Kigali

Ubutumwa Obama yashyize kuri twitter bwaciye agahigo ko gukundwa n’ abantu benshi ku Isi

Amakuru   Yanditswe na: Nsanzimana Ernest 16 August 2017 Yasuwe: 5826

Perezida wa Leta zunze ubumwe z’ Amerika ucyuye igihe Barack Obama ubutumwa yashyize ku rubuga rwe rwa twitter buca agahigo ko gukunda n’ abantu benshi kuva urubuga rwa twitter rwabaho.

Ubu butumwa Obama ashyira kuri twitter (Tweets) n’ ubusanzwe bukundwa n’ abantu benshi ariko kuri iyi nshuro bwo byabaye agahebuzo.

Nyuma y’ ihohoterwa ryabereye ahitwa Charlotesville ahaberaga imyigarambyo yamagana ivangura rishingiye ku ruhu, ikagwamo umugore umwe abandi barenga 20 bagakomereka, Obama yashyize kuri twitter ubu butumwa busubiramo amagambo yavuzwe na Nyakwigendera Nelson Mandela wahoze ari Perezida wa Afurika y’ Epfo. Yabushyizeho ku Cyumweru tariki 13 Kanama bumaze gukundwa n’ abantu barenga miliyoni 3.

Ni ubutumwa bugira buti “Nta muntu uvuka yanga undi kubera ibara ry’ uruhu rwe, aho akomoka cyangwa idini rye”

Muri ubu butumwa uyu mwirabura wa mbere wayoboye Leta zunze ubumwe z’ Amerika yakomeje agaragaza ko niba umuntu ashobora kwiga kwangana akabishobora icyoroshye kurusha ibindi ari ugukomeza urukundo yavukanye.

Iyi tweet ya Obama imaze gutangwaho ibitekerezo ibihumbi 48, yakwirakwijwe inshuro miliyoni n’ ibihumbi 200 ikundwa n’ abantu barenga miliyoni 3. (3 milions likes).

Iyi tweet iciye agahigo ko gukundwa n’ abantu benshi isimbuye iy’ umuhanzi w’ Umunyamerika Ariana Grande yakunze na miliyoni ebyiri n’ ibihumbi 700.

Ubutumwa bwa Ariana Grande bwari ubutumwa bwihanganisha abantu nyuma y’ igitero cyabereye mu mugi wa Manchester (mu Bwongereza ) ubwo yari yakoreyeyo igitaramo.

Yagize ati “Nashegeshwe mu mutima, munyihanganire, munyihanganire, sinabona icyo mvuga”

Kuri twitter Obama akurikirwa n’ abantu miliyoni 93 n’ ibihumbi 300. Ariana Grande akurikirwa na miliyoni 50 n’ ibihumbi 400.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uwahoze ari umugore wa Zuma ashobora kumusimbura ku buyobozi bw’ ishyaka...

Ishyaka riri ku butegetsi muri Afurika y’Epfo ANC riratora umuyobozi mushya...
16 December 2017 Yasuwe: 120 0

Umugore wa Robert Mugabe ashobora kwirukanwa burundu muri ZANU PF,...

Umukuru w’igihugu cya Zimbabwe, Emmerson Mnangagwa, yavuze ko ishyaka...
15 December 2017 Yasuwe: 854 0

Abana binjijwe mu gisirikare na Lubanga bahawe indishyi

Abacamanza b’urukiko mpuzamahanga mpanabyaha, ICC, bahaye inshumbusho(ingurane)
15 December 2017 Yasuwe: 78 0

Sinema yongeye kwemerwa muri Arabia Soudite

Nyuma y’imyaka isaga 30 abakora ama filime ndetse n’ama sinema mu gihugu cya...
15 December 2017 Yasuwe: 113 0

Abarundi barimo kwakwa amafaranga azakoreshwa mu matora ya Perezida

Leta y’ u Burundi irimo gukusanya mu baturage ingengo y’ imari izakoreshwa mu...
14 December 2017 Yasuwe: 492 0

Perezida wa Turukiya: Isi igomba kwemeza Yeruzalemu nk’umurwa mukuru wa...

Perezida wa Turukiya Recep Tayyip Erdogan yasabye ibihugu byiganjemo...
14 December 2017 Yasuwe: 368 0