startimes

Umusore yatawe muri yombi azira gusambanya ku ngufu umukecuru w’imyaka 72

Amakuru   Yanditswe na: Dusingizimana Remy 28 April 2020 Yasuwe: 4073

Polisi yo mu mujyiwa Nairobi mu gihugu cya Kenya yataye muri yombi umusore ukiri muto wafashe ku ngufu umukecuru w’imyaka 72 wo mu gace kitwa Ruai muri iki gihugu.



Uyu musore witwa Samuel Mutahi Kanyi yatawe muri yombi n’abaturanyi be nyuma yo gufatwa ari gusambanya uyu mukecuru ku ngufu bahita bamushyikiriza polisi.

Uyu musore yasambanyije uyu mukecuru w’imyaka 72 kuwa Gatanu w’icyumweru gishize,ku mugoroba saa kumi n’imwe.

Kuwa Mbere w’iki cyumweru, Rose Muiruri uyobora polisi ya Ruai yasabye urukiko kuba rufunze uyu musore icyumweru kugira ngo hakorwe iperereza.

Muiruri yavuze ko uyu musore atarakorerwa idosiye kuko batarabasha gusura aho yakoreye amahano.

Yavuze kandi ko bakeneye igihe cyo kwakira abatangabuhamya no gufata ibizamini umunyabyaha n’uwahemukiwe.

Umucamanza yemeye ko uyu musore agiye gufungwa kugeza kuwa 04 Gicurasi uyu mwaka.

Kuwa 25 Mata 2020,Perezida wa Kenya, Uhuru Kenyatta, yongereye igihe cyo kubahiriza ingamba zo kwirinda ikwirakwizwa ry’icyorezo cya Coronavirus,kubera ko muri iki gihugu abarwayi bakomeje kwiyongera.

Mu ijambo yagejeje ku baturage muri ibi bihe byo kwirinda Coronavirus, Kenyatta, yatangaje ko igihe cy’imikwabu itegeka abantu bose kuba bari mu ngo zabo saa moya za nimugoroba kugeza saa kumi n’imwe za mugitondo ndetse no gukumira ingendo z’ahantu hibasiwe n’icyorezo cyongereweho iminsi 21.

Agace ka Mandera mu Majyaruguru y’Uburasirazuba kongerewe ku rutonde rw’aho ingendo zijya n’izivayo zitemewe nyuma y’uko hagaragayemo Coronavirus. Utwo duce ni Nairobi, Kilifi, Kwale na Mombasa.

Inzego z’umutekano kandi zasabwe gucunga neza imipaka kugira ngo hatagira ikibangamira ingamba zo kurwanya Coronavirus zafashwe.

Kenyatta yavuze ko igihugu kizazahura ubukungu ariko mu buryo budashyira mu kaga ubuzima bw’ibihumbi by’abaturage. Yavuze kandi ko ingamba guverinoma yashyizeho zagize uruhare rukomeye mu kurwanya ikwirakwira rya Coronavirus.

Nairobi na Mombasa ni two duce dufite umubare munini w’abanduye n’abapimwe mu gihugu. Muri Kenya hamaze gupimwa abarenga 17,492 kugera kuri uyu wa Gatandatu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Leta ya USA irica uwakatiwe urwo gupfa nyuma y’imyaka 17 idatanga iki...

Bwa mbere mu myaka 17 ishize, uyu munsi kuwa mbere biteganyijwe ko muri...
13 July 2020 Yasuwe: 2229 1

Uganda: Abamotari bareze Leta kubabuza gukora akazi kabo

Abakora akazi ko gutwara abantu kuri moto muri Uganda bareze leta ko...
8 July 2020 Yasuwe: 748 0

Abanya-Nigeria babiri batawe muri yombi nyuma yo kwiba miliyoni amagana...

Ku isabukuru ye, tariki 29/05, Olalekan Jacob Ponle yashyize ifoto kuri...
8 July 2020 Yasuwe: 2576 0

Habyarimana Juvenal yatariwe muri yombi muri Amerika nyuma y’ibikorwa...

Kuri iki Cyumweru itariki 28 kamena 2020, polisi yo mu mujyi wa Cedar...
29 June 2020 Yasuwe: 4161 0

Umugore yatawe muri yombi azira kwanga gutera akabariro n’umusore wari...

Umugore witwa Léoncie wo muri komine Buhinyuza, intara ya Muyinga, amaze...
25 June 2020 Yasuwe: 5157 1

RDC: Vital Kamerhe yakatiwe igifungo k’imyaka 20 azira ibyaha birimo...

Urukiko rukuru rwa Kinshasa rwakatiye Vital Kamerhe wayoboraga ibiro bya...
20 June 2020 Yasuwe: 937 0