiko iboneka ku mbuga nkoranyambaga nk’iya ministeri y’ububanyi n’amahanga y’u Burundi imenyesha ko abantu bane (4) barimo uhagarariye ishami ry’umuryango w’abibumbye ryita ku buzima OMS/WHO mu Burundi "badakenewe" mu gihugu.

BBC yavuganye na Ezechiel Nibigira minsitiri w’ububanyi n’amahanga w’u Burundi ariko ntiyahakana cyangwa ngo yemeze ibivugwa muri iyi nyandiko.

Umwe mu bakozi ba minisiteri y’ububanyi n’amahanga utifuje gutangazwa amazina, yemereye BBC ko iriya nyandiko ari iy’ukuri kandi ari iya minisiteri y’ububanyi n’amahanga.

Iyi nyandiko ntisobanura impamvu yo kwirukanwa kw’aba.

Ishami ry’umuryango w’abibumbye ryita ku buzima OMS/WHO, ntacyo riratangaza ku iyirukanwa ry’urihagarariye mu Burundi.

OMS niyo iyoboye ibikorwa byo kurwanya coronavirus ku isi.

Mu Burundi leta ivuga ko hamaze kuboneka abantu 27 banduye coronavirus 11 bayikize n’umwe yishe.

Mu gihe hakomeje ibikorwa byo kwiyamamaza bihuza abantu benshi cyane begeranye, hari abagaragaza impungenge ko iki cyorezo gishobora kwiyongera mu gihugu.

Muganga Mulombo wari uhagarariye OMS mu Burundi biravugwa ko yaba yaribasiye Leta y’Uburundi asaba ko hatangazwa amakuru y’ukuri ku cyorezo cya Coronavirus muri iki gihugu bikarakaza abategetsi.

Muganga Walter Kazadi Mulombo yirukanwe mu gihugu cy’Uburundi yari amazemo imyaka ine ahagarariye OMS nkuko biri ku rubuga rwe rwa Linkedin.

Abamaze kumenyekana ko banduye virusi ya Corona mu Burundi ni 27. Mu gihe umwe ari we wemejwe ko yahitanywe nayo.

Uburundi bukomeje kuvugwa cyane mu Binyamakuru mbere y’uko amatora ateganyijwe kuwa 20 Gicurasi aba.

Mu minsi ishize,Leta y’u Burundi yandikiye Ubunyamabanga bw’Umuryango wa Afurika y’Iburasirazuba, EAC ibumenyesha ko indorerezi z’uwo muryango zizajya gukurikirana amatora ya Perezida, zigomba kubanza kujya mu kato k’iminsi 14 hirindwa Coronavirus.

Amatora ya Perezida mu Burundi ateganyijwe tariki 20 Gicurasi uyu mwaka. Bikubiye mu ibaruwa Minisitiri mu Biro bya Perezida w’u Burundi yandikiye EAC, yo ku wa Gatanu tariki 8 Gicurasi; bivuze ko izo ndorerezi ziramutse zigiye zikabanza kujya mu kato k’iminsi 14, zasanga amatora yararangiye.

Minisitiri Isabelle Ndahayo yavuze ko kubera ingamba zo kwirinda icyorezo cya Coronavirus, EAC ikwiriye kohereza indorerezi bitazaba ngombwa ko zishyirwa mu kato.

Nubwo mu ibaruwa bitanditse, byumvikana ko indorerezi bitazaba ngombwa ko zishyirwa mu kato ari abaturage basanzwe imbere mu Burundi.

Ibikorwa byo kwiyamamaza mu Burundi byatangiye tariki 27 Mata 2020, bikaba biteganyijwe kurangira kuwa 17 Gicurasi uyu mwaka.

Guverinoma y’u Burundi yatangaje ko mu cyumweru cya mbere cy’ibikorwa byo kwiyamamaza, abantu babiri bishwe, 26 bagakomereka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1837 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1591 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1034 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1225 1

“Muri gukina n’umuriro”-Perezida Museveni abwira Bobi Wine n’abarwanashyaka...

Perezida wa Uganda ,Yoweli Kaguta Museveni yabwiye mugenzi we Bobi Wine...
20 November 2020 Yasuwe: 6813 0

Ibintu by’ingenzi 10 utamenye kuri Joe Biden Perezida wa 46 muri...

Joe Biden wari uhagarariye ishyaka ryaba Democrat yatsinze Donald Trump mu...
19 November 2020 Yasuwe: 4189 1