Kigali
startimes

Amerika yagabye igitero gishya mu ntambara y’ ubukungu irwana n’ Ubushinwa

Amakuru   Yanditswe na: Nsanzimana Ernest 18 September 2018 Yasuwe: 1411

Leta Zunze Ubumwe z’Amerika zirigushyira imisoro mishya ku bicuruzwa biva mu Bushinwa bifite agaciro ka miliyari 200 z’amadolari y’Amerika mu gihe iki gihugu gikomeje gukaza intambara y’ubucuruzi n’Ubushinwa.



Iyi misoro ireba ibicuruzwa bigera hafi ku bihumbi 6, iki kikaba ari cyo cyiciro kinini kurusha ibindi cy’imisoro Amerika ishyiriyeho Ubushinwa kugeza ubu.
Ibikapu byo gutwara mu ntoki, umuceri n’imyenda biri mu bizasoreshwa, ariko ibicuruzwa bimwe na bimwe nk’amasaha ahenze n’intebe ndende byari byitezwe gukorwaho n’iyi misoro byo byakuwe ku rutonde rw’ibicuruzwa birebwa n’iyi misoro.

Mbere, Ubushinwa bwari bwasezeranyije ko buzihimura kuri Amerika niramuka ishyizeho indi misoro.
Byitezwe ko iyi misoro itangira gusoreshwa guhera ku itariki ya 24 y’uku kwezi kwa cyenda, igatangira iri ku gipimo cya 10% igakomeza yongerwa kugera ku gipimo cya 25% guhera mu ntangiriro y’umwaka utaha mu gihe ibi bihugu byombi byaba bidashoboye kumvikana.

Perezida Donald Trump w’Amerika yavuze ko iyi misoro ijyanye n’ingamba z’Ubushinwa "zidashyira mu gaciro mu bucuruzi, zirimo amafaranga agenerwa amasosiyete ngo acururize ku giciro cyo hasi n’amategeko asaba ko amasosiyete y’amahanga mu nzego zimwe agira abafatanya-bikorwa bo mu Bushinwa."
Bwana Trump yanaburiye Ubushinwa ko niburamuka bwihimuye, Amerika "ako kanya yahita ikomeza n’imisoro y’icyiciro cya gatatu" - bivuze ko ibindi bicuruzwa biva mu Bushinwa byashyirirwaho imisoro ifite agaciro ka miliyari 267 z’amadolari y’Amerika.

Mu gihe ibyo byaba bibaye - iyo misoro ifite agaciro ka miliyari 267 z’amadolari y’Amerika ikakwa - byaba bimeze nkaho bisobanuye ko ibicuruzwa byose Ubushinwa bwohereza muri Amerika bisoreshwa imisoro mishya.
Kuri uyu wa kabiri, amasoko y’imigabane mu Bushinwa yafunguye ari ku gipimo cyo hasi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Tanzania: Umucuruzi wari uciriritse yahindutse umuherwe mu kanya gato nyuma...

Umucukuzi uciriritse wo muri Tanzania mu gihe gito cyane yahindutse umuntu...
25 June 2020 Yasuwe: 1981 2

Kompanyi ya Emirates Airlines yirukaniye rimwe abapilote 600 kubera...

Kompanyi y’indege itwara abagenzi n’imizigo ya Emirates yo mu mujyi wa Dubai...
10 June 2020 Yasuwe: 1059 0

Leta ya Uganda yisubiyeho yemerera abantu gucuruza "Caguwa"

Leta ya Uganda yafashe icyemezo cyo kwemera itumizwa ry’imyambaro icuruzwa...
9 May 2020 Yasuwe: 2508 1

Bwa mbere mu mateka ubukungu bw’Ubushinwa bwaguye mu buryo budasanzwe kubera...

Kuva mu myaka ibarirwa muri mirongo ishize nibwo bwa mbere ubukungu...
17 April 2020 Yasuwe: 1563 0

Leta ya Uganda yahagaritse gutanga ibiribwa ku batishoboye muri ibi bihe...

Kubera gahunda ya Guma mu Rugo yahungabanyije ubuzima bw’abaturage batari...
16 April 2020 Yasuwe: 2938 0

Umuherwe wa Mbere ku isi yungutse miliyari $24 muri iki gihe cya...

Umutungo w’uwashinze akaba n’umuyobozi w’urubuga rw’ubucuruzi bwo kuri internet...
15 April 2020 Yasuwe: 3217 1