Zimbabwe: Abatavugarumwe na Mugabe bakoze ikipe yo kumuhirika ku butegetsi

20 April 2017. | Politiki | 0 Ibitekerezo | Nsanzimana Ernest
  • Zimbabwe: Abatavugarumwe na Mugabe bakoze ikipe yo kumuhirika ku butegetsi

I Harare mu gihugu cya Zimbabwe kiyobowe n’ umukambwe Gabriel Robert Mugabe w’ imyaka 93, amashyaka abiri akomeye atavuga rumwe n’ ubutegetsi yasinye amasezerano yo kwishyirahamwe ngo ahirike ku butegetsi Mugabe ubumazeho imyaka 37.

Ayo mashyaka ni MDC-T riyobowe na Morgan Tsvangirai n’ ishyaka ry’ uwahoze ari visi Perezida Joice Mujuru.

Kuri uyu wa Gatatu tariki 19 Mata 2017 nibwo ayo mashyaka yashyize umukono kuri ayo masezerano ba nyir’ ubwite bafata nk’ intambwe ikomeye itewe mu magambi wo guhuza ubushobozi hagamijwe gukura Perezida Mugabe ku ntebe y’ ubutegetsi.

Perezida Mugabe nubwo ubuzima bwe bugana mu marembera kubera gusaza ntasiba kugaragariza abatavuga rumwe nawe ko adateze kurekura ubutegetsi afite mu biganza kuva mu 1980 Zimbabwe yabona ubwigenge, ibuhawe n’ Ubwongereza.

Muri 2014, Mugabe yirukanye Madamu Mujuru amushinja gushaka kumuhirika ku butegetsi. Magingo aya uwo mugore yashinze ishyaka abereye umuyobozi rifatwa nka rimwe mu mashyaka akomeye uri Zimbabwe.

Iturufu yo kwihuza kw’ amashyaka atavugarumwe n’ ubutegetsi yakoreshejwe n’ abataravugagarumwe n’ ubutegetsi bwa Yahya Jammeh birabahira. Icyo gihe amashyaka arindwi atari ku ruhande rya Jammeh yishyize hamwe yitoramo uwitwa Adama Barrow ahangana na Yahya Jammeh wari umaze imyaka 22 ku butegetsi bwa Gambia Barrow aratsinda.

Iyi turufu kandi irimo no gukoresha muri Kenya aho amashyaka atavuga rumwe na Perezida Uhuru Kenyatta yishyize hamwe mu cyo yise NASA, kigamije gukura Kenyatta ku butegetsi.

Kuri iyi nshuro iyi turufu yageze no muri Zimbabwe aho Morgan Tsvangirai na Joice Mujuru biyemeje guhuza ubushobozi mu mugambi wo guhirika Perezida Mugabe.

Tanga Igitekerezo