skol
fortebet

Abahanga bagaragaje uko ibihugu bizaba birutana mu bukungu muri 2050, Amerika izasubira inyuma gato, u Buhinde buze mu bya mbere

Yanditswe: Monday 17, Apr 2017

Sponsored Ad

Ikigo PwC, gikora ubugenzuzi mu bijyanye n’imisoro kikanatanga inama mu bijyanye na serivisi gifite icyicaro I London mu Bwongereza, yasuzumye uko ubukungu bw’isi buzaba bwifashe n’ibihugu bizaba biyoboye mu bukungu mu myaka 33 iri imbere hagendewe ku bihugu 32 bya mbere kuri ubu bikomeye mu bukungu, ibihugu 32 bya mbere bizaba yiyoboye ubukungu bw’ Isi.
Raporo ya PwC yahawe umutwe ugira uti: “Uko ubukungu bw’isi buzahinduka mu 2050“, yashyize ku rutonde ibihugu 32 hagendewe ku kuntu ubukungu (...)

Sponsored Ad

Ikigo PwC, gikora ubugenzuzi mu bijyanye n’imisoro kikanatanga inama mu bijyanye na serivisi gifite icyicaro I London mu Bwongereza, yasuzumye uko ubukungu bw’isi buzaba bwifashe n’ibihugu bizaba biyoboye mu bukungu mu myaka 33 iri imbere hagendewe ku bihugu 32 bya mbere kuri ubu bikomeye mu bukungu, ibihugu 32 bya mbere bizaba yiyoboye ubukungu bw’ Isi.

Raporo ya PwC yahawe umutwe ugira uti: “Uko ubukungu bw’isi buzahinduka mu 2050“, yashyize ku rutonde ibihugu 32 hagendewe ku kuntu ubukungu bwabyo imbere buzazamuka bijyanye n’agaciro k’ifaranga.

Mu bihugu 32 biri kuri uru rutonde harimo ibihugu bibiri gusa byo muri Afurika aribyo Nigeria iri ku mwanya wa 14 na Afurika y’ Epfo iri ku mwanya wa 27.

Usibye Leta Zunze Ubumwe za Amerika zitazamanuka cyane, ubukungu bw’ibihugu byinshi bikomeye kuri ubu buzamanuka ku rutonde rw’isi, busimburwe n’ubw’ibihugu nk’u Buhinde, Indonesia kuri ubu bifite amasoko azamuka cyane umunsi ku munsi.

Ikinyamakuru The Telegraph dukesha iyi nkuru cyatangaje ko, ubukungu bw’isi bushobora kuzaba bwarikubye kabiri mu 2050 ndetse bukaruta ubwiyongere bw’abaturage bitewe n’ubuvumbuzi bukomeje kugaragara mu bukungu bushingiye ku ikoranabuhanga.

Ibihugu biri mu nzira y’amajyambere bishobora kuzazamuka byihuse hafi inshuro 2 ugereranyije n’ibihugu bisanzwe biyoboye mu bukungu (G7). Ikizaba rero nuko ibihugu bitandatu muri ibi birindwi biyoboye ubukungu bw’isi nabyo bishobora kuzisanga ari ibihugu bizamuka mu 2050 biyobowe n’u Bushinwa buzaba buri ku mwanya wa mbere mu bukungu, u Buhinde ku mwanya wa 2 na Indonesia ku mwanya wa 4.

Igihugu cya Leta Zunze Ubumwe za Amerika kuri ubu cya mbere mu bukungu, mu 2050 gishobora kuzaba kiri ku mwanya wa gatatu. U Bwongereza bwo bushobora kumanuka bukagera ku mwanya wa 10, mu gihe u Bufaransa butazanagaragara mu bihugu 10 bya mbere. U Butaliyani nabwo bushobora kutazagaragara mu bihugu 20 bya mbere kuko bushobora gucibwaho n’ibihugu nka Mexico, Turkiya na Vietnam.

Nubwo biteganywa gutya ariko, iyi raporo ya PwC igira inama ibihugu biri mu nzira y’amajyambere yo gukomeza inzego zabyo n’ibikorwaremezo mu buryo bufatika niba bishaka kugera ku nzozi zabyo zo kugira ubukungu bukomeye.

Dore uko ibihugu bizaba birutana mu bukungu harebwe amafaranga bizaba bitunze:

32. U Buholandi — $1.496 trillion.

31. Colombia — $2.074 trillion.

30. Pologne — $2.103 trillion.

29. Argentina — $2.365 trillion.

28. Australia — $2.564 trillion.

27. Afurika y’Epfo — $2.570 trillion.

26. Espagne — $2.732 trillion.

25. Thailand — $2.782 trillion.

24. Malaysia — $2.815 trillion.

23. Bangladesh — $3.064 trillion.

22. Canada — $3.1 trillion.

21. U Butaliyani — $3.115 trillion.

20. Vietnam — $3.176 trillion.

19. Philippines — $3.334 trillion.

18. Korea ya Ruguru — $3.539 trillion.

17. Iran — $3.900 trillion.

16. Pakistan — $4.236 trillion.

15. Misiri — $4.333 trillion.

14. Nigeria — $4.348 trillion.

13. Arabia Saoudite — $4.694 trillion.

12. France — $4.705 trillion.

11. Turkiya — $5.184 trillion.

10. U Bwongereza — $5.369 trillion.

9. U Budage — $6.138 trillion.

8. U Buyapani — $6.779 trillion.

7. Mexico — $6.863 trillion.

6. U Burusiya — $7.131 trillion.

5. Brazil — $7.540 trillion.

4. Indonesia — $10.502 trillion.

3. USA — $34.102 trillion.

2. U Buhinde — $44.128 trillion.

1. U Bushinwa — $58.499 trillion.

Iyi raporo yashyizwe ahagaragara muri Gashyantare uyu mwaka wa 2017.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa