Uganda: Uwahoze mu ngabo z’u Rwanda yagejejwe mu rukiko ashinjwa gushimuta Lt Mutabazi wakatiwe

Amakuru   Yanditswe na: Iyamuremye Janvier 28 October 2017 Yasuwe: 3579

Kuri uyu wa Gatanu tariki ya 27 Ukwakira, Umunyarwanda Rene Rutagungira, wahoze mu ngabo z’u Rwanda RDF yagajejwe imbere y’urukiko akurikiranyweho gushimuta Lt Joel Mutabazi akamushyikiriza igisirikare cy’u Rwanda.

Rene Rutagungira washimutiwe mu kabari kitwa Bahamas Bar mu ijoro ryo kuwa 08 Kanama yagejejwe mu rukiko rwa gisirikare rwa Makindye arinzwe bikomeye ndetse yambaye amapingu.Yari kumwe na bamwe mu bapolisi ba Uganda bashinjwa gushimuta no gucyura ku ngufu impunzi z’Abanyarwanda muri Uganda.

Ubushinjacyaha bumukurikiranyeho uruhare yagize mu gusubiza mu Rwanda Lt Joel Mutabazi wahoze ari umwe mu bashinzwe umutekano w’umukuru w’igihugu.Urukiko Rukuru rwa gisirikare rwa Kanombe rwakatiye Lt Mutabazi Joel gufungwa burundu no kwamburwa impeta za gisirikare, nyuma yo guhamwa n’ icyaha cy’ubwicanyi no gukorana na FDLR na RNC.

Uru rubanza rwiswe urw’iterabwoba rwaregwagamo abantu 16 bakekwaho kwifatanya na FDLR na RNC mu mugambi wo guhungabanya umutekano w’igihugu.

Umukuru w’urukiko, Lt Gen Andrew Gutti yasomye ibyaha Rene akurikiranyweho maze avuga ko ashinjwa icyaha cyo gushimuta kinyuranyije n’ingingo ya 242 y’amategeko ahana.

Mu myanya w’Ubushinjacyaha nabwo bwagaragaje ko kuwa 25 Ukwakira 2013, mu gace ka Kamengo, mu Karere ka Mpigi muri Uganda, uyu Rene yari atunze imbunda na grenades mu buryo bunyuranyije n’amategeko.Ngo yashimuse Mutabazi ku ngufu amushyikiriza u Rwanda ahita atangira gukurikiranywa n’amategeko y’u Rwanda.

Chimpreports yandikirwa mu gihugu cya Uganda yanditse ko hataramenyekana impamvu nyakuri ituma uru rubanza hagaragaramo amasura y’abasirikare ba Uganda.

Iki kiyamakuru kivuga ko hari amakuru yavuzwe y’uko Perezida Museveni aherutse kwakira ibaruwa ivuye mu muryango Mpuzamahanga bamusaba kugira icyo akora mu maguru mashya ku ihohotera abasirikare ba Uganda bakorera impunzi z’abanyarwanda.

Chimpreports kandi ivuga ko hari amakuru aturuka mu nzego z’umutekano akomeza avuga ko abandi bapolisi, abakozi b’inzego z’umuutekano ndetse n’abasivili bazakomeza kugezwa imbere y’urukiko.

Sgt (Rtd) Rene Rutagungira yakoreye igisirikare cy’u Rwanda igihe kinini mbere yo gusezera akajya kwikorera, bivugwa ko yabanye bya hafi na Minisiti w’Ingabo z’u Rwanda, Gen James Kabarebe. Impapuro yinjiriyeho muri Uganda zerekana ko yahageze mu 2014.

Hejuru y’ibyo Rene bivugwa ko yavuye mu Rwanda ahunga kugirirwa n’abi n’inzego z’umutekano. Ambasaderi w’u Rwanda I Kampala, Frank Mugambage aherutse kuvuga ko atazi ko Rene hari ibyaha akurikiranweho mu Rwanda.

Uwo ashinjwa gushimuta; Mutabazi yahamijwe n’urukiko ibyaha umunani aribyo gutoroka igisirikari, gutunga intwaro cyangwa amasasu mu buryo bunyuranyije n’amategeko, gukwirakwiza impuha zigamije kwangisha Leta y’u Rwanda amahanga, kugambirira no kugirira nabi ubutegetsi buriho, kugambirira no kugirira nabi Perezida wa Repubulika, yahamijwe kandi ibyaha by’iterabwoba, ubwicanyi n’ubwinjiracyaha mu bwicanyi no kurema umutwe w’abagizi ba nabi.

Lt Mutabazi yakatiwe gufungwa burundu no kwamburwa impeta za gisirikare

Bivugwa ko kandi Sgt (Rtd) Rene Rutagungira akekwaho n’inzego z’umutekano za Uganda kugira uruhare mu guhiga bamwe mu basirikare b’u Rwanda bahunga igihugu bagahungira muri Uganda, ndetse no kugira uruhare mu bikorwa byo kurasira aba basirikare muri Kampala.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble bayingana

    bamurase.nawe

    October 2017

Inzindi nkuru

Burundi: Abasirikare 4 bakomeye batawe muri yombi kubera urupfu rumaze...

Umushinjacyaha mukuru wa Repubulika y’ Burundi Sylvestre Nyandwi yatangaje...
24 November 2018 Yasuwe: 1598 1

Nyamunwa yapfiriye ku nkombe za pariki bayisanzemo ibikombe 115 bya...

Ifi nini yapfiriye ku nkombe za pariki y’ igihugu cya Indonesia. Leta y’ iki...
20 November 2018 Yasuwe: 4349 0

’Rambo’ wo muri Repubulika ya Centrafrique, yashyikirijwe urukiko...

Umudepite wahoze ari umukuru w’inyeshyamba muri Repubulika ya Centrafrique...
19 November 2018 Yasuwe: 1344 0

Abasirikare bakuru muri Ethiopa 63 batawe muri yombi

Intumwa nkuru ya Leta ya Ethiopia yatangaje ko iki gihugu cyataye muri...
13 November 2018 Yasuwe: 1821 1

Niyonzima wagizwe imfubyi na Jenoside yareze Canada mu nkiko

Umugabo witwa Niyonzima Prosper wahungiye muri Canada muri 1995 nyuma y’ uko...
10 November 2018 Yasuwe: 1519 0

Gitega: Umwarimu wakubise umunyeshuri we akamwica yakatiwe gufungwa imyaka...

Umwarimu witwa Matthieu Mbarushimana, urukiko rwamukatiye imyaka 20 y’...
3 November 2018 Yasuwe: 3154 0