Kigali
startimes

Abana babiri b’abahungu barasiwe mu gace ka Seattle muri Amerika

Amakuru   Yanditswe na: Dusingizimana Remy 30 June 2020 Yasuwe: 1377

Umwana yishwe arashwe naho undi arakomereka bikomeye mu kurasana kwabereye mu gace kigenga ko mu mujyi wa Seattle muri leta ya Washington mu burengerazuba bwa Amerika.



Umuhungu umwe w’imyaka 16 yararashwe aza gupfa agejejwe ku bitaro. Undi w’imyaka 14, ubu ari kuvurirwa mu cyumba cy’indembe.

Ako gace kigenga, mu ntangiriro kari kazwi nka ’Capitol Hill Autonomous Zone’ (CHAZ), ubu kiswe ’Capitol Hill Occupied Protest’ (CHOP).

Kashyizweho mu gihe cy’imyigaragambyo yo kwamagana urupfu rwa George Floyd.

Kubera ko ako gace kajyanye n’imyigaragambyo yo kwamagana urugomo rwa polisi, ni ko kicungira umutekano ubwako.

Mu itangazo ibitaro bya ’Seattle hospital Harborview Medical Center’ byasohoye, byavuze ko umwe muri abo bahungu yahagejejwe ku wa mbere n’imodoka y’umuntu ku giti cye saa cyenda na 15 naho undi ahagezwa saa cyenda na 30 n’itsinda ry’ubuvuzi ry’urwego ruzimya inkongi.

Iryo tangazo ry’ibitaro ryongeraho ko uwo muhungu wahagejejwe saa cyenda n’iminota 30 ari we wapfuye.

Nubwo ako gace kabanje kuba ak’abigaragambya mu mahoro babarirwa mu magana, uku kubaye ukurasana kwa kane kubaye muri ako gace kazwi nka CHOP, mu minsi 10 ishize.

Ubuzima buba bumeze gute muri ako gace?

Nkuko ibitangazamakuru byaho bibivuga, ku manywa ahanini ako gace kaba karangwamo amahoro, abantu baruhuka, mu gihe abakorerabushake batanga ibiryo.

Abigaragambya bagakozemo n’ubusitani ndetse ku muhanda bahashyira ishusho yanditseho n’irangi interuro igira iti: "Ubuzima bw’abirabura bufite agaciro".

Ariko iyo ijoro riguye, bivugwa ko muri ako gace habamo ubushyamirane ubwo abigaragambya baba bagendagenda, n’abarinzi bitwaje intwaro ku mugaragaro bakagenzura imihanda yo muri ako gace bari ku irondo.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Hasohotse inyandiko nshya zivuga birambuye ibihe bya nyuma bya George...

Inyandiko z’urukiko zivuga uburyo George Floyd yatakambye akanavuga amagambo...
9 July 2020 Yasuwe: 1074 0

Abantu 5 batawe muri yombi bazira gutegura umugambi wo gushaka umukobwa...

Muri Kenya haravugwa inkuru y’abantu batanu batawe muri yombi bazira...
9 July 2020 Yasuwe: 1148 0

Minisitiri w’intebe wa Côte d’Ivoire yatabarutse avuye mu nama

Minisitiri w’intebe wa Côte d’Ivoire,Amadou Gon Coulibaly yaraye apfuye nyuma...
9 July 2020 Yasuwe: 768 2

Birakekwa ko Coronavirus ishobora kuba yandurira no mu mwuka

Ishami ry’umuryango w’abibumbye ryita ku buzima WHO/OMS ryemeje ko hari...
8 July 2020 Yasuwe: 1635 0

Joe Biden yemeje ko natorwa Amerika izarara isubiye muri OMS yakuwemo na...

Perezida Donald Trump yateye intambwe ikomeye, mu buryo bw’inyandiko, ku...
8 July 2020 Yasuwe: 1221 0

Igitera cyahanuye umugabo ku nzu y’amagorofa 4 Imana ikinga ukuboko

Umugabo ukomoka mu gihugu cya Kenya usanzwe akora akazi ko gutwara abagenzi...
8 July 2020 Yasuwe: 2035 0