skol
Kigali
startimes

Ubushinwa bwihimuye kuri Amerika bufunga ibiro by’uyihagarariye

Amakuru   Yanditswe na: Dusingizimana Remy 24 July 2020 Yasuwe: 2171

Ubushinwa bwategetse ko ibiro by’uhagarariye Leta zunze ubumwe za Amerika mu mujyi wo mu burengerazuba wa Chengdu bifungwa, igikorwa gishya mu bushyamirane buri hagati y’ibi bihugu.


Leta y’Ubushinwa yatangaje ko iki gikorwa cyari "gikenewe" kuri Amerika, nayo muri iki cyumweru yategetse ko ibiro by’uhagarariye Ubushinwa mu mujyi wa Houston muri Amerika bifungwa.

Mike Pompeo ushinzwe ububanyi n’amahanga bwa Amerika yavuze ko uwo mwanzuro bawufashe kuko Ubushinwa "bwariho bwiba" ibihangano mu by’ubwenge.

Ubushyamirane ku ngingo zinyuranye bumaze igihe bututumba hagati y’ibi bihugu by’ibihangange ku isi.

Minisiteri y’ububanyi n’amahanga y’Ubushinwa, yatangaje ko gufunga ibiro bya Amerika ari "igikorwa cyemewe kandi gikenewe mu kwihorera ku gikorwa kidafite impamvu cyakozwe na Amerika".

Mu itangazo ry’iyi minisiteri bavuga ko "Uko byifashe hagati y’Ubushinwa na Amerika ari ibintu Ubushinwa butifuza kubona, kandi Amerika ariyo nyirabayazana wa byose".

Ibiro bya Amerika muri Chengdu, byashinzwe mu 1985 ubu bifite abakozi 200, ni ahantu h’ingenzi kuko hegereye akarere ka Tibet.

Tibet ni agace kari ku butumburuke kurusha utundi ku isi, gakunze kwitwa "igisenge cy’isi", ni akarere kigenga kuri leta y’Ubushinwa gahora gaharanira ubwigenge busesuye.

Mu ntangiriro z’iki cyumweru, leta ya Amerika yamenyesheje Ubushinwa ko bitarenze impera z’iki cyumweru bagomba gufunga ibiro byabo biri mu mujyi wa Houston muri leta ya Texas.

Bwana Pompeo yavuze ko leta leta y’Ubushinwa "itari kwiba gusa umutungo mu by’ubwenge wa Amerika…ahubwo n’umutungo nk’uwo w’Uburayi…bigashyira mu kaga imirimo ibihumbi amagana".

Bwana Pompeo yavuze ko bategereje ingamba Ubushinwa buzafata ariko butabikora bo bakazifata.

Ibiro by’uhagarariye Ubushinwa muri Houston ni bimwe muri bitanu biri muri Amerika, hamwe na Ambasade iri i Washington DC. Ntabwo bizwi neza impamvu ibi biro bya Houston aribyo byafunzwe.

Ubushinwa bwihimuranye umujinya, umuvugizi wa minisiteri y’ububanyi n’amahanga avuga ko impamvu zatanzwe na Amerika kuri icyo gikorwa "ziteye isoni".

Hua Chunying yasabye Amerika kwisubiraho ku "mwanzuro w’ikosa" yafashe cyangwa Ubushinwa "bukihimurana ingamba zikomeye".

Ubutegetsi bwa Perezida Donald Trump bwakomeje gushyamirana n’ubwa Xi Jinping ku ngingo z’ubukungu n’icyorezo cya coronavirus, n’amategeko y’umutekano mashya atavugwaho rumwe Ubushinwa bwashyize kuri Hong Kong.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble karegeya

    Abahanga benshi bavuga ko guhangana kwa Amerika,Uburusiya na China bijyana isi ahantu habi.Le 15/01/2020,President PUTIN wa Russia,yabwiye Parliament yuko niba nta gikozwe mu maguru mashya ngo ibihugu bifite ibitwaro bya kirimbuzi bireke guhangana,Intambara ya 3 y’isi iri hafi.Nyuma yaho gato,le 27/05/2020,president wa China,XI Jinping,nawe yabwiye National Congress yuko abasirikare barimo kwitegura intambara.Gusa icyo batazi nuko Imana irimo kubacungira hafi.Ntabwo yakwemera ko batwika isi yiremeye.Aho kugirango batwike isi yiremeye,Imana izabatanga itwike biriya bitwaro,ikure intambara mu isi hose nkuko Zaburi 46,umurongo wa 9 havuga.Imana izakura mu isi abantu bose bakora ibyo itubuza, harimo n’abarwana nkuko Matayo 26,umurongo wa 52 havuga.Ibyo bizaba ku munsi bible yita armageddon ushobora kuba utari kure,iyo urebye ubushyamirane bw’ibihugu bifite atomic bombs muli iki gihe.

    2 months ago

Inzindi nkuru

Amerika yahakanye ibyo gushinga ibirindiro bya gisirikare mu...

Nk’uko byakomeje guhwihwiswa ku mbuga nkoranyambaga mu mpera z’icyumweru...
22 September 2020 Yasuwe: 4300 0

DR Congo: Perezida Tshisekedi yagiranye ibiganiro na Kabila yasimbuye ku...

Perezida wa Repubulika Iharanira demokarasi ya Congo Félix Tshisekedi...
22 September 2020 Yasuwe: 1401 0

Burundi:Brig. Gen. Athanase Kararuza yiciwe hamwe n’umuryango we,abafite...

Brig. Gen. Athanase Kararuza wari umujyanama wa Visi Perezida wa Repubulika...
22 September 2020 Yasuwe: 7358 0

UN irizihiza imyaka 75 imaze ishinzwe -N’iki gikomeye yagezeho...

Umuryango w’abibumbye ku isi, ONU cyangwa UN, ibihugu biwugize uyu munsi...
21 September 2020 Yasuwe: 335 0

Joseph Kabila ari mu nzira yo gusubirana ubutegetsi – Minisitiri Claude...

Minisitiri w’Ibidukikije n’Iterambere rirambye muri Repubulika Iharanira...
19 September 2020 Yasuwe: 3207 1

Prime Niyongabo na Pontien Baritonda bahoze bafite ipeti rya Colonel mu...

Ku wa Gatanu w’iki cyumweru, (Rtd) Col. Prime Niyongabo wahoze ayobora...
19 September 2020 Yasuwe: 2288 1