skol
Kigali
startimes

Abashinwa bafite ubwoba bwinshi ko Coronavirus yongeye kwaduka i Beijing

Amakuru   Yanditswe na: Dusingizimana Remy 14 June 2020 Yasuwe: 2039

Agace ko mu murwa mukuru Beijing w’Ubushinwa kashyizwemo ingamba zikaze za ’guma mu rugo’ nyuma yaho hagaragaye abantu ba mbere banduye coronavirus mu minsi irenga 50 yari ishize nta bwandu bushya buboneka.


Ubwo bwandu buri kuvugwa ko bufitanye isano n’isoko rya mberer rinini cyane muri ako gace rinarangurizwamo ibicuruzwa bitandukanye.

Ni ryo rigemura 80% by’imboga n’inyama biribwa i Beijing, nkuko umunyamakuru wa BBC Stephen McDonell uri yo abivuga.

Abantu 45 basanzwe baranduye Covid-19 muri 517 bapimwe bose hamwe muri iryo soko rya Xinfadi, nkuko bivugwa n’umutegetsi wo mu karere.

Nta n’umwe muri bo wagaragazaga ibimenyetso bizwi cya coronavirus.

Mu duce 11 duturanye n’iryo soko hashyizweho ingamba zikaze za ’guma mu rugo’, mu gihe abakozi 10,000 bo muri iryo soko bagiye gupimwa.

Abategetsi barashaka no gupima buri muntu wese uherutse kurema iryo soko ndetse n’abatuye mu karere karikikije.

Aba ni bo bantu ba mbere bemejwe ko banduye coronavirus i Beijing mu minsi irenga 50 yari ishize.

Ni iki tuzi kuri aba bantu bashya banduye?

Isoko rya Xinfadi riherereye mu majyepfo ashyira uburengerazuba bw’akarere ka Fengtai, ryafunzwe mu masaha yo mu gitondo cyo ku munsi w’ejo ku wa gatandatu.

Hari nyuma yaho abagabo babiri bari baherutse kurirema batangajwe ko basanganywe Covid-19.

Nuko ibizamini byakorewe ku bo muri iryo soko bigaragaza ko abantu 45 banduye iyo virusi.

Chu Junwei, umutegetsi wo mu karere, yabwiye abanyamakuru ati:

"Bijyanye n’ihame ryo gushyira umutekano n’ubuzima bw’abaturage mbere ya byose, twafashe ingamba za ’guma mu rugo’ ku isoko rya Xinfadi no ku bice birikikije".

Yongeyeho ko aka karere ubu ari "nkaho kari mu ntambara".

Abasirikare babarirwa mu magana binjiye muri iri soko ubu ryamaze gufungwa.

Ahategerwa ibinyabiziga hari hafi aho hafunzwe ndetse n’amashuri bituranye na yo yafunzwe.

Ibikorwa by’imikino byahagaritswe i Beijing ndetse n’ahantu hahurira abantu benshi harimo kongera gufunga imiryango.

Ubu hagiye kubaho kugira ubwoba bwuko haba yarabayeho ubwandu bwa kabiri muri uyu murwa mukuru w’Ubushinwa.

Coronavirus mu Bushinwa yahagaritswe binyuze mu gukoreshwa amwe mu mategeko akaze cyane kurusha ayandi ku isi, nyuma yaho yari yagaragaye mu mujyi wa Wuhan.

Mu Bushinwa, abantu barenga 4,600 batangajwe ko bishwe na coronavirus mu barenga 426,000 imaze kwica ku isi, nkuko bigaragarazwa n’imibare ya Kaminuza ya Johns Hopkins yo muri Amerika.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 665 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 677 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 783 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1943 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1331 0

"Kungana kw’abagore n’abagabo ntibizigera biba mu Burundi"-Angélique...

Umufasha w’umukuru w’igihugu cy’Uburundi, Angélique Ndayubaha Ndayishimiye...
7 September 2020 Yasuwe: 2599 2