skol
Kigali
startimes

Amafoto y’imirambo y’abantu bishwe na Coronavirus muri Amerika akomeje gusakazwa yavugishije benshi[AMAFOTO]

Amakuru   Yanditswe na: Martin Munezero 15 April 2020 Yasuwe: 13000

Amafoto y’abantu bishwe na Coronavirus muri Leta Zunze Ubumwe za Amerika akomeje gusakazwa hirya no hino ku Isi, aho agaragaza imibiri yabo iri mu cyumba gishyirwamo abapfuye, indi irambitse hasi.


Kugeza ubu icyorezo cya Coronavirus gikomeje kwibasira mu buryo bukomeye Leta Zunze Ubumwe za Amerika, kuko abantu 610 206 bamaze kwandura naho 25 830 bamaze gupfa.

Leta ya Michigan iri ku mwanya wa Kane muri iki gihugu mu zibasiwe cyane na Coronavirus. Kugeza kuri uyu wa Kabiri, abantu 25,635 bari bamaze kwandura mu gihe abandi 1,602 bamaze gupfa.

Aya mafoto yakuwe mu Bitaro bya Sinai-Grace biherereye i Detroit muri Leta ya Michigan, agaragaza imibiri y’abitabye Imana iri mu cyumba, indi bikagaragara ko irunzwe umwe mu buruhukiro bigaragara ko habuze aho kuyishyira.

Mu ifoto imwe, abitabye Imana babiri baba bari mu mashashi abiri y’umweru, umwe uryamye ku wundi ku gitanda, naho undi wa gatatu ukaba uri mu ntebe.

Ifoto ya kabiri, igaragaza imibiri itandukanye iri mu mashashi ashyirwamo imirambo hasi, bikekwa ko ari mu buruhukiro bwo hanze y’ibitaro.

Bamwe ku bakozi b’ibi bitaro, babwiye CNN ko aya mafoto ari ay’ibibera kuri ibi bitaro, akaba yarafashwe muri uku kwezi, CNN ikavuga ko ibi bitaro biremerewe no kugira abarwayi benshi, aho usanga ngo abaganga bavura icya rimwe abarwayi 130, mu gihe mu masaha 12 gusa haba hapfuye abantu batanu bahitanywe na Coronavirus.

Amakuru avuga ko hari abarwayi babiri ba Coronavirus basanzwe bapfuye, nyuma yo kubasiga aho bakirira indembe. Ibi ngo biterwa n’abakozi bake bo kubitaho, ibikoresho n’ahantu ho gushyira abitabye Imana habaye hake.

Hari amakuru avuga ko aya mafoto ari ay’abantu bishwe na Coronavirus, yari yashyizwe mu cyumba ubusanzwe cyajyaga gikoreshwa mu gufasha abantu babuze ibitotsi, ariko ubu cyagizwe icyo gushyirwamo imibiri y’abapfuye kubera uburyo uburuhukiro bwuzuye. Umwe mu batanze amakuru yagize ati:

Uko bimeze ni uko twageze aho ibitanda by’abarwayi biba bike, bisobanuye ko tutanabona aho dushyira abamaze gupfa.

Yakomeje avuga ko nyuma y’aho uburuhukiro bw’ibitaro bwuzuye, ubuyobozi bw’ibitaro bwahamagaje imodoka zifite uburuhukiro kugira ngo bakomeze gushyiramo imibiri.

Icyorezo cya Coronavirus kimaze gukangaranya Isi cyabonetse bwa mbere mu Mujyi wa Wuhan mu Bushinwa mu Ukuboza 2019. Kuva icyo gihe abantu 1 990 717 bamaze kucyandura, 466 997 baragikize mu gihe 125 896 cyabahitanye.

REBA HASI AMAFOTO:




Abaganga kuri ibi bitaro bakora amanywa n’ijoro ngo bite ku barwayi ba Coronavirus


Bumwe mu buruhukiro bw’imodoka bwitabajwe ngo bushyirwemo abari kwitaba Imana kubera Coronavirus

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umudipolomate w’Ubwongereza mu Bushinwa yakoze benshi ku mutima kubera...

Nubwo ari umunyacyubahiro,Bwana Stephen Ellison,uherutse koherezwa...
17 November 2020 Yasuwe: 3766 0

Umusaruro w’urukingo rwa Covid-19 uzatangira kwigaragaza cyane ku mpeshyi...

Umusaruro w’urukingo rwa Covid-19 uzatangira kwigaragaza cyane ku mpeshyi...
17 November 2020 Yasuwe: 489 0

Kenya: Covid-19 yishe abaganga 10 mu minsi 4, none bagiye kwigaragambya

Ihuriro ry’abaganga muri Kenya ryaburiye leta ko mu minsi 21 rizakora...
16 November 2020 Yasuwe: 551 0

Jerry Rawlings wayoboye Ghana yatabarutse azize uburwayi

Jerry John Rawlings wahoze ari perezida wa Ghana yatabarutse afite imyaka...
12 November 2020 Yasuwe: 857 0

Amadou Toumani Touré wabaye perezida wa Mali imyaka 10 yapfuye

Amadou Toumani Touré wahoze ari perezida wa Mali uyu munsi yatabarutse ku...
10 November 2020 Yasuwe: 1897 0

Umukobwa wari urembeye mu bitaro yafashwe ku ngufu na muganga n’abakozi...

Mu gihugu cy’Ubuhinde gufata ku ngufu bikomeje kuba umuco karande kuko ubu...
3 November 2020 Yasuwe: 4713 0