Kigali

Abayobozi bakuru ba Kenya barimo na Perezida bagabanyirijwe imishahara

Amakuru   Yanditswe na: Nsanzimana Ernest 10 July 2017 Yasuwe: 1232

Urwego rushinzwe imishahara n’ uduhimbazamusyi tw’ abakozi ba Leta ya Kenya rwatangaje uko rwagabanyije imishahara y’ abayobozi bakuru ba Kenya barimo Perezida wa Repubulika n’ abagize inteko ishinga amategeko.

Umuyobozi w’ uru rwego madamu Sarah Serem yatangaje ko ubu buryo bushya bw’ imishahara buzatuma Leta izigama miliyoni 80 z’ amadorali buri mwaka.

Uru rwego rwakuyeho uduhimbazamusyi twahabwaga abayobozi b’ intara n’ abagize inteko ishinga amategeko.

Perezida wa Kenya agiye kujya ahembwa amadorali y’ Amerika ibihumbi 14 ku kwezi avuye ku madorali ibihumbi 15.

Visi Perezida wa Kenya agiye kujya ahembwa ibihumbi 12 by’ amadorali. BBC dukesha iyi nkuru ntabwo yatangaje umubare w’ amadorali Visi Perezida w’ iki gihugu yahembwaga.

Abaminisitiri bazajya bahembwa amadorali y’ Amerika 9240, Perezida w’ inteko ishinga amategeko azajya ahembwa amadorali y’ Amerika 11000 .

Abayobozi b’ intara bazajya bahembwa kimwe n’ abaminisitiri 9240 by’ amadorali y’ Amerika ku kwezi.

Iyi mishahara mishya izatangira kubahirizwa mu kwezi gutaha kwa munani tariki 8, 2017.

Muri Werurwe uyu mwaka wa 2017 nibwo Perezida wa Kenya Uhuru Kenyatta mu ijambo yagejeje ku banyagihugu yavuze ko imishahara y’ abayobozi bakuru b’ iki gihugu ikwiye kugabanywa.

Icyo gihe Kenyatta yavuze ko imishahara itagabanyijwe bishobora kuzagera uho amafaranga yo guhemba akabura.

Muri uku kwezi kwa Kanama ubwo imishahara mishya izatangira gushyirwa mubikorwa ninabwo iki gihugu gifite amatora y’ umukuru w’ igihugu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Aliko Dangote amaze imyaka 7 ikurikirana ariwe muherwe wa mbere muri...

Umunya- Nigeria Aliko Dangote, Forbes Magazine yatangaje ko ariwe muherwe...
13 January 2018 Yasuwe: 113 0

Uganda: Imyanya y’ akazi 40 000 ibereye aho ntigira abayikoramo

Muri guverinoma ya Uganda umugenzuzi mukuru w’ imari ya Leta yasanze imyanya...
8 January 2018 Yasuwe: 312 0

Guhera tariki 1 Mutarama WhatsApp ntizongera gukora muri Smartphone zimwe...

Kampani ya ‘WhatsApp’ yatangaje ko guhera tariki 1 Mutarama iyi application...
28 December 2017 Yasuwe: 2049 0

Ubushinwa bwakoze indege nini ifite ubushobozi kugwa hejuru y’...

Indege nini cyane kw’isi ishobora kugwa no kuguruka iva ku mazi yo mu...
24 December 2017 Yasuwe: 1073 0

Burkina faso yafatiye ibihano by’ ubukungu Koreya ya Ruguru

Igihugu cya Burkina Faso cyafatiye ibihano by’ ubukungu Koreya ya Ruguru...
20 December 2017 Yasuwe: 339 0

Amerika yagabanyije imisoro, ngo bizatuma ubukungu bwayo bwiyongera

Abasenateri ba Leta zunze ubumwe z’ Amerika kuri uyu wa Gatatu tariki 20...
20 December 2017 Yasuwe: 230 0