startimes
Kigali
startimes

Abayapani bakoze agapfukamunwa gafite ubushobozi bwo gusemura indimi

Amakuru   Yanditswe na: Dusingizimana Remy 1 July 2020 Yasuwe: 1116

Ikigo cy’ubucuruzi cyo mu Buyapani cyatangaje ko kigiye gushyira ku isoko agapfukamunwa gakoranye ikoranabuhanga gafite ubushobozi bwo kohereza ubutumwa (messages) no gusemura indimi zigera ku munani (8).


Sponsored Ad


Aka gapfukamunwa kahawe izina rya “c-mask” gafite imiterere nk’iy’udupfukamunwa dusanzwe, gafite ubushobozi bwo gukorana na telefone ndetse n’ibindi bikoresho by’ikoranabuhanaga hifashishijwe Bluetooh. Gafite ubushobozi bwo gufata amagambo umuntu avuga kakayakuramo ubutumwa bwanditse, gashobora guhagamara, gashobora kandi no kurangurura ijwi ry’umuntu ukambaye.

Umuyobozi w’ikigo Donut Robotics cyakoze kano gapfukamunwa, Taisuke Ono, avuga ko igitekerezo cyo kugakora cyavuye ku kuba imibereho y’abatuye isi yarahindutse kubera icyorezo cya coronavirus.

Agira ati:”Tumaze imyaka myinshi turi gukora amarobo, ubumenyi n’ikoranabuhanga twungutse nibwo turimo kwifashisha mu gukora igikoresho kibasha gukora neza muri sosiyete turimo kubamo.”

Abashakashatsi bo muri Donut Robotics batangiye gukora aka gapfukamunwa nyuma y’uko iki kigo cyari kigiye guhomba kubera coronavirus. Mu gihe coronavirus yatangiraga Donut Robotics yari imaze gutsindira isoko ryo gucuruza amarobo ayobora abagenzi akanakora akazi k’ubusemuzi mu kibuga cy’indege cya Haneda, i Tokyo, mu Buyapani. Gusa icyizere cyo gucuruza ayo marobo cyarayoyotse kubera ingendo zo mu ndege zahagaze.

Donut Robotics iri guteganya gutangira gucuruza utu dupfukamunwa mu Buyapani guhera mu kwezi kwa Nzeri, 2020. Agapfukamunwa kamwe kakazajya kagurishwa amadolari 40 (ibihumbi bisaga 38 by’amafaranga y’u Rwanda).

Taisuke Ono avuga ko bizeye gukura inyungu nyinshi mu isoko abantu batari bazi ko rihari mu mezi ane ashize.

REUTERS

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Francois Kanimba wayoboye Bank Nkuru y’u Rwanda yahawe akazi gashya muri...

Francois Kanimba izina ryamenyekanye cyane ubwo yayoboraga Banki Nkuru y’u...
3 August 2020 Yasuwe: 1511 0

Umuherwe Jeff Bezos yinjije akayabo ka miliyari 13 z’amadolari ku munsi...

Kuri uyu wa mbere tariki ya 20 Nyakanga 2020, umutungo wa Jeff Bezos...
21 July 2020 Yasuwe: 792 1

Burundi: Térence Mushano wo mu ishyirahamwe ryigenga yafunzwe amaze kuvugana...

Térence Mushano umukozi wo ku kibuga cy’indege cya Bujumbura akaba na visi...
14 July 2020 Yasuwe: 1593 0

Abayapani bakoze agapfukamunwa gafite ubushobozi bwo gusemura...

Ikigo cy’ubucuruzi cyo mu Buyapani cyatangaje ko kigiye gushyira ku isoko...
1 July 2020 Yasuwe: 1116 0

Tanzania: Umucuruzi wari uciriritse yahindutse umuherwe mu kanya gato nyuma...

Umucukuzi uciriritse wo muri Tanzania mu gihe gito cyane yahindutse umuntu...
25 June 2020 Yasuwe: 2229 2

Kompanyi ya Emirates Airlines yirukaniye rimwe abapilote 600 kubera...

Kompanyi y’indege itwara abagenzi n’imizigo ya Emirates yo mu mujyi wa Dubai...
10 June 2020 Yasuwe: 1073 0