skol
Kigali
startimes

Beijing habonetse abanduye Coronavirus 36 bashya nyuma ’y’amezi’ abiri bivugwa ko yahacitse

Amakuru   Yanditswe na: Dusingizimana Remy 15 June 2020 Yasuwe: 539

Umujyi wa Beijing wabonetse abantu 36 bashya banduye coronavirus, byateye ubwoba ko iki cyorezo gishobora kuba kigarutse bushya muri uyu mjyi ukomeye mu Bushinwa.


Abo 36 babonetse kuwa gatandatu. Uyu mujyi wari umaze iminsi irenga 50 nta bwandu bushya buhaboneka.

Abategetsi bawo basabwe gufata "ingamba zikomeye", baburirwa ko hari ibyago byinshi ko iyi ndwara ishobora gukwira vuba.

Ibinyamakuru mu Bushinwa bivuga ko iyi ndwara yabonetse mu isoko rinini riranguza ry’uyu mujyi ryitwa Xinfadi.

Izindi ntara eshatu z’Ubushinwa - Liaoning, Hebei na Sichuan - nazo zimaze kubona abakekwa cyangwa kwemeza abanduye iki cyorezo bavuye i Beijing.

Ibitangazamakuru byaho bivuga ko iyi virus yabonetse ku bibaho bazanaho amafi muri iri soko, byatumye amasoko menshi muri Beijing ahagarika ubucuruzi bw’amafi.

Ikigo gishinzwe ubuzima cya leta y’Ubushinwa kivuga ko kuwa kane muri Beijing ari bwo hongeye kuboneka umuntu wa mbere ufite coronavirurs - hari hashize hafi amezi abiri nta uhaboneka.

Kuwa gatandatu, hahise haboneka 36, bose bafite aho bahuriye na ririya soko riranguza, - isoko ikinyamakuru CGTN rivuga ko ariryo soko rinini riranguza muri Aziya yose.

Iri soko ryahise rishyirwa mu kato ndetse n’uduce 11 turyegereye dushyirwa muri gahunda yo kugumisha abantu mu ngo zabo.

Amashuri yegereye iri soko yategetswe gufunga, amashuri abanza yari gufungura uyu munsi kuwa mbere birasubikwa nk’uko ikinyamakuru Global Times kibivuga.

Abakozi bagera ku 10,000 b’iri soko bagomba gusuzumwa iyi virus.

Umukuru w’ikigo kirwanya ibyorezo cy’Ubushinwa yatangaje ko ubwoko bwa Covid-19 buri kuboneka i Beijing budasa n’ubusanzwe mu Bushinwa bwose, avuga ko bishoboka ko ari virus yavuye ahandi hantu.

Iki cyorezo cyongeye kuboneka bushya mu gihe bari muri gahunda zo gusubira mu buzima busanzwe muri Beijing no mu bice byinshi by’iki gihugu.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umuti wa Coronavirus wizewe bitarenze mu ntangiriro z’umwaka...

Ikigo cy’ubushakashatsi mu by’ubuvuzi mu Bufaransa, Institut Pasteur de Lille...
28 September 2020 Yasuwe: 1223 0

Kabuga Felicien ukurikiranyweho ibyaha bya Jenoside yajyanwe mu...

Umunyarwanda Kabuga Felicien ufungiye mu Bufaransa, biravugwa ko amerewe...
27 September 2020 Yasuwe: 1887 0

Burundi: Perezida Ndayishimiye yagaragaye ateruye ingurube yo koroza...

Perezida w’u Burundi, Evariste Ndayishimiye,yongeye guca ibintu hirya no...
22 September 2020 Yasuwe: 2943 0

Ibaruwa irimo uburozi bwa ’ricin’ yari igiye guhabwa Trump muri White...

Ubutumwa burimo uburozi bwa ’ricin’ bwari bwohererejwe Perezida Donald Trump...
20 September 2020 Yasuwe: 2182 0

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 765 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 714 0