Abashakashatsi b’abahanga mu by’ubuvuzi bavuga ko bateye intambwe nini mu gushakisha imiti ishobora kuvura Coronavirus mu buryo bw’urumogi.

Sponsored Ad

Abahanga bo muri kaminuza ya Lethbridge bavuga ko babonye ubwoko bukomeye bw’urumogi rushobora gufasha mu kwirinda no kuvura COVID-19.

Aba bahanga bavuga ko imiterere y’ubwoko bw’urwo rumogi isa nkaho igira ingaruka ku nzira kuri ACE2, inzira iyi virusi ya corona ikoresha nk’irembo mu mubiri.

Olga Kovalchuk, umwe mu bashakashatsi muri iyi Kaminuza aganira na CTV News, yagize ati: “Twabanje gutungurwa rwose, hanyuma turishima cyane.”

Aba bashakashatsi bavuga ko urumogi rushobora kugabanya virusi yinjira mu mubiri kugera kuri 70%.

Igor Kovalchuk yabwiye Calgary Herald ko kubwibyo, omubiri ufite amahirwe menshi yo kurwanya Covid-19 mu mubiri, ati:

Akazi kacu gashobora kugira uruhare runini – nta biyobyabwenge byinshi bifite ubushobozi bwo kugabanya kwandura 70 kugeza 80%.

Abashakashatsi bemeza ko hakenewe ubushakashatsi bwinshi, ariko bakavuga ko urumogi rushobora gukoreshwa mu gukora imiti ikumira ‘mu buryo bwo kwoza mu kanwa ndetse no mu muhogo.’