skol
fortebet

Umuntu umwe yishwe arashwe mu bushyamirane bwadutse muri Portland

Yanditswe: Sunday 30, Aug 2020

featured-image

Sponsored Ad

Umuntu umwe yaraye apfuye arashwe mu mujyi wa Portland mu gihe abashyigikiye Perezida Trump bahanganaga n’abari mu myigaragambyo yo kwamagana ivanguramoko mu ntara ya Oregon.

Sponsored Ad

Amafoto yerekanye abaganga barimo kugerageza kurokora ubuzima bw’umuntu wagaragaraga ko ari umuzungu.

Polisi ntiratangaza imyirondoro y’umuntu warashwe, kandi ntiratangaza niba iryo rasana ryavuye ku bushyamirane bwadutse hagati mu mujyi.

Kuva mu cyumweru gishize,umujyi wa Portland urangwamo imyigaragambyo ihoraho, aho abayirimo bamagana iyicwa ry’umwirabura w’umunyamerika George Floyd i Minneapolis ku wa 25 z’ukwa gatanu, bitera umujinya mu gihugu no kw’isi yose.

Perezida Trump yohereje ingabo z’igihugu mu mujyi wa Portland muri Nyakanga avuga ko ashaka guhagarika imyigaragambyo.

Byagenze gute?

Mu itangazo ryasohowe nijoro ku wa gatandatu,polisi ivuga ko abapolisi bumvise amasasu, bagiye kureba bagasanga umuntu yakomerekejwe n’isasu.

Ryagiraga riti: "Abashinzwe amagara y’abantu bahise bahagera ariko basanga uyu muntu yapfuye".

Ikinyamakuru New York Times kivuga ko uyu muntu yishwe yari yambaye ingofero y’ishyaka ryitwa Patriot Prayer risanzwe rishyigikiye Donald Trump.

Iyindi foto yerekanye igipolisi kigerageza kuzibira umugabo wasaga n’uwari kumwe n’uyu muntu yarashwe.

Iri raswa ribaye mu gihe hari ubushyamirane bukomeye hagati y’abashyigikiye Perezida Trump n’abari mu myigarambyo iri muri bwa bukangurambaga bwa Black Lives Matter (ubuzima bw’abirabure bufite agaciro) muri uyu mujyi.

Ubushyamirane bukaba bwadutse igihe umurongo ugizwe n’imodoka hafi 600 zari zitwaye abantu bagera mu gihumbi bashigikiye Donald Trump zagendaga zizunguza amabendera mu karere kari ku nkengero y’umujyi wa Portland mbere y’uko ziwugeramo hagati.

Polisi yavuze ko habaye "ugushyamirana" hagati "y’abakoze imyigaragambyo n’abayirwanya", kandi ko hari abafunzwe.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa