skol
Kigali
startimes

Abagabo 40% nibo basiramuye mu Rwanda

Amakuru   Yanditswe na: Martin Munezero 15 August 2020 Yasuwe: 1234

Minisiteri y’Ubuzima mu Rwanda ivuga ko imibare y’abamaze kwisiramuza itaragera ku rwego yifuza nyuma y’aho gahunda yo gusiramura yatangira mu gihug aho abagabo benshi mu Rwanda bamaze kuyitabira bakisiramuza.


Ikigo cy’igihugu gishinzwe ubuzima mu Rwanda (RBC), kivuga ko mu mezi abiri ashize abagabo babarirwa mu bihumbi 35 ari bo basiramuwe binyuze muri gahunda ya Minisiteri y’Ubuzima.

Arlette Nikokeza, Umuyobozi muri RBC ushinzwe gahunda yo gusiramura, avuga ko abagabo bari hejuru y’imyaka 20 y’amavuko ari bo bagaragaza ubushake buke bwo kwisiramuza, nyamara biri mu birinda indwara zandurira mu mibonano mpuzabitsina zirimo na Virusi itera SIDA ku kigero cya 60%. Yagize ati:

Gusiramura ntabwo ari ikintu gikunzwe mu muco w’u Rwanda. Biracyafatwa nk’ikintu kigenewe abana. 70 ku ijana by’abantu bitabira iyi gahunda bari munsi y’imyaka 20.

Imibare y’inzego z’ubuzima mu Rwanda igaragaza ko hagati y’umwaka wa 2010 na 2015 ubwiyongere bw’abagabo basiramuwe bwavuye kuri 13 ku ijana muri 2010 bugera kuri 29,6 ku ijana muri 2015.

Ku Mujyi wa Kigali gusiramurwa ku bushake byiganje mu rubyiruko rufite hagati y’imyaka 20 na 24 ku ijanisha rya 33.9 muri 2019, mu gihe muri 2015 byari ku ijanisha rya 50.2.

Nikokeza yavuze ko guverinoma izakomeza gukangurira abagabo ibyiza byo gusiramurwa, kugeza igihe gusiramurwa bizagerera ku rwego rwifuzwa.

Muri 2009 ni bwo Guverinoma y’u Rwanda yatangiye ubukangurambaga bwo gushishikariza abagabo kwisiramuza ku bwinshi, ingabo z’u Rwanda (RDF) ku bufatanye na RBC binyuze muri gahunda ya Army Week, batangira gusiramura Abanyarwanda hirya no hino mu gihugu.

RBC ivuga ko gahunda yo gusiramura igikomeje kandi hakaba hari icyizere cy’uko abagabo bagera kuri 65% bazaba bamaze gusiramurwa mpera z’uyu mwaka.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble agaciro peace

    Hanyuma bajya "gusiramura" abakobwa muti nimusigeho iyo ni imigenzo ya gipagani cyangwa ya kinyamaswa? Ubundi ibikorwa byose bijyanye no gukata umuntu ibice bimwe by’umubiri we nta gisobanuro (scientific) mwabibonera. Ni imigenzo kenshi twishoramo tuyikuye mu mico itari iy’iwacu. No mu kwandura VIH Sida gusiramurwa ntibikurinda, ugomba kwikingira (agakingirizo) cyangwa ukareka kujya mu mibonano utizeye.

    1 month ago

Inzindi nkuru

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 666 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 763 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1918 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1325 0

"Kungana kw’abagore n’abagabo ntibizigera biba mu Burundi"-Angélique...

Umufasha w’umukuru w’igihugu cy’Uburundi, Angélique Ndayubaha Ndayishimiye...
7 September 2020 Yasuwe: 2597 2

Mali: Ibrahim Boubacar Keïta wahiritswe ku butegetsi yagiye kwivuriza muri...

Ibrahim Boubacar Keïta, wahiritswe ku butegetsi muri Mali mu kwezi gushize...
6 September 2020 Yasuwe: 659 0