Kigali

Mozambique yatahuye abakozi ba Leta ibihumbi 30 bahembwaga badakora

Amakuru   Yanditswe na: Nsanzimana Ernest 12 December 2018 Yasuwe: 392

Leta ya Mozambique itangaza ko yatahuye abakozi ba baringa barenga ibihumbi 30 yahembaga nk’abakozi bayo. Bahembye arenga miliyoni 250 z’amadolari y’Amerika

Carmelita Namashulua, minisitiri w’abakozi ba leta n’umurimo w’iki gihugu, yavuze ko bamwe bahemberwaga akazi batakoze, naho abandi bakaba barapfuye cyangwa ari baringa cyangwa barahimbwe.

Madamu Namashulua yavuze ko ubwo buriganya bwahombeje leta arenga miliyoni 250 z’amadolari y’Amerika hagati y’umwaka wa 2015 n’uwa 2017.

Madamu Namashulua yavuze ko leta y’iki gihugu - kimwe mu bicyennye cyane kurusha ibindi ku isi - yemera ko ikibazo cya ruswa kikiri ikibazo kiyikomereye.
Mozambique iza ku mwanya wa 153 mu bihugu 180 byo ku isi, mu cyegeranyo giheruka kijyanye na ruswa cy’umuryango Transparency International.

Madamu Namashulua yavuze ko ibindi bibazo bikomeye byugarije iki gihugu birimo itonesha, icyenewabo, guca amafaranga abakozi mu buryo bunyuranyije n’amategeko mbere yo kubaha akazi mu nzego za leta ndetse no gukoresha ibyangombwa mpimbano.

Umunyamakuru wa BBC Jose Tembe uri mu murwa mukuru Maputo, avuga ko leta yakoresheje uburyo bwo gusaba abakozi bayo kwigaragaza ko bariho, bisobanuye ko abakozi basabwe kwigaragaza bo ubwabo ku biro runaka ngo berekane ko koko bakiriho ari bazima.

Uyu munyamakuru wa BBC avuga ko nyuma y’iryo genzura, abatarashoboye kwigaragaza batongeye guhabwa imishahara yabo.

Iri genzura ryakozwe mu gihe cy’imyaka ibiri, rwakorewe ku bakozi ibihumbi 348.
Mu ntangiriro y’uyu mwaka, Mozambique yatangaje ingamba zo kugerageza gukoresha mu rugero imari ya leta, cyane cyane amafaranga ahembwa abakozi bayo biharira 55% by’imisoro yose, nkuko bitangazwa n’ibiro ntaramakuru by’iki gihugu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abahanga muri siyansi bamuritse imineke yavuye ku nsina ’zidakenera...

Impuguke zivuga ko imineke ari zo mbuto ziribwa cyane kurusha izindi ku...
14 December 2018 Yasuwe: 3162 0

Shokola nyinshi cyane yafunze umuhanda mu Budage

Abategetsi bo mu nzego z’ibanze mu Budage bavuga ko "shokola ipima toni"...
13 December 2018 Yasuwe: 2300 0

Mozambique yatahuye abakozi ba Leta ibihumbi 30 bahembwaga badakora

Leta ya Mozambique itangaza ko yatahuye abakozi ba baringa barenga ibihumbi...
12 December 2018 Yasuwe: 392 0

Depite Bobi Wine yagaragaje ko Perezida Museveni kuri ruswa atari...

Robert Kyagulanyi, umudepite w’ umuhanzi muri Uganda yavuze ko Perezida...
11 December 2018 Yasuwe: 1175 0

Ubufaransa bwisubiyeho ku cyemezo cyo kuzamura imisoro cyateje...

Minisitiri w’Intebe w’Ubufaransa, Edouard Philippe, amaze guhagarika mu gihe...
4 December 2018 Yasuwe: 606 0

Uganda yarekuye imodoka ebyiri z’ u Rwanda yafashe kuva mu mezi 3...

Ikigo cya Uganda gishinzwe imisoro n’ amahoro cyarekuye imodoka ebyiri z’ u...
23 November 2018 Yasuwe: 1324 0