Kigali

Umunsi Perezida Vladmir Putin arira

Amakuru   Yanditswe na: Nsanzimana Ernest 5 March 2018 Yasuwe: 3049

Ni Perezida w’ igihangange bigoye kubona yifotoje aseka, cyangwa agaragaza ibinezaneza ku maso, ayoboye kimwe mu bihugu by’ ibihangange mu Isi, Uburusiya. Mu gihe habura iminsi mike ngo Perezida Vladmir Putin yiyamamarize manda ya kane, Umunyamakuru wa BBC yagusubije inyuma imyaka 18 akwibutsa ukuntu uyu muperezida yigeze kuririra mu ruhame.

Biragoye cyane kuba Abarusiya babona Perezida arira gusa byabayeho mu myaka 18 ishize ubwo Putin yari akigera ku butegetsi, icyo gihe yari Perezida w’ agateganyo w’ Uburusiya.

Hari tariki 24 Gashyantare 2000 mu kiriyo cya Anatoly Sobchak. Sobchak wa mugabo wafatanyije na Gorbachev na Yeltsin, bagakuraho Soviet Union. Sobchak yigeze kuba umwe mu bari bagize komisiyo ishinzwe umutekano wa Perezida w’ Uburusiya. Kugeza ubu ntawe uramenya icyateye urupfu rwe.

Tariki 18 Werurwe uyu mwaka nibwo Perezida Putin azatangira kwiyamamaza. Nta gihindutse muri aya matora azaba ahanganye n’ abandida 7 arusha izina rikomeye mu ruhando rwa politiki ku buryo ikidashikikanywaho ariko Putin afite amahirwe menshi yo gutsinda aya matora ya Perezida.

Umwe mubakandida aherutse kugereranya amatora ya Perezida w’ Uburusiya n’ amatora y’ urwiyerurutso ‘fake election’ yagize ati “Ni kimwe no mu mikino y’ amahirwe, aho ba nyiri imikino batsinda buri gihe. Demukarasi y’ Uburusiya itsinzi ihora iruhande rwa Putin”.

Izina ry’ uyu mukandida wavuze ibi ni Ksenia Sobchak, umukobwa wa Nyakwigendera Anatoly Sobchak ya nshuti ya Putin.


Ksenia Sobchak, Putin n’ umugore wa Sobchak Lyudmila Narusova, mu muhango wo kwibuka nyakwigendera Sobchak

Ksenia w’ imyaka 36 yahoze ari umunyamakuru utavuga rumwe na Leta akora kuri televiziyo. Nubwo agiye kwiyamamaza ntabwo afite ikizerere 100% cy’ uko azatsinda amatora ariko yizeye ko ashobora gukuraho kirazira.

Igihe Uburusiya bwari mu kavuyo, Boris Yeltsin, yarasindaga rimwe na rimwe ntayobore neza. Abagabo b’ amakote y’ ikigina babonye igisubizo, abandi bagabo bahagurikira kurwanya Putin wari umaze kugera ku butegetsi.

Bidatinze Anatoly Sobchak yahise apfa aguye muri hoteli Kaliningrad ku myaka 62 y’ amavuko. Ibizami byo kwamuganga byagaragaje ko yishwe n’ umutima ariko habura imvano y’ uko yaba ari umutima wamwishe.

Umugore wa Nyakwigendera witwa Lyudmila Narusova, umunyamakuru yamubajije niba atekereza ko umugabo we yaba yarishwe, amara umwanya atarasubiza ageze aho avuga ‘Yego 10’, arongera ati ‘ntabwo mbizi’.


Putin na Lyudmila Narusova

Lyudmila Narusova ibyavuye mu bizami yakoze ngo arebe ikishe umugabo we yabigize ibanga ndetse abibika hanze y’ igihugu. Umunyamakuru yamubajije niba afite ubwoba ati ‘Mba mu gihugu giteye ubwoba, nk’ umuntu uri muri opozisiyo mfite ubwoba, ndabufite’.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Museveni agiye gutaha ikiraro kirekire cyubatswe hejuru ya Nili

Perezida wa Uganda Yoweli Kaguta Museveni kuri uyu wa 17 Ukwakira 2018...
16 October 2018 Yasuwe: 2540 0

Ubwongereza, Ubudage n’Ubufaransa nabyo bisaba iperereza ku mu nyamakuru...

Ubwongereza, Ubudage n’Ubufaransa byasabye ko hakorwa iperereza "ryo...
15 October 2018 Yasuwe: 639 0

Museveni yicumbye akabando ajya gusaba imbabazi abo inkangu yatwaye abo...

Perezida wa Uganda, Yoweli Museveni yasuye abaturage basizwe iheruheru n’...
15 October 2018 Yasuwe: 2737 0

Uganda : Umuhanzi Depite Bobi Wine yahagarikiwe igitaramo

Ubuyobozi sitade ya Namboole , bwasohoye itangazo ko umuhanzi...
14 October 2018 Yasuwe: 887 0

Ushinzwe kwandika imbwirwaruhame za Museveni yagaruye iyatambutse umwaka...

Mu ijambo Perezida Museveni yavuze ku munsi w’ ubwigenge ku nshuro ya 56...
11 October 2018 Yasuwe: 1695 0

Ikihishe inyuma yo kuba Nikki Haley yanze gukomeza guhagararira Amerika...

Kuri uyu wa Kabiri tariki 9 Ukwakira 2018 imwe mu nkuru zavunzwe mu...
10 October 2018 Yasuwe: 1430 0