Kigali

Abahanga mu Bushinwa bagaragaje impungenge ko coronavirus ishobora kugira ingaruka ku myororokere y’igitsina cy’umugabo

Amakuru   Yanditswe na: Martin Munezero 13 March 2020 Yasuwe: 4147

Abaganga mu gihugu cy’Ubushinwa bakanguriye abagabo ko kwisuzumisha nyuma yo gukira Coronavirus bakamenya niba bakibyara, kubera ko byagaragaye ko kiriya cyorezo gishobora kugira ingaruka ku myororokere y’igitsina cy’umugabo.



Nta bushakashatsi buremeza neza ko Coronavirus igabanya ububasha bwo kubyara ku bagabo ndetse n’ubushake bwo gutera akabariro, gusa abaganga bo mu Ntara ya Wuhan bagaragaje ko kiriya cyorezo gishobora kwangiza uturemantanga ndetse kinanangiza imisemburo ifite aho ihuriye n’imikorere y’imyanya myibarukiro y’umugabo.

Aba baganga bo mu bitaro bya Tongji mu Ntara ya Wuhan, bavuze ko n’ubwo Virusi ya Corona bizwi ko yangiza ibihaha ndetse ikica n’abasirikare b’umubiri, ishobora no kugabanyiriza abagabo ubushobozi bwo kubyara.

Uduce byagaragaye ko Coronavirus ishobora kwangiza harimo akitwa germ cells (uturemantanga), utuzwi nka supporting cells n’utwita Leydig cells.



Ni ibyatangajwe ku wa 11 Werurwe na Prof. Li Yufeng n’itsinda ry’abaganga bo muri biriya bitaro ayoboye rikora ubushakashatsi Ku byerekeye urubyaro.

Ibitaro bya Tongji ririya tsinda ry’abaganga rikoreramo, ni ibya Kaminuza ikomeje ya Huazhong yigisha ubumenyi n’ikoranabuhanga. Ibi bitaro biri mu byahawe inshingano zo kwita ku barwayi ba Coronavirus kuva yagaragara bwa mbere muri Wuhan muri Mutarama uyu mwaka.

Mangingo aya icyorezo cya Coronavirus kimaze kugaragara mu bihugu birenga 100 ku isi. Ku munsi w’ejo ishami ry’Umuryango w’Abibumbye ryita ku buzima (OMS) ryemeje Coronavirus nk’icyorezo gihangayikishije isi. Imibare igaragaza ko iki cyorezo kimaze guhitana abantu 4,718, mu gihe abarenga 126,000 bamaze kucyandura.



Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Coronavirus yakoze umuhigo ukomeye wo kwica abantu benshi cyane ku munsi...

Muri Leta zunze ubumwe za Amerika coronavirus yishe abantu 1,736 mu gihe...
8 April 2020 Yasuwe: 6536 1

Burundi: Abantu 4 barafunzwe bazira kunanirwa kwishyura Hoteli baherewemo...

Abarundi bane barimo abagabo batatu n’umugore umwe bafungiwe mu kasho...
7 April 2020 Yasuwe: 3687 1

#Kwibuka26: UN yifatanyije n’Abanyarwanda Kwibuka jenoside yakorewe...

Kuri uyu wa 07 Mata 2020 isi yose izirikana Jenoside yakorewe Abatutsi,aho...
7 April 2020 Yasuwe: 533 0

Coronavirus:Minisitiri w’intebe w’Ubwongereza arembeye mu bitaro

Minisitiri w’intebe w’Ubwongereza Boris Johnson yashyizwe mu bitaro...
7 April 2020 Yasuwe: 1656 0

Abanya Uganda ntibavuga rumwe kw’isubukurwa ry’amasomo mu bihe bidasanzwe bya...

Ku mbuga nkoranyambaga, Abanya-Uganda batangaje ibitekerezo bitandukanye...
6 April 2020 Yasuwe: 4278 1

Kenya: Hakajijwe ingamba zo kwirinda COVID-19 aho nta wemerewe kwinjira no...

Perezida Uhuru Kenyatta amaze gutangaza ingamba nshya zizamara iminsi 21,...
6 April 2020 Yasuwe: 1353 0