skol
Kigali
startimes

Burundi: Perezida Ndayishimiye yagabanyije igiciro cy’isabune ku kigero cya 50 % mu rwego rwo gufasha abantu kwirinda Coronavirus

Amakuru   Yanditswe na: Dusingizimana Remy 30 June 2020 Yasuwe: 2669

Kuri uyu wa 30 Kamena 2020 nibwo perezida Ndayishimiye yakiriye indahiro z’abaminisitiri 15 baherutse gushyirwa muri Guverinoma ariko anatangaza ko hari ibintu 6 by’ingenzi agiye kwitaho birimo kurwanya icyorezo cya Coronavirus aho yagabanyije igiciro cy’isabuni ku kigero cya 50% kugira ngo buri wese abashe kuyigura akarabe intoki.


Perezida Ndayishimiye yavuze ko agiye kwita ku bintu by’ingenzi birimo kurwanya ruswa,guteza imbere ubuhinzi n’ubworozi,kurwanya icyorezo cya Coronavirus,guteza imbere urubyiruko no gufasha abageze mu zabukuru.

Ubwo yari ageze ku bijyanye na Coronavirus,Perezida Evariste Ndayishimiye yabwiye Abarundi ko mu rwego rwo kurwanya iki cyorezo,guhera kuri uyu wa Gatatu tariki ya 01 Nyakanga 2020,isabune irangabanyirizwa igiciro ku kigero cya 50%.

Yagize ati “Reta yiyemeje kumanura igiciro cy’isabuni ku bice 50%, kugira umwenegihugu yoroherwe mu kuyironka, ico kindi gice ni Reta izokiriha. Mu bisagara vy’imigwa mikuru y’intara, Reta igiye kugabanya igiciro c’amazi gushika tubonye ko ico kiza Korona kitacibonekeza mu gihugu.

Mu ntara zose z’Uburundi, hagiye gushingwa umugwi wo gupima umugera wa korona, duce dukora isekeza ryo gupima abanyagihugu bose aho hose twiketse ko umugera woba wahinjiye.”

Nubwo ngo iyi sabune yagabanyirijwe igiciro,Perezida Evariste yavuze ko ari imbere mu gihugu gusa uzafatwa ajya kuyicuruza hanze azahanwa bikomeye.

Perezida Ndayishimiye yavuze ko kugira ngo Abarundi batsinde Coronavirus basabwa kubahiriza amabwiriza ya Minisiteri y’Ubuzima ndetse avuga ko hagiye gutangiza ubukangurambaga bwitwa «Ndakira, sinandura kandi sinanduza».

Ku bijyanye no kurwanya ruswa,Perezida Ndayishimiye yavuze ko ngo hagiye gushyirwaho udusanduku tw’ibitekerezo dushyirwamo amabaruwa agaragaza abarya ruswa ndetse ngo tuzajya dufungurwa n’intumwa ye gusa.

Yagize ati “Kubera twabonye ko abatari bake batinya kudomako urutoke indongozi zihemukira abenegihugu, ubu bwa vuba tugiye gushira ku migwa mikuru y’amakomine, agasandugu bazoshiramwo ivyipfuzo n’ibirego mw’ibanga, kazohora kugurugwa n’intumwa yanje gusa.”

Perezida Ndayishimiye yijeje Abarundi ko azabayobora mu buryo bubabereye,buri wese azahembwa ibihwanye n’umurimo yakoze ndetse atazarobanura agendeye ku mashyaka.

Kuwa 27 Kamena 2020,nibwo Minisiteri y’Ubuzima iheruka gutangaza ko habonetse abantu 26 bashya banduye Coronavirus.Abarwayi 50 bari barwaye, 22 muri bo bataha iwabo.

Kugeza ubu, mu Burundi abamaze kwandura Coronavirus ni 170 barimo 54 bakirwaye mu gihe 115 bakize.Umuntu umwe niwe wahitanywe na Covid-19.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umuti wa Coronavirus wizewe bitarenze mu ntangiriro z’umwaka...

Ikigo cy’ubushakashatsi mu by’ubuvuzi mu Bufaransa, Institut Pasteur de Lille...
28 September 2020 Yasuwe: 1221 0

Kabuga Felicien ukurikiranyweho ibyaha bya Jenoside yajyanwe mu...

Umunyarwanda Kabuga Felicien ufungiye mu Bufaransa, biravugwa ko amerewe...
27 September 2020 Yasuwe: 1885 0

Burundi: Perezida Ndayishimiye yagaragaye ateruye ingurube yo koroza...

Perezida w’u Burundi, Evariste Ndayishimiye,yongeye guca ibintu hirya no...
22 September 2020 Yasuwe: 2940 0

Ibaruwa irimo uburozi bwa ’ricin’ yari igiye guhabwa Trump muri White...

Ubutumwa burimo uburozi bwa ’ricin’ bwari bwohererejwe Perezida Donald Trump...
20 September 2020 Yasuwe: 2182 0

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 765 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 714 0