Kigali

Uganda: Abanyamadini basabwe kudasezenya abatarateye ibiti 15

Amakuru   Yanditswe na: Nsanzimana Ernest 18 May 2017 Yasuwe: 355

Perezida w’Inteko Ishinga Amategeko ya Uganda, Rebecca Kadaga yasabye abanyamadini kutemera gusezeranya umugore n’umugabo, igihe cyose baterekanye icyemeza ko bamaze gutera ibiti 15.

Ibi Kadaga yabitangaje ubwo yari mu karere ka Kamuli, aho yagaragaje ko kwangirika kw’ibidukikije muri Uganda bikomeje kugira ingaruka ku buhinzi.

Mu kiganiro na Daily Monitor, Kadaga yatangaje ko abantu bakomeje gufata ibidukikije uko bishakiye, aho yatanze urugero rw’Ikiyaga cya Chad gikomeje gukama, umuti akaba ari nta wundi uretse gutera ibiti byinshi.

Ati “Igihe dufite ubukwe, ibirori bikwiye gukoreshwa mu gutera ibiti. Tugatera ibiti bitanu iwabo w’umukobwa, bitanu iwabo w’umuhungu n’ibindi bitanu mu rugo rwabo rushya.”

Yakomeje avuga ko mu gihe abantu babanye badasezeranye mu idini, uturere dukwiye gushyiraho amategeko arebana n’ingingo yo gutera ibiti.

Kuva mu myaka ya 1960, muri Uganda amashyamba yatangiye kwangirika ku buryo hari n’abavuga ko mu myaka 10 iri imbere, ubutaka buzaba bwambaye ubusa.

Ibi kandi binashimangirwa na raporo yakozwe n’abafite mu nshingano amazi n’ibidukikije mu 2016, yagaragaje ko mu 2015 igice kigizwe n’amashyamba cyari 11%, mu gihe mu 1990 yari agize 24% by’ubuso bwa Uganda.

Kuva mu 1990-2005, amashyamba kimeza ari mu bice bitarinzwe yavuye kuri hegitari 3.46, agera kuri hegitari 2.3. Ibi ahanini biterwa n’ibikorwa by’ubuhinzi n’abandi bayatema bagira ngo babone amakara.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda: Umukozi wa Minisiteri y’ amazi yarapfuye umubiri we wangirikira mu...

Abatuye Katooro, Entebbe mu mugi wa Kampala, mu gihugu cya Uganda kuri uyu...
21 November 2017 Yasuwe: 1350 0

Uganda: Abapolisi 5 n’abandi barimo uwahoze muri RDF basubijwe mu...

Mu gitondo cyo kuri uyu wa mbere tariki 20 Ugushyingo 2017 nibwo Abapolisi...
20 November 2017 Yasuwe: 1424 1

Nkurunziza yatanze igisobanuro cy’Imbonerakure benshi baratungurwa

Perezida Pierre Nkurunziza w’Igihugu cy’U Burundi, yatunguye benshi maze...
20 November 2017 Yasuwe: 2751 2

Perezida Mugabe yanze kuva ku butegetsi

Perezida Mugabe yanze kuva ku butegetsi Mu ijambo yatangambukije kuri...
20 November 2017 Yasuwe: 1041 0

Zimbabwe: Perezida Mugabe yegujwe ku buyobozi bwa ZANU-PF

Ubuyobozi bw’Ishyaka riri ku butegetsi muri Zimbabwe, ZANU-PF, buravuga ko...
19 November 2017 Yasuwe: 1442 0

Abantu ibihumbi n’ibihumbi bari mu munezero wo gusezerera Mugabe

Abantu bari mu munezero ni bo bagaragara mu murwa mukuru wa Zimbabwe, i...
18 November 2017 Yasuwe: 1776 0