Uwatunze urutoki ifoto ya Perezida Mnangagwa akayivugiraho amagambo yarekuwe

Amakuru   Yanditswe na: Nsanzimana Ernest 30 October 2018 Yasuwe: 367

Umunya Zimbabwe w’ im[[yaka 32 y’ amavuko ukomoka mu mugi wa Bulawayo yarekuwe by’ agateganyo n’ urukiko atanga ingwate y’ amadorali y’ Amerika 200.

Uyu mugabo Wisdom Mkwananzi, akurikiranyweho icyaha cyo gusebya Perezida Emmerson Mnangagwa gishingiye ku magabo yavuze.

Wisdom Mkwananzi, arashinjwa kuba ku wa Gatanu w’ icyumweru gishize yaratunze urutoki ifoto ya Perezida Mnangagwa wasimbuye Robert Mugabe aravuga ngo “Ndi imfubyi kubera uyu mugabo. Yishe ababyeyi banjye”

Nk’ uko byatangajwe n’ ibinyamakuru byo muri Zimbabwe Wisdom Mkwananzi kuri uyu wa Mbere nibwo urukiko rwategetse ko arekurwa by’ agateganyo atanze ingwate.

Uyu mugabo ashinja Perezida Mnangagwa kuba yarayoboye igitero mu myaka ya za 1980 ahitwa Gukurahundi , bakica abantu 20 000 bakekwaho kwigomeka ku butegetsi bwa Zimbabwe.

Akurikiranyweho ibyaha bitatu birimo gukubita polisi ubwo yatabwaga muri yombi, gusebya Perezida, no kubeshya ubugenzacyaha.

Mkwanazi siwe wa mbere ukurikiranyweho gutuka uyu muperezida w’ imyaka 76 utaramara umwaka atowe.

Mu ntangiriro z’ uku kwezi k’ Ukwakira , Alexander Chidzedzere yatawe muri yombi akurikiranyweho gusebya umukuru w’ igihugu , ngo yavuze ko ZANU PF yibye amajwi.

Muri Gicurasi, John Mahlabera 36 y’ amavuko, akaba n’ umucungagereza mu ntara ya Masvingo yagejejwe imbere y’ akanama gashinzwe ikinyabupfura ngo yisobanure. Yari yise umunyapolitiki utavugarumwe n’ ubutegetsi Nelson Chamisa, Perezida we abinyujije ku mbugankoranyambaga "my president"

Muri Kanama , umunenzi wa cyane wa Perezida Mngangagwa witwa Munyaradzi Shoko yakurikiranyweho gutangaza abinyijije kuri facebook ko amazina ya Perezida Mnangagwa afite aho ahuriye “na shitani n’ ibikorwa bye”

Perezida Mnangagwa niwe Perezida wa kabiri uyoboye Zimbabwe kuko kuva yabona ubwigenge yategekwaga na Robert Mugabe kugeza muri 2018. Amakuru avuga ko Mnangagwa ariwe Robert Mugabe yatumaga ashaka kwiciza abo batavugarumwe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi: Abasirikare 4 bakomeye batawe muri yombi kubera urupfu rumaze...

Umushinjacyaha mukuru wa Repubulika y’ Burundi Sylvestre Nyandwi yatangaje...
24 November 2018 Yasuwe: 1598 1

Nyamunwa yapfiriye ku nkombe za pariki bayisanzemo ibikombe 115 bya...

Ifi nini yapfiriye ku nkombe za pariki y’ igihugu cya Indonesia. Leta y’ iki...
20 November 2018 Yasuwe: 4347 0

’Rambo’ wo muri Repubulika ya Centrafrique, yashyikirijwe urukiko...

Umudepite wahoze ari umukuru w’inyeshyamba muri Repubulika ya Centrafrique...
19 November 2018 Yasuwe: 1344 0

Abasirikare bakuru muri Ethiopa 63 batawe muri yombi

Intumwa nkuru ya Leta ya Ethiopia yatangaje ko iki gihugu cyataye muri...
13 November 2018 Yasuwe: 1821 1

Niyonzima wagizwe imfubyi na Jenoside yareze Canada mu nkiko

Umugabo witwa Niyonzima Prosper wahungiye muri Canada muri 1995 nyuma y’ uko...
10 November 2018 Yasuwe: 1519 0

Gitega: Umwarimu wakubise umunyeshuri we akamwica yakatiwe gufungwa imyaka...

Umwarimu witwa Matthieu Mbarushimana, urukiko rwamukatiye imyaka 20 y’...
3 November 2018 Yasuwe: 3147 0