skol
Kigali
startimes

Umutwe w’inyeshyamba wa M23 wari waraburiwe irengero wongeye kwigaragaza muri Congo

Amakuru   Yanditswe na: Martin Munezero 24 July 2020 Yasuwe: 9308

Muri Repubulika Iharanira Demukarasi ya Congo muri Teritwari ya Rutshuru mu Ntara ya Kivu y’Amajyaruguru, hongeye kugaragara umutwe w’inyeshyamba wa Mars 23 (M23) wemeze ko ushyigikiye Umukuru w’Igihugu uriho, Felix Tshisekedi.


Umuyobozi w’uyu mutwe, Bertrand Bisimwa mu itangazo yasohoye tariki ya 17 Nyakanga 2020, yemeje ko bamwe mu bahoze ari abarwanyi b’uyu mutwe bayobowe na Gen. Sultani Makenga bari muri RDC kuva mu 2017.

Ku rubuga rwa Twitter, kuri uyu wa 22 Nyakanga 2020, yanyomoje amakuru yavugaga ko tariki ya 21 Nyakanga 2020, habayeho imirwano hagati yawo n’ingabo z’iki gihugu muri Rutshuru.

Bisimwa mu nkuru ya Interview.cd, avuga ko urusaku rw’amasasu rwavugiye muri Rutshuru rwatewe n’igihuha cyakwirakwiye ku mbuga nkoranyambaga kivuga ko uyu mutwe ugiye kongera gushoza intambara mu burasirazuba bw’igihugu. Ati:

Ibyabereye muri Rutshuru ubwo bwoba bwatumye FARDC barasa amasasu bagaragaza ko bahari mu gihe hari umwanzi waba agaragaye.

Uyu mutwe uvuga ko udashaka gushoza intambara, ahubwo wifuza ko Perezida Tshisekedi yashyira mu bikorwa amasezerano y’amahoro wasinye n’ubutegetsi bwa RDC yo ku wa 12 Ukuboza 2013, agamije gucyura abahoze ari abarwanyi bawo, bagasubira mu gihugu, ababishaka bakajya mu gisirikare cy’igihugu cyangwa bakaba abasivile. M23 ivuga ko ishyigikiye Perezida Tshisekedi, iti :

“Kandi turacyizeye ko azashyira mu bikorwa amasezerano y’amahoro, agamije kugarura amahoro n’umutekano mu burasirazuba bw’igihugu.”

Umutwe wa M23 waremwe muri Mata 2012, umara umwaka n’igice uhanganye n’ingabo z’igihugu. Mu Gushyingo 2013, abarwanyi b’uyu mutwe hafi ya bose bari bamaze kurambika intwaro, bamwe bahungira mu Rwanda (ubu bari i Kibungo, abandi bahungira muri Uganda muri Bihanga. Abari muri Rutshuru ni abagiye bahunguka.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida w’u Burundi yiyamye ibihugu birimo n’ibyagerageje guhirika...

U Burundi bwiyamye za Guverinoma z’ibihugu by’amahanga birimo n’ibyagerageje...
25 September 2020 Yasuwe: 2669 0

Kim Jong-un yasabye imbabazi ku iyicwa ry’umutegetsi wa Korea...

Perezida wa Koreya ya ruguru Kim Jong-un mu buryo butamenyerewe ubwe...
25 September 2020 Yasuwe: 1136 0

Ruswa n’amafaranga ya Kadhafi mu bigiye guhagama Nicholas Sarkozy

Kuri uyu wa Kane tariki ya 24 Nzeri 2020, Urukiko rw’ubujurire rwa Paris...
25 September 2020 Yasuwe: 987 0

Perezida Trump yavuze ko atazatanga ubutegetsi mu mahoro natsindwa na...

Perezida Donald Trump wa Leta Zunze Ubumwe z’Amerika yanze kwiyemeza...
24 September 2020 Yasuwe: 1414 0

Perezida Trump yateranye amagambo na perezida Xi Jinping mu nama ya...

Ubushyamirane hagati y’Amerika n’Ubushinwa bwigaragaje mu nama rusange...
23 September 2020 Yasuwe: 1564 0

Amerika yahakanye ibyo gushinga ibirindiro bya gisirikare mu...

Nk’uko byakomeje guhwihwiswa ku mbuga nkoranyambaga mu mpera z’icyumweru...
22 September 2020 Yasuwe: 5634 0