Abanyeshuri bo muri kaminuza yo muri Afurika y’epfo bavumbuye amatafari mashya akoze mu nkari z’umuntu akoze mu buryo burengera ibidukikije.

Sponsored Ad

Aba banyeshuri bo kuri Kaminuza ya Cape Town bavuga ko bakoze aya matafari bahuza inkari bakusanyije zikuwe mu bwiherero bw’abagabo n’umucanga ndetse na za mikorobe.

Bavuga ko ubwo buryo butuma amatafari yikomeza ubwayo mu buryo bw’umwimerere iyo mvange y’ibiyakoze ishyizwe mu bushyuhe busanzwe bwo mu cyumba.

Bavuga ko hari ikinyabutabire cyo muri iyo mvange gicenshura izo nkari hakavamo ikindi kinyabutabire kizwi nka calcium carbonate - cy’ingenzi mu gukora itafari hanyuma kikabihuriza hamwe byose.
Amatafari asanzwe ubundi acyenera gutwikirwa mu itanura rigurumana, bigatuma habaho umwuka mwinshi wa carbon dioxide uhumanya ikirere.