Abanyarwanda 2 bafungiwe muri Uganda bakekwaho gutunga imbunda binyuranyije n’ amategeko

Amakuru   Yanditswe na: Nsanzimana Ernest 14 September 2018 Yasuwe: 2144

Mu gihugu cya Uganda gifitanye umubano utifashe neza n’ u Rwanda hafungiwe Abanyarwanda abiri 2 bakekwaho icyaha cyo gutunga imbunda binyuranyije n’ amategeko mushikiwe w’ umwe muribo yatangaje ko musazawe abeshyerwa.

Ikinyamakuru Chimpreports cyo muri Uganda kinyuzamo kigakora inkuru zicukumbuye cyatangaje ko Emmanuel Rwamucyo Rwamukinuzi na Augustin Rutayisire bafatiwe I Mbarara tariki 26 Gicurasi 2018.

Aba banyarwanda bafungiwe mu gisirikare cya Uganda UPDF muri Diviziyo ya 1 mu gihe bategereje kugezwa I Kampala ngo bahatwe ibibazo.

Mushiki wa Rwamucyo yavuze ko musaza we atigeze atunga imbunda ati Ni ikinyoma gikomeye. Ntabwo azi impamvu bamushinja gutunga imbunda atigeze agira”

Bivugwa ko umunsi Rwamucyo atabwa muri yombi yari atwaye imodoka ava Kikagati mu karere ka Isingiro aho afite hoteli yerekeza Mbarara.

Umuryango wa Rwamucyo uvuga ko icyo gihe yari agiye I Mbarara kubitswa kuri konti ye miliyoni 40 z’ amashilingi y’ inguzanyo. Rwamucyo ngo uretse iyi hoteli atunze muri Uganda akora n’ ubushabitsi mu Rwanda.

Amakuru avuga ko Rwamucyo yahamagaye inshuti ye Rutayisire ngo amuherekeze bage kubitsa ya mashilingi gusa batawe muri yombi n’ inzego z’ umutekano batarabitsa ayo mashilingi.

Ubuyobozi buvuga ko Rwamucyo na Rutayisire bahatiwe ibibazo I Mbuya mbere y’ uko boherezwa gufungirwa muri gereza iri mu kigo cya gisirikare I Makindye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Joseph

    Erega abanyarwanda tugomba kureka umuco mubi wa munyangire na munyicire,tukimika ubupfura!!rwoseaba bantu barahemukira igihugu baradteranya n’abaturanyi,nibindi byinshi!!nimusubize agatima impembero mwimike ubupfura!!!

    4 months ago

Inzindi nkuru

Umugore wa Robert Mugabe ’Grace Mugabe’ ari guhigwa ngo afungwe[AMAFOTO]

Umugore wa Robert Mugabe, Grace Mugabe, yashyiriweho impapuro zimufata...
19 December 2018 Yasuwe: 3898 0

UBUFARANSA bwashyize ahagaragara inyandiko zigaragara abishye Thomas...

Ubwo Perezida w’ Inteko Ishinga Amategeko y’ u Burafansa yasuraga Burkina...
14 December 2018 Yasuwe: 5912 0

Kongo yataye muri yombi umusirikare ukomeye ashinjwa urupfu rwa za mpuguke...

Umushinjacyaha yabwiye ibiro ntaramakuru Reuters ko umusirikare w’ipeti rya...
9 December 2018 Yasuwe: 1819 0

Burundi: Abasirikare 4 bakomeye batawe muri yombi kubera urupfu rumaze...

Umushinjacyaha mukuru wa Repubulika y’ Burundi Sylvestre Nyandwi yatangaje...
24 November 2018 Yasuwe: 2094 1

Nyamunwa yapfiriye ku nkombe za pariki bayisanzemo ibikombe 115 bya...

Ifi nini yapfiriye ku nkombe za pariki y’ igihugu cya Indonesia. Leta y’ iki...
20 November 2018 Yasuwe: 4953 0

’Rambo’ wo muri Repubulika ya Centrafrique, yashyikirijwe urukiko...

Umudepite wahoze ari umukuru w’inyeshyamba muri Repubulika ya Centrafrique...
19 November 2018 Yasuwe: 4083 0