Kigali
startimes

Burundi: Havuzwe impamvu itari Coronavirus yajyanye Denise Nkurunziza muri Kenya

Amakuru   Yanditswe na: Dusingizimana Remy 29 May 2020 Yasuwe: 6120

Umwe mu bakora mu biro bya perezida Nkurunziza uyobora u Burundi yatangarije BBC ko umugore wa Perezida,Denise Bucumi Nkurunziza atagiye muri Kenya kwivuza Coronavirus.



Amakuru ataremezwa n’inzego zibishinzwe kugeza ubu avuga ko kuva ejo kuwa kane tariki ya 28 Gicurasi 2020, umugore wa Perezida Petero Nkurunziza w’u Burundi ari muri Kenya ku mpamvu z’amagara.

BBC yagerageje kuvugana n’inzego zitandukanye kuri aya makuru.

Ibiro by’umukuru w’igihugu mu Burundi ntibyahakanye cyangwa ngo biyemeze.

Kompanyi y’indege bivugwa ko yajyanye Denise Nkurunziza ndetse n’ibitaro bivugwa ko byamwakiriye mu mujyi wa Nairobi babwiye abanyamakuru ba BBC ko ayo ari amakuru bwite y’umukiriya adatangazwa.

Umwe mu bakozi mu biro by’umukuru w’igihugu mu Burundi utifuje gutangazwa yemereye BBC ko Madamu Denise Nkurunziza ari i Nairobi mu rugendo bwite rwari rusanzwe ruteganyijwe.

Yahakanye ibivugwa ko, Madamu Nkurunziza w’imyaka 50, yaba yagiye muri Kenya kubera uburwayi bwa coronavirus.

Mu ntangiriro z’iki cyumweru minisitiri w’ubuzima w’u Burundi yagiye i Nairobi muri Kenya ku mpamvu z’amagara ye, umuvugizi w’iyi minisiteri yahakanye amakuru ko yagiyeyo kwivuza coronavirus yemeza ko azahita agaruka mu gihugu.

Kuwa gatatu w’iki cyumweru, uyu minisitiri w’ubuzima yagaragaye mu bitabiriye inama y’abaminisitiri mu Burundi.

Kugeza ubu amakuru arambuye ku mpamvu nyazo zajyanye Denise Nkurunziza i Nairobi muri Kenya aracyagizwe ibanga n’inzego zibishinzwe.

Denise Nkurunziza wahoze ari umukozi w’urwego rw’abinjira n’abasohoka mu Burundi kugeza mu 2002, mu 2005 yashize "BUNTU Foundation" umuryango ufasha avuga ko ugamije kugarurira icyizere abakene, impfubyi n’abapfakazi.

Denise Nkurunziza, ntakunze kugaragara mu bikorwa bya politiki, gusa mu mwaka ushize niwe wafunguye ibiro by’uhagarariye inyungu z’u Burundi i Perth muri Australia.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble umuntu

    Shimwa Mana

    1 month ago
  • chat_bubble umuntu

    niba atajyamwe nu burwayi I mana ishimwe

    1 month ago

Inzindi nkuru

Umuti wa Coronavirus mu Buhinde uri kuboneka ku isoko rya magendu...

Icukumbura rya BBC ryabonye ko umuti wa remdesivir uri kwifashishwa mu...
7 July 2020 Yasuwe: 965 0

Ibigo byose byavurirwagamo abarwayi ba Coronavirus muri Tanzania bigiye...

Tanzania igiye gufunga ibigo by’akato bivurirwamo abarwayi ba coronavirus...
7 July 2020 Yasuwe: 635 0

U Burundi bwatangiye ingamba zidasanzwe zo kurwanya Coronavirus

Ejo ku wa mbere, bwa mbere mu Burundi hafashwe ibipimo 640 ari nabyo...
7 July 2020 Yasuwe: 1943 0

Madagascar yigambye gukora umuti yasubijeho Guma mu rugo igitaraganya...

Igice kinini cy’ikirwa cya Madagascar kirimo n’umurwa mukuru, Antananarivo,...
6 July 2020 Yasuwe: 2360 1

Urupfu rw’umuhanzi wo muri Ethiopia rumaze guhitana abantu 166

Imyigaragambyo ishingiye ku moko yakurikiye iyicwa ry’umuhanzi Hachalu...
6 July 2020 Yasuwe: 1307 0

Trump yongeye kunengerwa mu ruhame ashinjwa gukwirakwiza ibinyoma ku...

Umwe mu bakuriye ibyo kugenzurano kwemeza imiti muri Amerika akemanga ibyo...
6 July 2020 Yasuwe: 1228 0