skol
Kigali
startimes

Burundi: Abantu 12 bo muri Site ya Mubone bahitanwe n’inzara mu kwezi kumwe

Amakuru   Yanditswe na: Dusingizimana Remy 17 August 2020 Yasuwe: 1640

Abana 8 n’abakecuru 4 bamaze kwicwa n’inzara kuva mu ntangiriro z’uku kwezi k’umunani muri site ya Mubone, bitewe n’inzara. Iyo site iri muri zone ya Buterere, komine Ntahangwa, mu majyaruguru ya Bujumbura.


Abantu bagera kuri 700 baba muri iyo site bemeza ko baheruka imfashanyo mu kwezi kwa kabiri uyu mwaka. Abashinzwe imibereho myiza y’abaturage bavuga ko nta bushobozi bafite bwo gutabara abo baturage.

Uwitwa Ntamarerero Estella wapfushije umwana kuwa Gatanu w’icyumweru gishize yabwiye Ijwi ry’amerika ko yahekuwe n’inzara.

Yagize ati “Njyewe mperutse gushyingura umwana kandi uwo mwana yapfuye kubera inzara.Kubera kutabona ibyo agaburirwa bikwiriye,n’uburyamo bwiza.Icyo nicyo cyatumye umwana wanjye ahwera.

Umwana yararwaye mbura iyo njya kumuvuza,mbura amafaranga yo kumuvuza,mbura n’icyo kumugaburira arwaye,arapfa.Uko n’ukuri kutagabanyije.Ahubwo Leta nigire icyo idufasha idukure aha hantu dusubire aho twaturutse.Nidufashe itugaburire,iduhe ibyokurya bikwiriye,dutunge n’abana bacu.”

Abandi babyeyi baganiriye n’iki kinyamakuru bavuze ko barwaye indwara z’uruhu kubera kuryama habi n’inzara.

Umwe yagize ati “Narwaye indwara nyinshi cyane kubera kubura icyo kurya.Amaguru yarabyimbye.Abana birirwa nabi kubera kubura icyo kurya.Aha twishwe n’inzara,mfite abana 5 ntacyo kubaha mfite,birirwa bagenda bashaka uwabaha umwumbati.Kuva mu kwezi kwa kabiri nta kintu turabona.Twicaye aha ngaha.

Umwe mu bayobozi bo muri aka gace witwa Julien Manirambona yemeje ko aba bantu koko bashonje ndetse bakeneye inkunga ya Leta.

Ati “Nibyo koko aba baturage babayeho nabi,kuko kuva bagera aha ngaha baheruka gufashwa na Croix-rouge,abandi bigeze kubafasha byari ibiro by’umukuru w’igihugu ariko kuva icyo gihe hashize amezi arenga 4 nta mfashanyo babona.Abo benegihugu rero bugarijwe n’ibibazo byinshi birimo indwara,barapfa,cyane cyane abana bafatwa n’indwara zikabahitana kuko bitaborohera kujya kwa muganga.”

Umuyobozi wa Site ya Mubone yavuze ko kuva ukwezi kwa munani gutangiye hamaze gupfa abana 08 n’abakecuru 4 kubera inzara n’indwara zibafata ntibabashe kwivuza.

Leta yo ivuga ko ubwo yarimo gufasha aba mbere bazanwe muri iyi site, hari abandi bagiye biyongeramo bituma Leta igorwa no kumenya umubare w’abakwiriye gufashwa cyane ko hari n’abaje bifashije.

Leta ngo yasabye aba bantu gukora urutonde rw’abazanwe aha hantu bafite ibibazo kubera kugirwaho ingaruka n’ibiza ariko hari kuza izi nzitizi z’aba bantu bari kwiyongeramo badafite ikibazo na kimwe.

Site ya Mubone irimo abantu bakuwe mu byabo n’imyuzure y’imvura yaguye mu Ukuboza 2019,itwara imirima yabo n’amazu muri Zone ya Kinama Buterere mu majyaruguru ya Bujumbura.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukwe wa Perezida Habyarimana ushinjwa kugira uruhare muri Jenoside...

Ntilivamunda Alphonse, umukwe wa Perezida Juvenal Habyarimana, yapfuye ku...
19 November 2020 Yasuwe: 5447 0

Umudipolomate w’Ubwongereza mu Bushinwa yakoze benshi ku mutima kubera...

Nubwo ari umunyacyubahiro,Bwana Stephen Ellison,uherutse koherezwa...
17 November 2020 Yasuwe: 3809 0

Umusaruro w’urukingo rwa Covid-19 uzatangira kwigaragaza cyane ku mpeshyi...

Umusaruro w’urukingo rwa Covid-19 uzatangira kwigaragaza cyane ku mpeshyi...
17 November 2020 Yasuwe: 494 0

Kenya: Covid-19 yishe abaganga 10 mu minsi 4, none bagiye kwigaragambya

Ihuriro ry’abaganga muri Kenya ryaburiye leta ko mu minsi 21 rizakora...
16 November 2020 Yasuwe: 561 0

Jerry Rawlings wayoboye Ghana yatabarutse azize uburwayi

Jerry John Rawlings wahoze ari perezida wa Ghana yatabarutse afite imyaka...
12 November 2020 Yasuwe: 858 0

Amadou Toumani Touré wabaye perezida wa Mali imyaka 10 yapfuye

Amadou Toumani Touré wahoze ari perezida wa Mali uyu munsi yatabarutse ku...
10 November 2020 Yasuwe: 1898 0