skol
Kigali
startimes

Joe Biden yarahiye ku mugaragaro aba Perezida wa 46 wa US

Amakuru   Yanditswe na: Dusingizimana Remy 20 January 2021 Yasuwe: 4439

Joe Biden amaze kurahirira kuba Perezida wa 46 wa Leta Zunze Ubumwe za Amerika mu gihe Kamala Harris na we yarahiriye kuba Visi Perezida. Abaye umugore wa mbere ugeze kuri uru rwego.


Joe Biden wo mu ishyaka ry’Abademocrate,yabaye Perezida wa Amerika wa 46, akaba agiye kuri uwo mwanya nyuma yo gutsinda amatora yabaye mu mpera z’umwaka ushize, ahigitse Donald Trump bari bahanganye bikomeye ari na we wayoboraga icyo gihugu mu myaka ine ishize.

Indahiro ugiye kuba Perezida wa Amerika arahira igira iti “Ndahiriye ko nzatunganya nta buhemu inshingano za Perezida wa Leta Zunze Ubumwe za Amerika, ko mu bushobozi bwanjye bwose nzarinda kandi nkarengera Itegeko Nshinga rya Leta Zunze Ubumwe za Amerika”.

Uyu muhango uhabwa agaciro gakomeye wabereye i Washington DC.

Nyuma yo kurahira, Joe Biden n’umuryango we barahita bajya muri White House, aho bagomba gutura mu gihe cy’imyaka ine manda ye izamara, cyangwa agakomeza kuhaba iyindi myaka ine mu gihe yazongera gutorerwa manda ya kabiri.

Amatora muri Amerika yabaye ku wa Kabiri tariki 3 Ugushyingo 2020, maze Joe Biden agira amajwi 290 y’intumwa z’abatora,mu gihe mukeba we Donald Trump yagize amajwi 214.

Joe Biden yavukiye muri Leta ya Pennsylvania mu mwaka wa 1942, ubu akaba afite imyaka 78.

Yatorewe kuba Umusenateri ku nshuro ye ya mbere mu 1972. Biden yatowe inshuro 6 zose kuba muri Sena ya Amerika yamazemo imyaka 36.

Bwana Biden yabanje kwiyamamariza kuba Perezida mu 1988, hanyuma yongera no mu 2008. Yabaye visi Perezida ku butegetsi bwa Perezida Obama.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amerika irateganya gufatira ibihano Uburusiya kubera kuroga utavuga rumwe...

Leta z’unze ubumwe z’Amerika irateganya gufatira ibihano Uburusiya kuri uyu...
2 March 2021 Yasuwe: 3266 0

Myanmar: Perezida Suu Kyi wakuwe ku butegetsi agahita afungwa yerekanwe ku...

Muri Myanmar, umukuru w’igihugu, Aung San Suu Kyi, wahiritswe ku butegetsi...
1 March 2021 Yasuwe: 4750 0

Donald Trump yashinje Joe Biden umaze ukwezi kumwe ku butegetsi gusubiza...

Donald Trump yatangaje ko nta migambi afite yo gushinga ishyaka ryishya...
1 March 2021 Yasuwe: 4126 0

Imwe mu myanzuro yafatiwe mu nama ya 21 yahuje abakuru b’ibihugu bya...

Kuri uyu wa Gatandatu tariki ya 27 Gashyantare 2021 nibwo habaye inama ya...
27 February 2021 Yasuwe: 5424 0

US yemeje ko Mohammed bin Salman wa Saudi Arabia ari we watanze uruhushya...

Raporo y’ubutasi bw’Amerika yasanze igikomangoma Mohammed bin Salman wa Saudi...
27 February 2021 Yasuwe: 3619 0

Inama y’abakuru b’ibihugu ya EAC igiye guterana ku nshuro ya 21 yiga ku...

Kuri uyu wa Gatandatu tariki ya 27 Gashyantare 2021 hazaba inama izahuza...
26 February 2021 Yasuwe: 3464 0