Kigali

Ubushinwa bugiye gutaha ikiraro kirekire ku isi gica hejuru y’ inyanja

Amakuru   Yanditswe na: Nsanzimana Ernest 22 October 2018 Yasuwe: 1908

Muri iki Cyumweru nibwo hateganyijwe umuhango wo gutaha ku mugaragaro ikiraro cya mbere kirekire ku isi gifite uburebure bwa kirometero 55.

Iki kiraro gica hejuru y’ inyanja kigahuza Ubushinwa na Hong Kong, kimaze imyaka 9 cyubakwa cyuzuye gitwaye miliyari 20 z’ amadorari y’ Amerika.

Biteganyijwe ko Perezida w’ Ubushinwa Chinese President Xi Jinping yitabira uyu muhango uteganyijwe kuri uyu wa Kabiri tariki 23 Ukwakira 2018. Iki kiraro kizatangira gukoreshwa n’ abagenzi tariki 24 Ukwakira 2018.

Umuhango wo gutaha iki kiraro wakagombye kuba warabaye muri mwaka ibiri ishize ni ukuvuga muri 2016 ariko warasubitswe wimurirwa muri uyu mwaka wa 2018.

Iki kiraro kizorohereza imigenderanire abaturage miliyoni 68 batuye mu mijyi 11 ya Hong kong na China.

Televiziyo y’ Abanyamerika CNN yatangaje ko abafite imodoka zabo bwite bazajya banyura kuri iki kiraro babanje kwerekana icyangombwa kidasanzwe, cyangwa bakifashisha izikora ubwikorezi rusange.

Urugendo rumwe mu modoka rusange ruzajya rutwara hagati y’amadolari 8-10 bitewe n’amasaha.

Hari ababona iki kiraro nk’uburyo u Bushinwa bushaka gukoresha mu kurushaho kwiyegereza Hong Kong yasuwe na ba mukerarugendo basaga miliyoni 56.7 mu 2016.

Iki kiraro kinyura mu mugezi wa Pearl River cyubatswe ku buryo kidashobora guhungabanywa n’umutingito uri ku gipimo cya magnitude umunani, kigizwe n’ibyuma bipima toni ibihumbi 400.

Mu gihe cyamaze cyubakwa, abantu bagera kuri barindwi bahasize ubuzima, abandi 275 bahakomerekeye.

Uretse kuba ari cyo kiraro cya mbere kirekire kinyura mu mazi, kiza ku mwanya wa gatandatu ku rutonde rw’ibiraro birebire ku Isi ruyobowe n’igihuza agace ka Danyang na Kunshan mu Bushinwa gifite uburebure bwa kilometero 164.8.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubufaransa bwisubiyeho ku cyemezo cyo kuzamura imisoro cyateje...

Minisitiri w’Intebe w’Ubufaransa, Edouard Philippe, amaze guhagarika mu gihe...
4 December 2018 Yasuwe: 480 0

Uganda yarekuye imodoka ebyiri z’ u Rwanda yafashe kuva mu mezi 3...

Ikigo cya Uganda gishinzwe imisoro n’ amahoro cyarekuye imodoka ebyiri z’ u...
23 November 2018 Yasuwe: 1158 0

Aba ngo nibo bakuru b’ ibihugu bya Afurika bakize kurusha abandi

Umutungo w’ umukuru w’ igihugu utunze kurusha abandi muri Afurika ukubye...
18 November 2018 Yasuwe: 4584 0

Perezida w’ Ubushinwa yahanuriye Amerika gutsindwa intambara y’...

Perezida Xi Jinping w’Ubushinwa mu ijambo ryumvikanye nk’irirasa kuri gahunda...
17 November 2018 Yasuwe: 1334 0

Banki y’ Isi yisubiyeho ku cyemezo yari yafatiye Tanzania kijyanye n’...

Banki y’isi yatangaje ko izaguriza Tanzania miliyoni 300 z’amadolari...
17 November 2018 Yasuwe: 386 0

Ikiraro kizahuza Kinshasa na Brazzaville kizatwara miliyoni 550 z’...

Abategetsi ba Repubulika ya Demokarasi ya Kongo n’aba Repubulika ya Kongo...
8 November 2018 Yasuwe: 1035 0