Amakuru aturuka muri Repubulika Iharanira Demokarasi ya Congo aravuga ko umuntu umwe yishwe i Kinshasa, abandi benshi barakomereka igihe Polisi yageragezaga gutatanya ibigaragambya bamagana Prezida Joseph kabila.
Bivugwa ko abapolisi bakoresheje ibyuka bibabaza mu maso n’amasasu ya nyayo, mu guhosha abitabiriye imyigaragambyo nk’uko BBC ibivuga.
Iyi myigaragambyo yabaye nyuma ya misa yo kuri iki cyumweru, mu duce twinshi tw’igihugu.
I Kisangani, abantu 15 barimwo batatu bo muri Kiliziya (...)

Sponsored Ad

Amakuru aturuka muri Repubulika Iharanira Demokarasi ya Congo aravuga ko umuntu umwe yishwe i Kinshasa, abandi benshi barakomereka igihe Polisi yageragezaga gutatanya ibigaragambya bamagana Prezida Joseph kabila.

Bivugwa ko abapolisi bakoresheje ibyuka bibabaza mu maso n’amasasu ya nyayo, mu guhosha abitabiriye imyigaragambyo nk’uko BBC ibivuga.

Iyi myigaragambyo yabaye nyuma ya misa yo kuri iki cyumweru, mu duce twinshi tw’igihugu.

I Kisangani, abantu 15 barimwo batatu bo muri Kiliziya Gatolika bafashwe n’igipolisi.

VOA yo iravuga ko abantu babiri aribo bamaze kumenyekana ko baguye mu mygaragambyo yateguwe na Kiliziya Gatolika .Amakuru atangwa n’ibitaro byajyanwemo abakomeretse yemeza ko kuva sa moya z’igitondo, abaganga bari bamaze kwakira abakomerekejwe n’amasasu ya Polisi batatu.

Polisi ya Congo ihanganye n’abigaragambya

Ubuyobozi bwazindutse bushyira amabariyeri mu murwa mukuru Kinshasa bagerageza gutatanya abigaragambyaga.

Kiliziya Gatolika iramagana Perezida Kabila wagumye ku butegetsi kandi manda ye yararangiye muri 2016.

Mu ijoro ryakeye, ibuhimbi by’abayoboke b’umutwe wa Politiki uri ku butegetsi bari kuri katederare ya Kinshasa mu ntumbero yo guhagarika imyigaragambyo yari itegekanijwe.

Amatora muri Kongo, ategekanyijwe ku itariki ya 23 Ukuboza, 2018. Perezida Kabila aherutse gutangaza ko adateganya kwiyamamaza ukundi.

Mu gitondo cyo kuri iki cyumweru intumwa z’Umuryango w’Ubumwe bw’u Burayi ku bwumvikane n’abahagarariye ibihugu by’I Burayi I Kinshasa na Leta Zunze Ubumwe za Amerika, u Busuwisi, na Canada basohoye itangazo basaba abajya mu myigaragambyo kwitwararika birinda ibikorwa by’ubugizi bwa nabi ubwo ari bwo bwose.

Itangazo aba bashyize ahagaragara riragira riti: “Tuributsa akamaro ko kubaha uburenganzira shingiro, by’umwihariko uburenganzira bwo gukora imyigaragambyo, n’uburenganzira bw’imyemerere, nk’uko biteganywa n’itegeko nshinga n’amasezerano ya politiki ya Saint Sylvestre.”