Kigali

Umugore wa Robert Mugabe ashobora kwirukanwa burundu muri ZANU PF, yanasabwe gusaba Isi imbabazi

Amakuru   Yanditswe na: Nsanzimana Ernest 15 December 2017 Yasuwe: 1000

Umukuru w’igihugu cya Zimbabwe, Emmerson Mnangagwa, yavuze ko ishyaka Zanu-PF rizubahiriza politike ishingiye ku butegetsi bw’ abaturage butangwa n’ abaturage bukanakorera abaturage.

Abagize iri shyaka bashobora kuba bagiye kwirukana burundu muri iri shyaka Grace Mugabe umugore wa Robert Mugabe wahoze ari Perezida wa Zimbabwe.

Perezida Mnangagwa yabivugiye mu ijambo kongere yaguye ya ZANU PF iba rimwe Mu mwaka. Bwana Mnangagwa yavuze ko Zanu-PF ikwiye gukomeza guhiganwa mu matora yizewe, y’ukuri kandi arangwamo ubwisanzure.

Ni ubwa mbere iyi kongere ibaye kuva Robert Mugabe atanze ubutegetsi yari amazeho 37.

Abahagarariye abandi mu ishyaka ZANU PF bitabiriye iyi kongere bateganya ko Mnangagwa ariwe mukandida wa ZANU PF mu matora y’umukuru w’igihugu yo mu mwaka utaha.

Nk’ uko BBC yabitangaje abagize ZANU PF bashobora kuba bagiye kwemeza Grace Mugabe yirukanwa muri iri shyaka ubuzima bwe bwose.

Ku butegetsi bwa Mugabe by’ umwihariko mu minsi ye ya nyuma muri Perezidansi ya Zimbabwe Grace Mugabe yari mubavuga rikijyana ndetse anahabwa amahirwe yo kuzasimbura umugabo we wari usasiye ku butegetsi. Grace Mugabe ashinjwa kuba ariwe wari inyuma y’ umugambi wo kumenesha Perezida Mnangagwa wari wahunze Zimbabwe mbere gato y’ uko igisirikare cyambura Mugabe bumwe mu bubasha bikaza kurangira yeguye ku butegetsi.

Icyo gihe Mnangagwa yari Visi Perezida wa Zimbabwe ari n’ inshuti y’ akadasohoka ya Mugabe.

Ikinyamakuru Bulawayo24 cyashyize ahagaragra ibaruwa ifunguye yandikiwe Grace Mugabe imusaba gusaba abatuye Isi imbabazi. Uwanditse iyi baruwa avuga ko abizi neza ko aho Grace Mugabe ari adatekanye kuko yahemukiye Imana n’ abantu gusa aracyari umunyazimbabwe umubyeyi w’ ubutaka bwitwa Zimbabwe bityo ngo akwiye gusaba imbabazi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Israel yemeye kwakira abimukira 1000, yangira 7000

Leta ya Isirayeli ejo kuwa mbere yatangaje ko igiye kwemerera abimukira...
18 September 2018 Yasuwe: 219 0

Afurika y’epfo igiye gutangira kwigisha ururimi rw’Igiswayile mu...

Guhera mu mwaka wa 2020, ururimi rw’Igiswayile ruzatangira kwigishwa mu...
18 September 2018 Yasuwe: 164 0

Ibiganiro by’ amahoro bihuza Abarundi ntabwo bikibaye kuri uyu wa...

Igice cya gatanu cy’ibiganiro bihuza Abarundi byari bitegekanijwe gutangira...
17 September 2018 Yasuwe: 468 0

U Bushinwa n’Uburusiya byishyize hamwe biri gukora imyitozo izamara...

Ingabo zirenga ibihumbi 303,000 z’Abarusiya n’Abashinwa bari mu myitozo...
15 September 2018 Yasuwe: 2052 0

Ibintu 5 ukwiye kumenya kuri Agathon Rwasa ugiye gushinga ishyaka mu...

Umunyapolitiki utavugarumwe n’ ubutegetsi bwa Leta y’ u Burundi, wahoze ari...
13 September 2018 Yasuwe: 1640 2

Menya ubwirinzi buhambaye inzego z’ubutasi zikoresha kugira ngo zirinde...

Ushobora kuba ukoresha ubwirinzi bukomeye ngo urinde urugo rwawe,...
13 September 2018 Yasuwe: 3467 0