Abareganwa na Gen Kale Kayihura ubu barabarizwa he?

Amakuru   Yanditswe na: Nsanzimana Ernest 23 September 2018 Yasuwe: 1846

Amezi atatu arashize uwahoze ari Umuyobozi Mukuru wa Polisi ya Uganda General Kale Kayihura atawe muri yombi bigakurikirwa n’itabwa muri yombi ry’ abandi bapolisi yayoboraga barimo abakomeye n’ abaciriritse barakurikizwa.

Kuva Kayihura yatabwa muri yombi tariki 13 Kamena bagenzi be bane, abasirikare n’ abapolisi batawe muri yombi barimo umuyobozi w’ ishami ry’ ubugenzacyaha Col Ndawula Atwooki, uwari amwungirije Lt Col Peter Rushererwe, uwari ushinzwe ishami rishinzwe umutekano wo mu kirere Herbert Muhangi, n’ uwari ushinzwe kurwanya ibyaha bikorwa hifashishijwe ikoranabuhanga Richard Ndaboine.

Daily Monitor yahawe amakuru ko Mr Ndaboine yafashwe tariki 10 Kamena, Mr Muhangi afatwa tariki 11; Col Ndawula tariki 13, tariki 13 hafatwa Lt Col Rushererwe na Kayihura bafatwa tariki Kamena 13.

Guta muri yombi aba bayobozi byakozwe n’ abasirikare bakoze ikosi ryo ku rwego ruhanitse Special Forces Command (SFC), ishami ry’ ubutasi bwa gisirikare , ishami ry’ umutekano mu gihugu (ISO), Igisirikare cya Uganda n’ ishami ry’ ubugenzacyaha ndetse n’ ishami rishinzwe iperereza (CID).

Gen Kayihura, umaze iminsi 73 muri kasho ya polisi tariki 24 Kanama yashinjwe ibyaha bitatu. Birimo kutarinda intwaro no gukorana n’ abambari b’ imfungwa yitwa Abdallah Kitatta kuva muri 2010- 2018.

Abareganwa na Gen Kayihura ntibaragezwa mu nkiko nta n’ ibisobanuro birabitangwaho.

Igisirikare na guverinoma nta cyo baravuga kukuba Gen. Kayihura yaremerewe gutanga ingwate abo bareganwa bakaba bagifunze.

Umuvugizi w’ Igisirikare cya Uganda Brig Richard Karemire kuri uyu wa 23 Nzeli 2018 yabwiye Dail Monitor ko bagikorwaho iperereza ariko yirinda kugira ikindi abivugaho

Yagize ati Baracyakorwaho iperereza icyo nicyo nakubwira. Ntunyuzwe?”

Iki kinyamakuru cyatangaje ko cyagerageje kuvugana na Minisitiri ushinzwe ibikorwa by’ imbere mu gihugu Jeje Odongo ntibigikundire.

Impirimbanyi y’ uburenganzira bwa muntu Dr Livingstone Ssewanyana yavuze ko kuba aba bantu bamaze iminsi 90 binyuranye n’ uburenganzira bwa muntu.
Yagiriye aba bagabo inama yo gusaba kurekurwa biyambaje abanyamategeko b’ abahanga. Uretse Muhangi, SSP Ndaboine, Col Ndawula na Lt Col Rushererwe, hari abandi barenga 10 bafunze barimo na Sgt Abel Kitagenda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugore wa Robert Mugabe ’Grace Mugabe’ ari guhigwa ngo afungwe[AMAFOTO]

Umugore wa Robert Mugabe, Grace Mugabe, yashyiriweho impapuro zimufata...
19 December 2018 Yasuwe: 3898 0

UBUFARANSA bwashyize ahagaragara inyandiko zigaragara abishye Thomas...

Ubwo Perezida w’ Inteko Ishinga Amategeko y’ u Burafansa yasuraga Burkina...
14 December 2018 Yasuwe: 5912 0

Kongo yataye muri yombi umusirikare ukomeye ashinjwa urupfu rwa za mpuguke...

Umushinjacyaha yabwiye ibiro ntaramakuru Reuters ko umusirikare w’ipeti rya...
9 December 2018 Yasuwe: 1819 0

Burundi: Abasirikare 4 bakomeye batawe muri yombi kubera urupfu rumaze...

Umushinjacyaha mukuru wa Repubulika y’ Burundi Sylvestre Nyandwi yatangaje...
24 November 2018 Yasuwe: 2094 1

Nyamunwa yapfiriye ku nkombe za pariki bayisanzemo ibikombe 115 bya...

Ifi nini yapfiriye ku nkombe za pariki y’ igihugu cya Indonesia. Leta y’ iki...
20 November 2018 Yasuwe: 4953 0

’Rambo’ wo muri Repubulika ya Centrafrique, yashyikirijwe urukiko...

Umudepite wahoze ari umukuru w’inyeshyamba muri Repubulika ya Centrafrique...
19 November 2018 Yasuwe: 4083 0