skol
fortebet

Burundi: Umucamanza ukomeye ari mu mazi abira kubera kwicara ku ntebe ya Perezida Nkurunziza

Yanditswe: Saturday 04, Jan 2020

Sponsored Ad

Kuri uyu wa Gatanu taliki ya 03 Mutarama 2020,Urukiko rukuru mu Burundi rwaburanishije urubanza rw’umucamanza wafashwe muri 2019 azira kwicara no kwifotoreza ku ntebe ya Perezida, Pierre Nkurunziza.

Sponsored Ad

Uyu mucamanza,Egide Nahayo, yafatiwe mu ntara ya Rumonge mu kwezi kwa mbere 2019 azira amafoto yakwirakwijwe ku mbuga nkoranyambaga amugaragaza yicaye mu ntebe yari yateguriwe perezida Nkurunziza.Yatawe muri yombi nyuma y’iyi nama nkuru y’ubucamanza yari iyobowe na Nkurunziza.

Mubyo ashinjwa harimo gushaka kuvogera amabanga y’umukuru w’igihugu no kumusebya we na minisitiri w’ubutabera.Uyu mugabo afungiwe muri Gereza nkuru ya Bujumbura.

Nubwo abunganira Nahayo basabye ko yarekurwa akaburana ari hanze, umushinjacyaha wa Leta muri urwo rubanza yarabyanze urubanza bitegekwa ko ruzakomeza mu mizi.Biteganyijwe ko imyanzuro y’urukiko izamenyekana nyuma y’ukwezi.

Egide Nahayo yigeze kuba umucamanza w’urukiko rukuru rwa Muha mu murwa mukuru w’ubukungu Bujumbura yongera ayobora urukiko rukuru rwa Rumonge.

Ijwi ry’Amerika

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa