Kigali

World Economic Forum uyu mwaka izabera muri Switzerland

Amakuru   Yanditswe na: Nsanzimana Ernest 18 January 2018 Yasuwe: 170

Inama Mpuzamahanga yiga ku bukungu bw’ Isi World Economy Forum ihuza impuguke n’ abayobozi batandukanye barimo Abanyapolitiki, imiryango itari iya Leta n’ abandi uyu mwaka izabera i Davos, Switzerland .

Iyi nama iteganyijwe kuva tariki 23 kugeza tariki 26 Mutarama 2018

World Economic Forum ibanziriza iy’ umwaka ushize ni ukuvuga iya 2016 yabereye I Kigali mu Rwanda kuva tariki 11 kugeza kuwa 13 Gicurasi 2016 ku nsanganyamatsiko yo guhuza amikoro Afurika ifite ngo ahuzwe mu mpinduka zikenewe kuri uyu mugabane hifashishijwe ikoranabuhanga, mu nsanganyamatsiko ya “Connecting Africa’s Resources Through Digital Transformation”.

Muri uyu mwaka wa 2018 hazaganirwa uburyo ibihugu byakwihaza mu bukungu, ibibazo by’ umutekano n’ imvururu za politiki mu turere n’ ibindi.

Iyi nama ngarukamwaga yiga ku bukungu bw’ Isi yabaye bwa mbere muri 2007 bivuze ko uyu mwaka igiye kuba ku nshuro ya 11.

Nk’ ibisanzwe muri iyi nama u Rwanda ruzaba rufite abaruhagarariye baba abari muri Guverinoma n’ abo mu rwego rw’ abikorera.

Muri iyi nama aba ari umwanya mwiza ku bikorera ngo bamenyekanishe ibyo bakora kandi banagure amarembo bashake abafatanyabikorwa bashya.

U Rwanda ruzamurika isura nshya y’ umugi wa Kigali, runakore ubuvugizi ku ikurwaho rya VISA ku gutembera mu bihugu by’ Afurika nk’ uko The New Times yabitangaje.

Imyanzuro ifatirwa muri iyi nama niyo igenderwaho mu kugena ibikwiye gukorwa ngo ubukungu burusheho kugenda neza ku rwego rw’ Isi. Muri WEF yabereye mu Rwanda niho hafatiwe umwanzuro wo gushyiraho gahunda ya Smart cities ari nayo yabaye intangiriro yo gushyira uburyo bushya mu kwishyura ingendo hakoreshejwe amakarita mu mugi wa Kigali na gahunda yo gushyira wireles mu modoka zitwara abagenzi mu buryo bwa rusange.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubushinwa bwazamuye imisoro ku bicuruzwa biva muri Amerika

Ubushinwa kuri uyu wa Mbere bwazamuye imisoro ku bicuruzwa biva muri Leta...
2 April 2018 Yasuwe: 451 0

Abanya Uganda barenga kimwe cya kabiri barashonje

Abarenga ½ cy’ abaturage ba Uganda bugarijwe n’ ubukene bukabije no kubura...
2 March 2018 Yasuwe: 836 0

Ikiyaga gifatiye runini miliyoni zikubye inshuro eshatu abatuye u Rwanda...

Perezida wa Nigeria Muhammadu Buhari aratabariza ikiyaga cya Tchad kiri...
1 March 2018 Yasuwe: 3008 0

World Economic Forum uyu mwaka izabera muri Switzerland

Inama Mpuzamahanga yiga ku bukungu bw’ Isi World Economy Forum ihuza...
18 January 2018 Yasuwe: 170 0

Aliko Dangote amaze imyaka 7 ikurikirana ariwe muherwe wa mbere muri...

Umunya- Nigeria Aliko Dangote, Forbes Magazine yatangaje ko ariwe muherwe...
13 January 2018 Yasuwe: 240 0

Uganda: Imyanya y’ akazi 40 000 ibereye aho ntigira abayikoramo

Muri guverinoma ya Uganda umugenzuzi mukuru w’ imari ya Leta yasanze imyanya...
8 January 2018 Yasuwe: 385 0