skol
Kigali
startimes

US: Biden arasatira intsinzi mu gihe Donald Trump yiyemeje kuregera urukiko rw’ikirenga ko yibwe amajwi

Amakuru   Yanditswe na: Dusingizimana Remy 5 November 2020 Yasuwe: 6645

Umukandida w’abademokarate Joe Biden yavuze ko arimo gutsinda muri leta zihagije kuburyo yizeye gutsindira kuba perezida w’Amerika, nubwo hakiri ibyavuye mu matora by’ingenzi bitaratangazwa.


Mbere yuko atsinda muri leta ya Michigan, Bwana Biden yagize ati: "Igihe ibarura ry’amajwi riza kuba rirangiye, twizeye ko tuza gutsinda".

Itsinda rishinzwe kwamamaza Perezida Donald Trump ryatanze ibirego mu nkiko muri leta za Pennsylvania, Wisconsin, Georgia na Michigan risaba ko kubarura amajwi bihagarara kubera ibitagenze neza.

Itsinda ryamamaza Biden ryavuze ko ibyakozwe na Bwana Trump "bibabaje".

Umutegetsi wo hejuru mu kanama k’amatora muri Michigan yavuze ko icyo kirego "nta gaciro gifite".

Perezida Trump yavuze ko azanaregera urukiko rw’ikirenga kubera ko habaye uburiganya, atatangiye gihamya.

Indorerezi mpuzamahanga z’amatora zavuze ko nta gihamya ihari yuko habaye uburiganya mu matora.

Muri rusange, igihugu kiratekanye, ariko habaye ubushyamirane mu mujyi wa Detroit muri Michigan, ubwo abashyigikiye amashyaka - abarepubulikani n’abademokarate - bangirwaga kwinjira mu cyumba kibarurirwamo amajwi.

Ubwo yari I Ari i Delaware ku munsi w’ejo, Joe Biden yagize ati: "Twari tubizi ko amajwi ashobora gutinda, ariko se ni nde wari uzi ko bishobora kugeza ejo [uyu munsi], cyangwa no kurenga!

"Ariko duhagaze neza aho bigeze. Ndi hano ngo mbabwire ko turi mu nzira yo gutsinda aya matora".

Donald Trump we yari mu ruhande rwo guhangana cyane ubwo yavugiraga mu biro ari guhatanira kugumamo bya White House.

Mu gihe hakiri miliyoni nyinshi z’amajwi zitarabarwa, yavuze, ntacyo agaragaza ashingiyeho, ko yatsinze.

Yavuze, nanone nta gihamya, ko habayeho kwiba amajwi. Ati: "Ibi ni igisebo ku gihugu cyacu", yongeraho ko ateganya kuregera Urukiko rw’Ikirenga.

Televiziyo zikomeye muri Amerika nazo kugeza ubu ntiziremeza ko hari uwatsinze, cyangwa se hari uburiganya bwaba bwabayeho.

Mu by’ukuri, kubera igihe bifata kubara ibihumbi by’impapuro z’itora ziba zoherejwe ku iposita kubera iki cyorezo, bishobora no gufata iminsi kwemeza ibyavuye mu matora.

Noneho mu gihe habaho kuregera inkiko ku byavuye mu matora, bishobora gufata ibyumweru. Bishobora kugorana.

Kugeza ubumu majwi amaze kubarurwa,Joe Biden afite amajwi 264 arabura 6 gusa kugira ngo abe Perezida wa Amerika mu gihe Donald Trump afite 214.

Leta 4 zitararangiza kubarura amajwi zirimo Nevada, North Carolina, Georgia na Pennsylvania aho Biden asabwa gutsinda muri imwe gusa ubundi akinjira muri White House.

Kugeza ubu kandi,Joe Biden ari imbere muri Arizona na Nevada gusa amajwi aracyabarurwa.
BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amerika yagarutse kandi yiteguye kuyobora isi-Joe Biden

Joe Biden watorewe kuba Perezida w’Amerika yatangaje abategetsi batandatu...
25 November 2020 Yasuwe: 2402 0

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1860 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1618 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1063 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1230 1

“Muri gukina n’umuriro”-Perezida Museveni abwira Bobi Wine n’abarwanashyaka...

Perezida wa Uganda ,Yoweli Kaguta Museveni yabwiye mugenzi we Bobi Wine...
20 November 2020 Yasuwe: 6831 0