skol
Kigali
startimes

Uwahoze akuriye ingabo z’Amerika yashinje Trump kwica itegekonshinga

Amakuru   Yanditswe na: Dusingizimana Remy 8 June 2020 Yasuwe: 1330

Colin Powell wahoze ari umunyamabanga wa leta y’Amerika yanenze bikomeye uburyo Perezida Donald Trump yitwaye ku bijyanye n’imyigaragambyo yo kwamagana irondabwoko, avuga ko "yarenze" ku itegekonshinga.


Uyu wo mu ishyaka rimwe na Bwana Trump ry’abarepubulikani, wahoze ari na we musirikare wo ku rwego rwo hejuru cyane muri Amerika, ni we wa vuba aha unenze uburyo Bwana Trump ari kwitwara, harimo no gukangisha ko ingabo zagabwa ngo zisoze imyigaragambyo.

Yavuze ko mu matora ya perezida yo mu kwezi kwa cumi na kumwe azatora Joe Biden, umukandida w’ishyaka mucyeba ry’abademokarate.

Perezida Trump yasubije avuga ko Bwana Powell "yiha agaciro karenze cyane adafite".

Bwana Powell ni we Munyamerika ukomoka muri Afurika wenyine kugeza ubu wabaye umukuru w’ingabo z’Amerika.

Yiyongereye ku rutonde rukomeje kuba rurerure rw’abahoze ari abasirikare bo ku rwego rwo hejuru mu ngabo z’Amerika bari kwamagana Bwana Trump ku gikangisho cye cyo kugaba ingabo ngo zisoze imyigaragambyo.

Iyo myigaragambyo yatewe n’urupfu rw’Umunyamerika w’umwirabura George Floyd wari mu maboko ya polisi rwabereye i Minneapolis ku itariki ya 25 y’ukwezi gushize kwa gatanu.

Ejo ku cyumweru, icyenda mu bantu 13 bagize inama njyanama y’umujyi wa Minneapolis basezeranyije - bari imbere y’imbaga y’abigaragambya babarirwa mu magana - ko bazasesa urwego rwa polisi yaho.

Bavuze ko bazarusimbuza "uburyo bushya bwo gucunga umutekano butuma tugira umutekano by’ukuri".

Hagati aho, ingamba z’umutekano zakuweho muri Amerika mu gihe imyigaragambyo itangiye kugenza macye.

Ubutegetsi bwa New York bwasoje igihe cy’umukwabu cyari kimaze icyumweru, naho Perezida Trump avuga ko agiye gutegeka inkeragutabara gutangira kuva aho zari zagabwe i Washington DC.

Colin Powell yavuze iki?

Avugira kuri televiziyo CNN ku munsi w’ejo ku cyumweru, Bwana Powell yagize ati: "Dufite itegekonshinga. Kandi tugomba gukurikiza iryo tegekonshinga. Kandi perezida yarirenzeho".

Akomoza kuri Perezida Trump, uyu Jenerali w’inyenyeri enye ubu uri mu kiruhuko cy’izabukuru yagize ati: "Arabeshya ku bintu runaka, kandi bikarangirira aho kuko abantu batabimuryoza".

Amagambo ye yakiriwe ate?

Kuri Twitter, Bwana Trump yavuze ko Colin Powell ari "umuntu wa ntawe wagize uruhare rukomeye mu kudushora mu ntambara zatubereye mbi zo mu burasirazuba bwo hagati".

Aho yavugaga ku ntambara yo mu kigobe yo guhera mu mwaka wa 1990 kugera mu 1993 ndetse n’igitero muri Iraq kiyobowe n’Amerika n’ibihugu by’inshuti cyo mu mwaka wa 2003.

Bwana Biden na we yagiye kuri Twitter mu kwamagana uburyo Bwana Trump ari kwitwara mu guhangana n’iyi myigaragambyo.

Yavuze ko "yakoresheje ntacyo yitayeho [amagambo ye nka perezida] mu gushishikariza ibikorwa by’urugomo, kubiba urwango n’ivangura, no kudutandukanya kurushaho".

Condoleezza Rice wahoze ari umunyamabanga wa leta y’Amerika yabwiye televiziyo CBS ko yifuza ko Bwana Trump "aba ashyize ku ruhande ho gato ibyo kwandika kuri Twitter" akagira ikiganiro n’Abanyamerika.

Madamu Rice yagize ati: "Ntabwo ari buri wese uzemeranya na buri perezida wese, n’uyu perezida uriho, ariko [nka perezida] ugomba kuvugana na buri Munyamerika, atari gusa abashobora kwemeranya nawe".

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida w’u Burundi yiyamye ibihugu birimo n’ibyagerageje guhirika...

U Burundi bwiyamye za Guverinoma z’ibihugu by’amahanga birimo n’ibyagerageje...
25 September 2020 Yasuwe: 2729 0

Kim Jong-un yasabye imbabazi ku iyicwa ry’umutegetsi wa Korea...

Perezida wa Koreya ya ruguru Kim Jong-un mu buryo butamenyerewe ubwe...
25 September 2020 Yasuwe: 1172 0

Ruswa n’amafaranga ya Kadhafi mu bigiye guhagama Nicholas Sarkozy

Kuri uyu wa Kane tariki ya 24 Nzeri 2020, Urukiko rw’ubujurire rwa Paris...
25 September 2020 Yasuwe: 1029 0

Perezida Trump yavuze ko atazatanga ubutegetsi mu mahoro natsindwa na...

Perezida Donald Trump wa Leta Zunze Ubumwe z’Amerika yanze kwiyemeza...
24 September 2020 Yasuwe: 1450 0

Perezida Trump yateranye amagambo na perezida Xi Jinping mu nama ya...

Ubushyamirane hagati y’Amerika n’Ubushinwa bwigaragaje mu nama rusange...
23 September 2020 Yasuwe: 1575 0

Amerika yahakanye ibyo gushinga ibirindiro bya gisirikare mu...

Nk’uko byakomeje guhwihwiswa ku mbuga nkoranyambaga mu mpera z’icyumweru...
22 September 2020 Yasuwe: 5642 0