skol
Kigali
startimes

Uganda: Bobi Wine yatawe muri yombi ari mu kwiyamamaza, hahita haduka imyigaragambyo i Kampala

Amakuru   Yanditswe na: Dusingizimana Remy 18 November 2020 Yasuwe: 3325

Umwe mu barimo biyamamariza umwanya w’umukuru w’igihugu muri Uganda Robert Kyagulanyi uzwi ku izina rya Bobi Wine yatawe muri yombi na polisi y’igihugu mu karere ka Luuka.


Bobi Wine yatwawe nabi mu gitondo cyo kuri uyu wa gatatu na polisi imukuye aho yari agiye kwiyamamariza nkuko komite ishinzwe gutegura ibikorwa bye byo kwiyamamaza yabitangaje.

Bobi Wine yazize kwegeranya abantu barenga 200 bemewe na komisiyo ishinzwe gutegura amatora, imwe mu ngingo zafashwe muri Uganda mu rwego rwo kurwanya ikwirakwira rya Covid-19.

Bobi Wine n’umunyapolitike uri mu batavuga rumwe n’ubutegetsi bwa Perezida Yoweri Museveni, we n’abamushyigikiye bakaba bakunze gushyamirana n’abashinzwe umutekano.

Abashinzwe kwiyamamaza k’uyu mukuru w’ishyaka National Unity Platform (NUP) bavuga ko polisi yageze ahari hakoraniye abantu benshi bari bitabiriye iki gikorwa cyo kwiyamamaza kwa Bobi,ibatera ibyuka biryana mu maso

Ababuranira Bwana Wine babwiye BBC ko uyu munyapolitike uhanganye na Perezida Museveni afungiwe mu mujyi wa Jinja ku birindiro bya polisi y’ahitwa Nalufenya, ahahoze hafungirwa abashinjwa iterabwoba.

Uku gufungwa kwa Bobi Wine kwatumye haduka imyigaragambyo mu bice bimwe na bimwe by’umurwa mukuru Kampala kuri uyu munsi, aho abarwanashyaka be barimo gusaba ko arekurwa.

Ihagarikwa rya Bobi Wine ribaye nyuma y’aho umukuru wa polisi ya Uganda Martin Okoth Ochola anenze abarimo kwiyamamaza bica ingingo yafashwe na komisiyo ishinzwe gutegura amatora mu guhagarika ikwirakwira rya Covid-19.

Bobi wine ushaka gukura ku butegetsi Perezida Museveni uyoboye Uganda kuva mu 1986, amaze iminsi agaragara arimo kugeza ijambo imbere y’abantu benshi hatubahirijwe ingingo zo kurwanya Covid-19.

Hari n’amashusho aherutse gukwirakwira ku mbuga nkoranyambaga yerekana ishyaka NRM rya Perezida Museveni ryakoranyije ibihumbi by’abantu, nk’uko bivugwa n’ikinyamakuru Daily Monitor cyo muri Uganda.

Byitezwe ko amatora y’umukuru w’igihugu muri Uganda azaba mu kwa mbere k’umwaka utaha wa 2021.

Kwiyamamaza kwa Bobi Wine kwagiye gukomwa mu nkokora n’abapolisi bagenda bamisha ibyuka biryana mu maso mu barwanashyaka be.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amerika yagarutse kandi yiteguye kuyobora isi-Joe Biden

Joe Biden watorewe kuba Perezida w’Amerika yatangaje abategetsi batandatu...
25 November 2020 Yasuwe: 2402 0

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1860 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1618 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1063 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1230 1

“Muri gukina n’umuriro”-Perezida Museveni abwira Bobi Wine n’abarwanashyaka...

Perezida wa Uganda ,Yoweli Kaguta Museveni yabwiye mugenzi we Bobi Wine...
20 November 2020 Yasuwe: 6831 0