skol
startimes

Perezida wa Cameroun yagabanyije igifungo, uwa Botswana ababarira imfungwa

Amakuru   Yanditswe na: Dusingizimana Remy 16 April 2020 Yasuwe: 1778

Imfungwa zirimo gufungurwa muri Cameroun nyuma yaho Perezida Paul Biya agabanyirije igihe cy’igifungo cyazo, abinyujije mu itegeko-teka yatangaje ejo ku wa gatatu tariki 15 Mata 2020.


Iryo tegeko-teka ntirisobanura niba uko kugabanya igifungo hari aho guhuriye n’icyorezo cya coronavirus, ariko ryahise ritangira gukurikizwa ako kanya rikimara gusohoka.

Rigabanya igihano cy’urupfu kuri izo mfungwa kikaba igifungo cya burundu, mu gihe abari bakatiwe gufungwa burundu, igifungo cyabo cyashyizwe ku myaka 25.

Imfungwa zafungiwe ibyaha bijyanye n’iterabwoba no gushaka ubwigenge bw’agace runaka, zo ntabwo zirebwa n’iryo gabanurwa ry’igifungo.

Abandi na bo batarebwa n’uko kugabanyirizwa igifungo ni abahamwe n’ibyaha bya ruswa, uburiganya, gufata abagore ku ngufu, iyicarubozo n’ubucuruzi bw’ibiyobyabwenge.

Muri Cameroun, Perezida Biya yakomeje kunengwa ku guceceka kwe ku ikwirakwira rya coronavirus.

Ubu muri iki gihugu hamaze kwemezwa abantu 848 bose hamwe banduye coronavirus, muri bo 17 ikaba imaze kubica

Igitangazamakuru Bloomberg kivuga ko Maurice Kamto, umunyapolitike utavuga rumwe n’ubutegetsi muri Cameroun, ashaka ko urukiko rutangaza ko nta butegetsi buri mu gihugu kubera kwicecekera kwa Bwana Biya.

Hagati aho, Perezida Mokgweetsi Masisi wa Botswana yahaye imbabazi imfungwa 149 mu rwego rwo kugabanya ubucucike muri gereza no kwirinda ikwirakwira rya coronavirus.

Abo bahawe imbabazi bazabanza gupimwa mbere yuko basubira iwabo. 20 muri bo ni abanyamahanga.

96 muri bo bari barakatiwe gufungwa burundu, naho 53 bakoraga imirimo nsimbura-gifungo.

Abantu 15 bamaze gutangazwa ko banduye coronavirus muri Botswana, umwe muri bo imaze kumwica.

Abanya Botswana bari mu bihe bidasanzwe by’iminsi 28 ishobora kongerwa nyuma y’aho iki cyorezo cya COVID-19 kigeze muri iki gihugu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yarekuwe by’agateganyo ariko ashobora gufungwa imyaka...

Urukiko rwo mu burasirazuba bwa Uganda rwareze umukandida-perezida Robert...
20 November 2020 Yasuwe: 2924 0

Leta ya Tanzania yajyanwe mu rukiko kubera kubuza kwiga abanyeshuri...

Umuryango Equality Now uharanira uburenganzira bw’abagore, wareze leta ya...
20 November 2020 Yasuwe: 442 0

Uko iburanisha rya mbere rya Kabuga Felicien i La Haye ryagenze

Umwanya munini wafashwe n’umwanditsi w’urukiko asoma ibiregwa Felicien...
11 November 2020 Yasuwe: 2761 0

Felicien Kabuga yaburaniye mu rukiko rw’I La Haye ku nshuro ya...

Ku nshuro ya mbere, Kabuga Félicien ukurikiranweho ibyaha bya jenoside...
11 November 2020 Yasuwe: 1524 0

Umuryango wa Paul Rusesabagina watanze ikirego mu rukiko rw’Africa...

Umuryango wa Paul Rusesabagina uvuga ko abanyamategeko washyizeho ejo ku wa...
28 October 2020 Yasuwe: 1712 0

"Kujya mu Burundi kuburana ninko kwiyahura" –Pierre Buyoya

Pierre Buyoya wahoze ayoboye igihugu cy’U Burundi uherutse gukatirwa...
25 October 2020 Yasuwe: 2650 0