Gen. Kale Kayihura urukiko rumukurikiranyeho gushushubikana Abanyarwanda

Amakuru   Yanditswe na: Nsanzimana Ernest 24 August 2018 Yasuwe: 1322

Urukiko rwa gisirikare rwo mu murwa mukuru Kampala wa Uganda rwashinje Jenerali Kale Kayihura, wahoze ari umukuru wa polisi y’iki gihugu, gufasha mu gucyura impunzi z’Abanyarwanda n’abatavuga rumwe n’ubutegetsi mu buryo bunyuranyije n’amategeko.

Abashinjacyaha barega Jenerali Kayihura gufasha mu icyurwa ku ngufu ry’impunzi z’Abanyarwanda nka Liyetona Joel Mutabazi wakatiwe gufungwa burundu n’urukiko rukuru rwa gisirikare mu Rwanda wahoze mu basirikare barinda Perezida Paul Kagame w’u Rwanda.

Itsinda ry’abapolisi bakuru barindwi, byikekwa ko bakoranaga bya hafi na Jenerali Kayihura, nabo bashinjwa ibirego nk’ibyo.

Jenerali Kayihura wahoze ari ntakorwaho, anashinjwa kunanirwa kurinda ibikoresho bya gisirikare nk’imbunda n’amasasu.

Igisirikare kivuga ko hagati y’umwaka wa 2010 n’uyu mwaka wa 2018, inshuro nyinshi Jenerali Kayihura yahaye imbunda abagize umutwe w’ubwirinzi wa Boda Boda 2010, witiriwe abatwara abagenzi kuri moto.

Abashinjacyaha bongeyeho ko yananiwe kugenzura no kumenya ingano y’imbunda n’amasasu byahawe imitwe itandukanye ya polisi.

Jenerali Kayihura ahakana ibyo byose aregwa. Yayoboye polisi ya Uganda mu gihe cy’imyaka 13, muri icyo gihe polisi ya Uganda ikaba yaramamaye mu bikorwa by’urugomo byibasiraga impirimbanyi n’abanyapolitiki batavuga rumwe n’ubutegetsi.
Imiryango iharanira uburenganzira bwa muntu yasabye ko Jenerali Kayihura aryozwa ibirego by’iyicarubozo n’andi mabi bivugwa ko byakorewe Abanya-Uganda bafungiye mu mujyi wa Jinja mu burasirazuba bw’igihugu.

Yirukanwe mu kwezi kwa gatatu nuko atabwa muri yombi mu kwezi kwa gatandatu uyu mwaka. Kuva icyo gihe afungiye muri gereza ya gisirikare. Benshi bacyeka ko imigambi yari afite muri politiki ari yo yihishe inyuma yo gukurwa ku mirimo ye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda : Abanyarwanda 25 bakatiwe gufungwa umwaka.

Abanyarwanda 25 bakatiwe n’urukiko rwa Kisoro igifungo cy’umwaka umwe , nyuma...
13 October 2018 Yasuwe: 309 0

UN yongereye imyaka izamara ikora ankete ku Burundi nubwo butabishaka

Binyuranyije n’ ugushaka kw’ Abarundi bafite gahunda yo gusinyura amasezerano...
30 September 2018 Yasuwe: 452 0

Abareganwa na Gen Kale Kayihura ubu barabarizwa he?

Amezi atatu arashize uwahoze ari Umuyobozi Mukuru wa Polisi ya Uganda...
23 September 2018 Yasuwe: 1758 0

Urukiko Mpuzamahanga Mpanabyaha rwemeje igihano cyahawe Jean Pierre...

Urukiko Mpuzamahanga Mpanabyaha ICC rwemeje igihano cy’ igifungo cy’ umwaka...
17 September 2018 Yasuwe: 927 0

Abanyarwanda 2 bafungiwe muri Uganda bakekwaho gutunga imbunda binyuranyije...

Mu gihugu cya Uganda gifitanye umubano utifashe neza n’ u Rwanda hafungiwe...
14 September 2018 Yasuwe: 2099 1

Bavumbuye urugingo rushya mu mubiri w’ umuntu

Abashakashatsi mu by’ ubuvuzi bo mu gihugu cya Australia muri Garvan...
28 August 2018 Yasuwe: 3323 0