skol
startimes

RDC: Vital Kamerhe yakatiwe igifungo k’imyaka 20 azira ibyaha birimo kunyereza umutungo wa Leta

Amakuru   Yanditswe na: 20 June 2020 Yasuwe: 947

Urukiko rukuru rwa Kinshasa rwakatiye Vital Kamerhe wayoboraga ibiro bya Perezida Felix Tshisekedi, hamwe n’umunyemali Samih Jammal, gufungwa imyaka 20 nyuma yo guhamwa n’ibyaha byo kunyereza umutungo wa leta n’ibyaha bya ruswa.


Kuwa Kane tariki ya 11 Kamena 2020,Ubushinjacyaha bwo muri Repubulika Iharanira demokarasi ya Kongo,bwasabiye Bwana Vital Kamerhe, igifungo cy’imyaka 20,kubera ibyaha ashinjwa byo kunyereza amafaranga ya Leta akabakaba miliyoni 50 z’amadolari.

Ibyaha byateye perezida gutanga itegeko ryo gufunga uwafatwaga nk’ukuboko kwe kw’ibyuryo harimo kuba yaranyereje umutungo wa leta ungana na miriyoni $48,831,148.

Kuri aya mafaranga hiyongeraho miliyoni $2 zagombaga gukoreshwa mu bwikorezi ndetse hishyurwa n’ imisoro ku mipaka n’ibyambu by’aho ibikoresho byo kubaka byari kunyura. Ikindi cyaha uyu munyaporitiki aregwa no ukwakira bitugukwaha yahawe n’umushuramari ukomoka mu gihugu cya Lebanon witwa Jammal Samih. Uyu mushoramari bivugwako yahaye ruswa Kamerhe ngo sosiyete ye izatsindire amasoko ya leta yo kubaka ibi bikorwaremezo.

Kuri uyu wagatandatu ni bwo urukiko rwahamije ibyaha uyu munyaporitiki ndetse rumukatira igifungo cy’imyaka 20 yiyongeraho gukora imirimo y’imbaraga.
Kamerhe wari umuyobozi w’ibiro bya Perezida Tshisekedi ndetse wanayoboye Inteko Nshingamategeko ku ngoma ya Joseph Kabila,yahamwe n’ibyaha byo kunyereza umutungo wa Leta ndetse na ruswa.

Ubushinjacyaha icyo gihe bwasabye kandi ko Kamerhe ko atazasubizwa mu mwanya w’ubutegetsi mu gihe kingana n’imyaka 10, kandi imitungo y’umugore we n’abo muryango we igafatirwa.

Kamerhe, afunzwe kuva ku itariki ya 18 y’ukwezi kwa kane, hamwe n’abandi babiri bashinjwa gukoresha nabi amafaranga ya Leta igihe barimo barubaka inzu 1,500 z’abasirikare mu minsi ijana ya mbere y’ubutegetsi bwa Félix Tshisekedi.

Icyo gihe imyaka 20 y’igifungo yasabiwe kandi umunyalibani, Jammal Samih bivugwa ko bafatanyije muri ubwo bujura.

Kuwa 12 Gicurasi 2020,Kamerhe yaburanishijwe hifashishijwe ikoranabuhanga n’Urukiko Rwisumbuye rwa Gombe i Kinshasa,we n’uyu munyemari wo muri Liban, Samih Jammal bavugwaho kunyereza uyu mutungo wa Leta.Ni urubanza rwanyujijwe kuri Televiziyo y’Igihugu imbonankubone.

Ubushinjacyaha bwavuze ko Kamerhe na Jammal banyereje amafaranga mu isoko ryo kubakira abaturage inzu 1500 ku giciro cya miliyoni 57.5 z’amadolari.

Izo nzu z’inkorano zagombaga kubanza guteranyirizwa muri Turikiya hanyuma zikazanwa muri Congo. Mu gihe iryo soko ryari ritararangira, Jammal yahise ahabwa irindi soko rya miliyoni 57 z’amadolari ryo kubaka inzu z’abasirikare n’abapolisi mu Mujyi wa Kinshasa.

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nigeria: Inteko ishinga amategeko yemeje itegeko ryo gushahura abagabo...

Inteko ishingamategeko yo muri leta ya Kaduna mu majyaruguru ashyira...
11 September 2020 Yasuwe: 780 0

Charles Ndereyehe uregwa jenoside wari wafunzwe na polisi y’Ubuholandi...

Charles Ndereyehe, Umunyarwanda utuye mu Buholandi ukekwaho kugira uruhare...
9 September 2020 Yasuwe: 1572 0

Abanyamategeko bashyizweho n’umuryango wa Rusesabagina ngo bamwunganire...

Babiri mu banyamategeko bashyizweho n’umuryango wa Paul Rusesabagina ngo...
8 September 2020 Yasuwe: 4560 1

USA: Abapolisi 7 bahagaritswe ku kazi bazira urupfu rw’umwirabura witwa...

Abapolisi barindwi ba Amerika bahagaritswe mu kazi nyuma y’urupfu...
4 September 2020 Yasuwe: 634 0

Urukiko rusesa imanza rwavuze igihe ruzafata umwanzuro kuri Kabuga...

Urukiko rusesa imanza mu Bufaransa rwavuze ko tariki 30 z’uku kwezi cya...
2 September 2020 Yasuwe: 682 0

umuhungu wa Paul Rusesabagina yarahiriye gukora ibishoboka byose akisubiza...

Nyuma y’aho RIB yerekanye ko yataye muri yombi Paul Rusesabagina kuri uyu wa...
2 September 2020 Yasuwe: 9764 2