skol
fortebet

Abanyamerika bapfuye bishwe na Coronavirus bageze ku 5.000 nyuma y’abapfuye 884 ku munsi umwe gusa

Yanditswe: Thursday 02, Apr 2020

Sponsored Ad

skol

- Leta Zunze Ubumwe z’Amerika hamaze gupfa abantu 5.110 muri 215, 300 banduye
- Abahanga mu bya siyansi bavuze ko Amerika ishobora kubura abaturage bagera ku 200.000 bazize iki cyorezo kugeza ubu cyahitanye abantu 47.249 ku isi
- Perezida wa Leta zunze ubumwe za Amerika, Trump yavuze ko abashinzwe ubuzima barimo gupima abantu barenga miliyoni kuri COVID-19 buri munsi
- Mbere, yari yemeje ikoreshwa rya chloroquine mu gukiza virusi nyuma y’ibizamini byibanze byerekanaga ko imiti ishobora guhagarika COVID-19 ku murwayi
- Abahanga ariko, baraburira kwirinda ikoreshwa ry’ibiyobyabwenge kugeza ubushakashatsi ku mikorere yabyo burangiye

Sponsored Ad

Amerika imaze kubura ubuzima bw’abantu 884 mu masaha 24 ashize bituma umubare w’abahitannywe n’iki cyorezo uba5.110 kugeza ubu.Abahanga bavuga ko Amerika ishobora kubura ubuzima bw’abaturage bagera ku 200.000 kubera iki cyorezo kugeza ubu kimaze guhitana abantu 47.249 ku isi.

Ubutaliyani bufite umubare munini w’abantu 13.155 bamaze guhitanwa n’iki cyorezo mu gihe Amerika iri ku mwanya wa kabiri n’impfu 5.110. Ku wa kabiri, tariki ya 31 Werurwe, mu ijambo rye, Trump yavuze ko iyi virusi ishobora guhitana ubuzima buri hagati y’100.000 na 200.000 ariko yihutiye kwerekana icyizere ko Leta ikoresha inzira zose kugira ngo igerageze kandi igabanye umubare w’abo kizahitana.

Umubare wakomotse ku mpuguke mu by’ubuzima n’ibarurishamibare zashyizeho icyitegererezo gikoresha amakuru ariho kugira ngo hamenyekane ibyo igihugu gishobora guhura nabyo mu mezi abiri ari imbere. Ubuyobozi bwa perezida Trump bwatangiye igeragezwa rikomeye ry’abaturage bafite raporo z’itangazamakuru zerekana ko abantu barenga miliyoni. " bamaze gupimwa COVID-19 kugeza ubu".

Umunyamabanga w’ubuzima n’ibikorwa by’abantu, Alex Azar, yavuze ko buri munsi Amerika yandika umubare munini w’abantu banduye bitewe n’uburyo abantu bisuzumisha ku bwinshi kuko ngo byibura bakira abantu 100.000 mu masaha 24 gusa.

Ku ya 30 Werurwe, Trump yemeje ko guverinoma ye yapimye abantu barenga miliyoni bakoresheje ibikoresho byihuse byashyizwe ahagaragara bitanga ibisubizo kuri COVID-19 mu minota itanu.

Trump yari yemeje ikoreshwa rya chloroquine mu gukiza virusi nyuma y’ibizamini by’ibanze byerekanaga ko iyi miti ishobora guhagarika COVID-19 ku murwayi. Abahanga ariko, baburiye abantu kwirinda ikoreshwa ry’iyi miti kugeza igihe ubushakashatsi bwakozwe ku mikorere yayo.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa