skol
Kigali
startimes

Urukiko rwo mu Bufaransa rwafashe umwanzuro wo guhagarika iperereza ku iraswa ry’indege ya Habyarimana

Amakuru   Yanditswe na: Dusingizimana Remy 3 July 2020 Yasuwe: 3563

Urukiko rw’Ubujurire mu Bufaransa rwafashe icyemezo cyo guhagarika isubukurwa ry’iperereza ku ihanurwa ry’indege yari itwaye Perezida Juvenal Habyarimana mu 1994. Ni iperereza ryakunze guteza igitotsi mu mubano w’u Rwanda n’u Bufaransa.


Kuri uyu wa gatanu tariki ya 03 Nyakanga 2020, nibwo byamenyekanye ko uru rukiko rwo mu Bufaransa rwafashe umwanzuro wo gufunga iperereza ku iraswa ry’indege y’uwari perezida w’u Rwanda,Juvenal Habyarimana.

Urukiko rw’ubujurire rw’i Paris rwasabwe kwiga umwanzuro wo mu 2018 utegeka guhagarika iperereza ku bantu icyenda bashinjwe kugira uruhare mu iraswa ry’iyi kipe.

Indege yari itwaye Perezida Juvénal Habyarimana yahanuwe mu ijoro rya tariki 06/04/1994, bucyeye hatangira jenoside yiciwemo Abatutsi barenga miliyoni.

Iyi ndege yarashwe igeze hafi y’ikibuga cy’indege cya Kigali, yari irimo kandi Perezida w’u Burundi Cyprien Ntaryamira.

Iperereza ku ihanurwa ryayo ryatangijwe n’Ubufaransa mu 1998 nyuma y’uko imiryango y’abari bayirimo, abayitwaraga n’abakozi bayo ibisabye.

Umubano w’u Rwanda n’Ubufaransa wahagaze kuva kuwa 22 Ugushyingo 2006, ubwo umucamanza w’Umufaransa Jean-Louis Bruguière yashyiraga hanze impapuro zo gukurikirana abayobozi 9 bo mu Rwanda abashinja kugira uruhare mu iraswa ry’iyi ndege.Uyu mubano wagarutse muri 2009.

Muri 2012, raporo y’impuguke z’Abafaransa yavuze ko ikigo cya gisirikare cya Kanombe, cyagenzurwaga n’ingabo za leta ya Habyarimana, ariho igisasu cyahanuye iyi ndege cyaba cyararasiwe.

Mu 2016, leta y’u Rwanda nayo yatangije iperereza ku bategetsi 20 b’Ubufaransa ku "ruhare rutaziguye"bagize muri jenoside.

Mu Ukuboza 2018, abacamanza b’Abafaransa bategetse ko iperereza ku ihanurwa ry’iriya ndege rihagarara kuko nta bimenyetso bigaragara bafite.

Umwaka ushize, Perezida Emmanuel Macron yemeje ko hajyaho inteko y’inzobere zirimo n’abanyamateka yo gukora ubushakashatsi ku birego u Rwanda rurega Ubufaransa.

Imiryango y’abapfiriye muri iriya ndege, harimo Agathe umupfakazi wa Habyarimana, batanze ikirego mu bujurire ku mwanzuro wa 2018.

Mu iburanisha kuri ubu bujurire ryabaye mu kwezi kwa mbere, abashinjacyaha basabye uru rukiko gushimangira icyemezo cyo mu 2018 cyo kureka iki kirego.

Kuri iki kirego, mu kiganiro n’ikinyamakuru Jeune Afrique muri iki cyumweru, Perezida Paul Kagame yavuze ko "abona amateka ari inyuma yacu".

Yagize ati: "Kongera gufungura dosiye yashyinguwe ni ukugarura ibibazo. Niba ibyo bidashyiguwe burundu, umubano wacu ushobora guhungabana mu buryo bumwe cyangwa ubundi".

Radio mpuzamahanga y’Ubufaransa ivuga ko urukiko rutatangaje ibyo rwashingiyeho ruhagarika iri perereza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Joe Biden yinjiye bwa mbere muri White House ahita akora impinduka...

Nyuma y’amasaha make Joe Biden arahiye,Joe Biden yahise yerekeza muri White...
21 January 2021 Yasuwe: 6067 1

Joe Biden yarahiye ku mugaragaro aba Perezida wa 46 wa US

Joe Biden amaze kurahirira kuba Perezida wa 46 wa Leta Zunze Ubumwe za...
20 January 2021 Yasuwe: 4404 0

Donald Trump yivuze ibigwi karahava ubwo yasezeraga Abanyamerika

Perezida wa Amerika Donald Trump yavuze ijambo rye ryo gusezera mbere yo...
20 January 2021 Yasuwe: 4673 0

Bizagenda bite ubwo Joe Biden na Kamala Harris bazaba barahira?

Perezida watowe Joe Biden ku munsi w’irahira rye azahita ajya muri White...
19 January 2021 Yasuwe: 4326 0

Bobi Wine yahishuye ko ubuzima bwe buri mu kaga

Bobi Wine watsinzwe amatora y’umukuru w’igihugu muri Uganda, afite ubwoba ko...
17 January 2021 Yasuwe: 5149 0

Bidasubirwaho Perezida Museveni yatorewe kuyobora Uganda ku nshuro ya...

Komisiyo ishinzwe gutegura amatora muri Uganda yemeje ko Perezida Yoweri...
16 January 2021 Yasuwe: 6061 0