startimes
Kigali
startimes

Chad yiyemeje kwishyura umwenda ibereyemo Angola itanga amashyo y’inka

Amakuru   Yanditswe na: Dusingizimana Remy 18 March 2020 Yasuwe: 1024

Chad iri kwishyura umwenda ifitiye Angola wa miliyoni 100 z’amadorari ya Amerika itanze amashyo y’inka nk’uko bitangazwa n’ikinyamakuru cya leta muri Angola.


Sponsored Ad


Ubu bwumvikane budasanzwe mu kwishyura burafatwa nk’ubufitiye inyungu ibihugu byombi, Chad ifite ikibazo cy’amafaranga naho Angola ikennye ku matungo.

Inka zirenga 1,000 zageze i Luanda umurwa mukuru wa Angola n’ubwato nk’ikiciro cya mbere cy’ubwishyu nk’uko bivugwa n’ikinyamakuru Jornal de Angola.

Biteganyijwe ko Angola izakira inka zose hamwe 75,000 mu myaka 10, bivuze ko inka imwe bari kuyiha agaciro ka $1,333 (ni arenga gato miliyoni imwe mu mafaranga y’u Rwanda).

Mu mpera z’uku kwezi Chad izoherereza Angola andi mashyo y’inka zigera ku 3,500 nk’uko iki kinyamakuru kibivuga.

Mu 2017 nibwo Chad yasabye Angola ko yakwishyura uyu mwenda w’amafaranga mu nka.

Angola yaje kubyemera kuko yifuzaga kongera amatungo yari yarashegeshwe n’amapfa mu majyepfo yayo.

Angola ikunze kwibasirwa n’amapfa atuma amatungo apfa umusubirizo kubera inzara n’umwuma bigatera rubanda gukena.

Nubwo ari igihugu gikungahaye kuri petroli, Angola iracyafite ibisigisigi by’intambara y’imbere mu gihugu yamaze imyaka 27 nyuma y’ubwigenge.

Ikigo World Health Organisation of Animal Health (OIE) kigaragaza Chad nk’igihugu "gikize ku bworozi bw’amatungo maremare", ko gifite bene aya matungo agera kuri miliyoni 94.

30% by’ibyo Chad yohereza mu mahanga ni amatungo maremare cyangwa ibiyakomokaho, nyuma ya petroli ni amatungo iki gihugu gicungiraho mu kubona amadovize.

Mukwezi kwa 10 gushize, Banki y’isi yatangaje ko ubukungu bwa Chad bukizahaye kandi bwatembagazwa n’ibibazo nk’igiciro cya petroli gihindagurika cyangwa umutekano mucye uterwa n’abarwanyi b’intagondwa ziyitirira idini ya Islam mu karere irimo.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Francois Kanimba wayoboye Bank Nkuru y’u Rwanda yahawe akazi gashya muri...

Francois Kanimba izina ryamenyekanye cyane ubwo yayoboraga Banki Nkuru y’u...
3 August 2020 Yasuwe: 1511 0

Umuherwe Jeff Bezos yinjije akayabo ka miliyari 13 z’amadolari ku munsi...

Kuri uyu wa mbere tariki ya 20 Nyakanga 2020, umutungo wa Jeff Bezos...
21 July 2020 Yasuwe: 781 1

Burundi: Térence Mushano wo mu ishyirahamwe ryigenga yafunzwe amaze kuvugana...

Térence Mushano umukozi wo ku kibuga cy’indege cya Bujumbura akaba na visi...
14 July 2020 Yasuwe: 1593 0

Abayapani bakoze agapfukamunwa gafite ubushobozi bwo gusemura...

Ikigo cy’ubucuruzi cyo mu Buyapani cyatangaje ko kigiye gushyira ku isoko...
1 July 2020 Yasuwe: 1116 0

Tanzania: Umucuruzi wari uciriritse yahindutse umuherwe mu kanya gato nyuma...

Umucukuzi uciriritse wo muri Tanzania mu gihe gito cyane yahindutse umuntu...
25 June 2020 Yasuwe: 2229 2

Kompanyi ya Emirates Airlines yirukaniye rimwe abapilote 600 kubera...

Kompanyi y’indege itwara abagenzi n’imizigo ya Emirates yo mu mujyi wa Dubai...
10 June 2020 Yasuwe: 1073 0