addresiya
Kigali
startimes

Amerika nayo ngo yaburiye irengero Kim Jong Un

Amakuru   Yanditswe na: Dusingizimana Remy 30 April 2020 Yasuwe: 2806

Abategetsi ba Leta zunze ubumwe za Amerika bavuga ko "badaheruka kubona" Perezida Kim Jong-un wa Koreya ya ruguru kandi bari gukurikiranira hafi ibivugwa ku buzima bwe, byatangajwe na Mike Pompeo ushinzwe ububanyi n’amahanga muri Amerika.



Bwana Pompeo yavuze ko bafite impungenge ko icyo gihugu gishobora kuba kibasiwe na coronavirus cyangwa n’icyorezo cy’inzara.

Bwana Kim w’imyaka 36, aheruka kuboneka mu ruhame tariki 12 z’uku kwezi, byatumye hakwira amakuru ko ashobora kuba arembye.

Mu cyumweru gishize ariko abategetsi muri Korea y’Epfo bavuze ko ibivugwa atari ukuri.

Hari amakuru ko uyu mutegetsi w’ikirenga wa Korea ya ruguru yaba yaragiye kwibera mu ihoteli iri kunyanja ahitwa Wonsan kugira ngo yirinde kuba yakwandura coronavirus.

Igihugu cya Korea ya ruguru cyafunze imipaka yacyo mu mpera z’ukwezi kwa mbere kubera iki cyorezo.

Mike Pompeo yavuze iki?

Ejo kuwa gatatu yabajijwe na Fox News kugira icyo avuga ku bivugwa ku buzima bwa Bwana Kim, Bwana Pompeo yagize ati: "Ntiduheruka kumubona. Nta makuru tubifiteho ubu, turi kubikurikirana cyane".

"Hari impungenge ko hashobora kuba hariyo inzara, ibura ry’ibiribwa, no muri Korea ya ruguru".

Avuga ko bari gukurikirana ibyo byose kuko bafite umugambi wo guca intwaro za kirimbuzi muri Korea ya ruguru.

Mu myaka ya 1990, icyorezo cy’inzara bivugwa ko cyahitanye abantu ibihumbi amagana muri Korea ya ruguru.

Kuwa mbere, Perezida Donald Trump yavuze ko afite "igitekerezo cyiza cyane" ku buzima bwa Bwana Kim, ariko ko "atakivuga".

Yagize ati: "Icyo mwifuriza gusa ni ibyiza".

Kuva mu 2018, Bwana Trump yabonanye na Bwana Kim inshuro eshatu, gusa umugambi wo guca intwaro kirimbuzi muri Korea ya ruguru ubu warasinziriye hashize amezi.

Ibihuha ku buzima bwe byahereye he?

Kim Jong-un aherutse kubura mu isabukuru ya sekuru, tariki 15/04. Uyu ni umwe mu minsi ikomeye mu mwaka, ni ivuka ry’uwashinze iki gihugu.

Perezida Kim nta na rimwe yari yasiba uyu munsi mukuru, bisa n’aho atapfa kuwuburamo gusa nta mpamvu.

Kuva ubwo, kubura kwe byahise bikwiza ibihuha, nta kuri nyako kuramenyekana ku bivugwa.

Ubwo aheruka kuboneka tariki 12/04 yariho agenzura indege z’intambara mu mashusho bitazwi neza igihe yafatiwe. Yabonetse ameze neza bisanzwe.

Mbere yari yayoboye inama ya politiki ikomeye nk’uko itangazamakuru rya leta ribivuga. Gusa kuva ubwo ntiyongeye kuboneka.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Czech Republic: Abatewe icyaka na Coronavirus barahabwa inzoga y’ubuntu yo...

Henshi ku isi kompanyi z’ubucuruzi ziri kurwana no gusubiza ibintu uko...
25 May 2020 Yasuwe: 1294 0

Abakobwa 2 bavukana barashwe n’abagize imiryango yabo barapfa babaziza ko...

Abangavu babiri bo mu gihugu cya Pakistan bababaje benshi kubera ukuntu...
24 May 2020 Yasuwe: 2460 0

Umuyobozi wa Dar Es Salam yatangaje ko Covid-19 yashize asaba abaturage...

Umuyobozi w’umujyi wa Dar es Salaam muri Tanzania, Paul Makonda, yasabye...
23 May 2020 Yasuwe: 1425 0

Abashakashatsi b’abahanga mu by’ubuvuzi bagaragaje ubwoko bw’urumogi bushobora...

Abashakashatsi b’abahanga mu by’ubuvuzi bavuga ko bateye intambwe nini mu...
23 May 2020 Yasuwe: 1538 0

Pakistan: Indege itwara abagenzi yakoze impanuka ihitana abantu barenga 30...

Indege ya gisivile yo muri Pakistan (Pakistan PK8303 Plane) yari itwaye...
22 May 2020 Yasuwe: 1164 0

Bizimana Augustin wari mu bateguye Jenoside yakorewe Abatutsi yapfiriye...

Umushinjacyaha Mukuru w’Urwego rwasigariye Urukiko Mpuzamahanga Mpanabyaha,...
22 May 2020 Yasuwe: 3369 0