Kigali

Depite Bobi Wine yagaragaje ko Perezida Museveni kuri ruswa atari shyashya

Amakuru   Yanditswe na: Nsanzimana Ernest 11 December 2018 Yasuwe: 1175

Robert Kyagulanyi, umudepite w’ umuhanzi muri Uganda yavuze ko Perezida Museveni nta bushake afite bwo kurandura ingeso ya ruswa.

Ni mu gihe kuri uyu wa Mbere tariki 10 Ukuboza Perezida Museveni yatangije icyumweru cyo kurwanya ruswa akavuga ko imitungo y’ abakekwaho ruswa igiye kujya ifatirwa.

Depite Kyagulanyi, uzwi nka Bobi Wine, yavuze ko Museveni nta bushobozi afite bwo kurandura ruswa kuko uburyo bw’ imiyoborere akuriye byamunzwe nayo.
Bobi Wine ati “Kubera sisiteme y’ imiyoborere yamunzwe na ruswa ibitaro nta miti, amashuri yarangiritse, ibura ry’ akazi ririmo kwiyongera. Nta buryo bwo gutwara abagenzi mu buryo bwa rusange dufite”

Yakomeje avuga ko Museveni ahora asa n’ uwirasa mu kirenge kubera guha imyanya y’ ubuyobozi abantu barya ruswa aho gukorera abaturage.

Depite Bobi Wine yagaragaje ko amasezerano Museveni atanga yo kurwanya ruswa ari baringa.

Yagize ati “Uyu munsi Perezida Museveni arabwira abaturage ngo bamutege amatwi ababwira ingamba nshya zo kurwanya ruswa. Mbega imikino! Nyuma y’ imyaka 32 atanga amasezerano ya baringa aracyatanga andi. Ni gute twarambiriza ku muntu urema ibibazo byo gukemura”

Yongeyeho ati “Ni gute umugabo uyoboye abaryi ba ruswa akemura ibibazo bya ruswa? Ni gute umugabo ushinjwa ku mu cyumweru gishize yarakiriye ruswa $500 000 agira icyo avuga kuri ruswa”

Uyu mudepite utavugarumwe n’ ubutegetsi yakomeje avuga ko Perezida Museveni ubwe nawe arya ruswa ruswa ndetse ko yatanze ruswa ngo atorwe. ‘

Yavuze ko Perezida Museveni afata umutungo w’ igihugu nk’ ikofi ye n’ umutungo kamere w’ igihugu akawukoresha nk’ aho ari uwe bwite.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abahanga muri siyansi bamuritse imineke yavuye ku nsina ’zidakenera...

Impuguke zivuga ko imineke ari zo mbuto ziribwa cyane kurusha izindi ku...
14 December 2018 Yasuwe: 3162 0

Shokola nyinshi cyane yafunze umuhanda mu Budage

Abategetsi bo mu nzego z’ibanze mu Budage bavuga ko "shokola ipima toni"...
13 December 2018 Yasuwe: 2301 0

Mozambique yatahuye abakozi ba Leta ibihumbi 30 bahembwaga badakora

Leta ya Mozambique itangaza ko yatahuye abakozi ba baringa barenga ibihumbi...
12 December 2018 Yasuwe: 392 0

Depite Bobi Wine yagaragaje ko Perezida Museveni kuri ruswa atari...

Robert Kyagulanyi, umudepite w’ umuhanzi muri Uganda yavuze ko Perezida...
11 December 2018 Yasuwe: 1175 0

Ubufaransa bwisubiyeho ku cyemezo cyo kuzamura imisoro cyateje...

Minisitiri w’Intebe w’Ubufaransa, Edouard Philippe, amaze guhagarika mu gihe...
4 December 2018 Yasuwe: 606 0

Uganda yarekuye imodoka ebyiri z’ u Rwanda yafashe kuva mu mezi 3...

Ikigo cya Uganda gishinzwe imisoro n’ amahoro cyarekuye imodoka ebyiri z’ u...
23 November 2018 Yasuwe: 1324 0