skol
Kigali
startimes

Kompanyi ya Emirates Airlines yirukaniye rimwe abapilote 600 kubera igihombo yatewe na covid-19

Amakuru   Yanditswe na: Dusingizimana Remy 10 June 2020 Yasuwe: 1077

Kompanyi y’indege itwara abagenzi n’imizigo ya Emirates yo mu mujyi wa Dubai muri Leta zunze ubumwe z’Abarabu yafashe umwanzuro wo kwirukanira rimwe abapilote bayo 600 kubera igihombo gikomeye yatewe na Coronavirus.


Aba bakozi bose birukanwe kuwa 09 Kamena uyu mwaka biganjemo abakomoka mu Buhinde bayigezemo bavuye mu yindi Kompanyi y’iwabo yitwa IndiGo.

Aba bapilote 600 biyongereye ku bandi baherukaga kwirukanwa baba 792 bituma Emirates iba Kompanyi ya mbere yirukanye abapilote benshi.

Kuwa 31 Gicurasi 2020,nabwo iyi Kompanyi y’indege zitwara abagenzi yirukanye abapilote 180.

Icyakora amakuru ikinyamakuru Moneycontrol dukesha iyi nkuru cyabonye ngo n’uko abenshi muri aba bapilote birukanwe ari abari mu igeragezwa mu ndege zo mu bwoko bwitwa A380 fleet.

Iyi kompanyi ngo iri kwitegura kugabanya indege zayo zitwara abagenzi kubera Coronavirus yatumye igwa mu gihombo gikabije cyane ko ibihugu hafi ya byose ku isi byahagaritse ingendo z’indege.Indege 40 muri 115 za Emirates zo mu bwoko bwa A380 zigomba guhagarikwa.

Umuvugizi wa Emirates yabwiye MoneyControl ati “Nyuma yo kureba ku mpande zose,tubabajwe no gutangaza ko hari bamwe tugiye kureka bakagenda.Iki n’icyemezo cyatugoye gufata…Kompanyi irakora ibishoboka byose kugira ngo ikomeze kurinda abakozi bayo uko bikwiye.Igihe dufashe imyanzuro ukomeye,dufata abakozi kimwe kandi tukabubaha.Tuzafasha abakozi bagiye uko bishoboka kose.”

Aba bakozi birukanwe bagomba kuva muri kompanyi kuwa 15 Kamena uyu mwaka ndetse ngo n’abadafite uburyo bwo gutaha kubera hari aho ingendo zibujijwe bazafashwa kongererwa Visa.

Amakuru avuga ko kompanyi ya Emirates izirukana abakozi bayo bangana na 30% barimo n’abapilote.Ibi bivuze ko abantu ibihumbi 30 bakoraga muri iyi Kompanyi bagiye kuba abashomeri.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abatunze za Miliyari z’amafaranga basabwe kugoboka abakomeje kwibasirwa...

Ku wa Kane tariki ya 17 Nzeri 2020, Umuyobozi w’ishami rya ONU rishinzwe...
19 September 2020 Yasuwe: 386 0

Kenya yakemuye amakimbirane yari ifitanye na Tanzania yari ashingiye kuri...

Leta ya Kenya yaraye yongereye Tanzania ku rutonde rw’ibihugu abagenzi...
16 September 2020 Yasuwe: 589 0

Tanzania na Uganda bumvikanye ku muyoboro utwara ibitoro wa miliyari...

Abategetsi ba Tanzania na Uganda bumvikanye ku masezerano yo kubaka...
14 September 2020 Yasuwe: 1179 0

Akon yavuze igihe umujyi wa ’Akon City’ uzatangira kubakwa

Akon, umuhanzi w’injyana ya R&B wo muri Amerika, kuva mu 2018 yavugaga...
2 September 2020 Yasuwe: 840 0

Tanzania: Wa Mucukuzi w’amabuye y’agaciro yaguye ku rindi ry’imbonekarimwe...

Umucukuzi uciriritse wo muri Tanzania, wamenyekanye ubwo bwacyaga abaye...
4 August 2020 Yasuwe: 2229 0

Francois Kanimba wayoboye Bank Nkuru y’u Rwanda yahawe akazi gashya muri...

Francois Kanimba izina ryamenyekanye cyane ubwo yayoboraga Banki Nkuru y’u...
3 August 2020 Yasuwe: 1587 0