skol
startimes

Burundi: Abagabo 3 bakatiwe imyaka 30 bazira gutera amabuye imodoka ya Perezida Ndayishimiye

Amakuru   Yanditswe na: Dusingizimana Remy 9 August 2020 Yasuwe: 3251

Ibinyamakuru byo mu Burundi biratangaza ko abantu batatu bashinjwaga gushaka kwica Umukuru w’Igihugu cy’u Burundi, Evariste NDAYISHIMIYE, bakatiwe igifungo cy’imyaka mirongo itatu.


Aba bantu 3 bakoreye amahano ahitwa Musave, zone na komine Kayanza mu ntara ya Kayanza, ubwo bateraga amabuye imodoka zitwara Umukuru w’Igihugu.
Ibi byabaye kuwa 05 Kanama 2020 ubwo Perezida Ndayishimiye Evariste yari yaramutse agenderera iyo ntara muri gahunda yihaye yo gusura hirya no hino mu gihugu.

Ntiharamenyekana icyatumye aba bantu batera amabuye izi modoka zari zitwaye perezida Ndayishimiye uherutse gushyiraho Leta yise “Leta mbyeyi,Leta nkozi.”

Kuwa Kane tariki ya 07 Kanama 2020,ubwo yari mu ntara ya Kirundo,Perezida Evariste Ndayishimiye yatangaje ko igihugu cye kidashaka umubano mwiza n’u Rwanda muri iki gihe aho yarushinje uburyarya.

Yagize ati “Ntibishoboka ko igihugu kivuga ko gishaka gukundana n’u Burundi kirimo kwiyorobeka,cyashyize ihwa mu nzira ngo turihonyore.Gikoreshe uburyarya.

Kera kugira ngo umuryango ugirane umubano mwiza n’undi, iyo umwana yakoraga ikibi agahungira mu wundi muryango,wahitaga ubaza uwo avukamo uti "ko uyu mwana aje iwanjye n’amahoro?hanyuma ababyeyi be bakavuga bati “asize yononye mu rugo,muzane tumuhane.Abo bashaka ubushuti ku Burundi nibabanze baduhe abo bakoze amarorerwa tubacire urubanza.Nta Murundi wagizweho ingaruka na biriya byago bya 2015,uzatekana atabonye ababikoze bahanwe kuko iminsi yose basaba ubutabera.

Kuwa kane Kamena 2020 nibwo urukiko rushinzwe kurengera itegeko nshinga mu Burundi rwemeje ko Gen.Evariste Ndayishimiye wo mu ishyaka CNDD-FDD ariwe wegukanye intsinzi mu matora ya Perezida,Abadepite n’abayobozi ba Komini yabaye ku wa 20 z’ukwezi kwa gatanu 2020.

Amajwi y’ibyavuye mu matora y’Umukuru w’Igihugu mu Burundi yatangajwe,yerekanye ko Gen. Evariste Ndayishimiye wa CNDD-FDD yagize 68,72%; agakurikirwa na Agathon Rwasa wa CNL wagize 24,19%.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble kanakuze

    ubundi rero imyaka 3 nimike ari mu RWANDA bakurasa kandi mubyukuri ntiwaba urenganye gusa i burundi baracyubahiriza amategeko umuntu akabanza agacibwa urubanza ntiyicwe atageze imbere y’ubutabera naho mu RWANDA wicwa unambaye amapingu bakabeshya ko wirutse cyangwa wiyahuye

    1 month ago
  • chat_bubble Kigeme

    Iyaba ari mu Rwanda baba bahise baraswa.

    1 month ago
  • chat_bubble nyandwi protogene

    Nge mbona impamvu bamuteye amabuye nuko ibyo bari bamwiteze cyane nko guhindura ibyananiye nkurunziza nawe bamaze kubona ko atazabishobora

    1 month ago

Inzindi nkuru

Nigeria: Inteko ishinga amategeko yemeje itegeko ryo gushahura abagabo...

Inteko ishingamategeko yo muri leta ya Kaduna mu majyaruguru ashyira...
11 September 2020 Yasuwe: 783 0

Charles Ndereyehe uregwa jenoside wari wafunzwe na polisi y’Ubuholandi...

Charles Ndereyehe, Umunyarwanda utuye mu Buholandi ukekwaho kugira uruhare...
9 September 2020 Yasuwe: 1573 0

Abanyamategeko bashyizweho n’umuryango wa Rusesabagina ngo bamwunganire...

Babiri mu banyamategeko bashyizweho n’umuryango wa Paul Rusesabagina ngo...
8 September 2020 Yasuwe: 4563 1

USA: Abapolisi 7 bahagaritswe ku kazi bazira urupfu rw’umwirabura witwa...

Abapolisi barindwi ba Amerika bahagaritswe mu kazi nyuma y’urupfu...
4 September 2020 Yasuwe: 634 0

Urukiko rusesa imanza rwavuze igihe ruzafata umwanzuro kuri Kabuga...

Urukiko rusesa imanza mu Bufaransa rwavuze ko tariki 30 z’uku kwezi cya...
2 September 2020 Yasuwe: 683 0

umuhungu wa Paul Rusesabagina yarahiriye gukora ibishoboka byose akisubiza...

Nyuma y’aho RIB yerekanye ko yataye muri yombi Paul Rusesabagina kuri uyu wa...
2 September 2020 Yasuwe: 9767 2