skol
Kigali
startimes

Amadou Toumani Touré wabaye perezida wa Mali imyaka 10 yapfuye

Amakuru   Yanditswe na: Dusingizimana Remy 10 November 2020 Yasuwe: 1898

Amadou Toumani Touré wahoze ari perezida wa Mali uyu munsi yatabarutse ku myaka 72, yari azwi iwabo ku kazina k’"umusirikare wa demokarasi".


ATT nk’uko kandi bakundaga kumwita, yaguye muri Turkiya aho mu minsi ishize yagiye kwivuriza, mbere yo kujyayo yari yabazwe umutima mu buryo bwihutirwa i Bamako.

Jenerali Toumani Touré yategetse Mali kuva mu 2002 kugeza akorewe coup d’état kuwa 22 Werurwe 2012 na Jenerali Amadou Sanogo.

Mu 1991, Colonel ATT wari ukuriye ingabo zirinda perezida Jenerali Moussa Traoré, yaramufashe aramufunga atangaza impinduramatwara, anategeka inzibacyuho ya gisiriakare.

Mu 1992 habaye amatora, ashyikiriza ubutegetsi perezida Alpha Oumar Konaré watsinze atowe na rubanda, ari naho yavanye ka kazina k’akabyiniriro.

Hashize imyaka 10 amaze kuva mu gisirikare, ATT yiyamamarije kuyobora igihugu aratsinda. Yatorewe manda ya kabiri mu 2007, ariko mu 2012 igihe yiteguraga kuyirangiza yakorewe coup d’état n’abasirikare, yemera kwegura ndetse arahunga.

Mu 2017, nyuma y’imyaka itanu mu buhungiro, nibwo Amadou Toumani Touré yagarutse gutura mu gihugu cye.

Byagenze bite ngo Amadou Toumani Toure akurwe ku Butegetsi

Mu ntangiriro z’umwaka wa 2012, bamwe mu bagize igisirikare cya Mali bigaragambije bitewe n’uburyo guverinoma ya Touré yakemuye ikibazo cy’inyeshyamba mu 2012 mu Majyaruguru ya Mali.

Amakuru avuga ko hari ubwicanyi bwakorewe mu gace ka Aguel Hoc ku umupaka na Nigeria, aho abasirikare barenga 80 bo muri Mali bishwe, ubutegetsi bushinjwa kudatanga ibikoresho bihagije bya gisirikare ku ngabo za leta.

Tariki 21 Werurwe 2012, abasirikare bo mu kigo cya Kati hafi ya Bamako, bagabye igitero gikomeye kuri minisitiri w’ingabo, maze imyigaragambyo yabo ihinduka ihirikwa ry’ubutegetsi.

Itsinda rya ba serija na ba kaporali bafashe ahantu henshi i Bamako, harimo ingoro ya perezida, icyicaro gikuru cya televiziyo ya Leta, hamwe n’ibigo bimwe na bimwe bya gisirikare.

Bahise bashyiraho ubuyobozi bw’agateganyo, Komite y’igihugu ishinzwe kugarura demokarasi, bayobowe na Kapiteni Amadou Sanogo, batangaza ko bahiritse Perezida Touré, bashinja guverinoma ye ko idafite ubushobozi, gusa Perezida Touré ntabwo yajyanywe gufungwa.

Mu byumweru birenga bibiri aho Touré yari aherereye ntihamenyekanye, gusa ubuyobozi bwariho bwavugaga ko yari afite ubuzima bwiza.

Ku ya 3 Mata uwo mwaka, leta yatangaje ko yarimo gusuzuma ibirego by’ubuhemu n’imyitwarire mibi y’amafaranga byashinjwaga Touré.

Ku ya 8 Mata, Touré yatangaje ko yeguye ku mirimo ye hakurikijwe amasezerano yasinywe n’umuryango w’ubukungu w’ibihugu by’Afurika y’Iburengerazuba, ECOWAS yo gusubiza Mali ku butegetsi bugendera ku Itegeko Nshinga, abwira abunzi ba ECOWAS ati “Ikirenze byose, ndabikora kubera urukundo mfitiye igihugu cyanjye.”

Ku ya 19 Mata, Touré yagiye mu buhungiro muri Senegal.


Amadou Toumani Toure yahitanwe n’uburwayi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukwe wa Perezida Habyarimana ushinjwa kugira uruhare muri Jenoside...

Ntilivamunda Alphonse, umukwe wa Perezida Juvenal Habyarimana, yapfuye ku...
19 November 2020 Yasuwe: 5461 0

Umudipolomate w’Ubwongereza mu Bushinwa yakoze benshi ku mutima kubera...

Nubwo ari umunyacyubahiro,Bwana Stephen Ellison,uherutse koherezwa...
17 November 2020 Yasuwe: 3812 0

Umusaruro w’urukingo rwa Covid-19 uzatangira kwigaragaza cyane ku mpeshyi...

Umusaruro w’urukingo rwa Covid-19 uzatangira kwigaragaza cyane ku mpeshyi...
17 November 2020 Yasuwe: 494 0

Kenya: Covid-19 yishe abaganga 10 mu minsi 4, none bagiye kwigaragambya

Ihuriro ry’abaganga muri Kenya ryaburiye leta ko mu minsi 21 rizakora...
16 November 2020 Yasuwe: 562 0

Jerry Rawlings wayoboye Ghana yatabarutse azize uburwayi

Jerry John Rawlings wahoze ari perezida wa Ghana yatabarutse afite imyaka...
12 November 2020 Yasuwe: 858 0

Amadou Toumani Touré wabaye perezida wa Mali imyaka 10 yapfuye

Amadou Toumani Touré wahoze ari perezida wa Mali uyu munsi yatabarutse ku...
10 November 2020 Yasuwe: 1898 0